Paihowa 3:17 - Loina Nuahuana

¹⁷ “Tasigwao, yasanapugomiya 'abehega 'imi henuwa potepotega Yesuina walohe'amasiya, gidemusa 'imi babadao.

Paihowa 3:17 ပူးပေါင်းရင်းမြစ်များ

Luke 23:13

Coinega Pailato Topwaoli Madoudi ma babada ta tupwana meYudiyaedi 'ibwau he'autedima,

Luke 23:34

Coinega Yesu 'igwaeya, “Tamagu yo, 'idi pui bewa 'unuwasamudi, weyahina geya sisanapu to'aha sipaipaihowa.” Ma tolo'alehaowedi Yesu 'ana 'wama si'eweya, ta 'oinega si'eheyaheyaleya, tuwa gide siulahesinuwa, ma 'oinega 'eguma taiyawedi sinugeta 'wamaedi si'ewadi.

Yoni 15:21

Ginaulaedi galadi bewa nata 'oimiya sipaihowadi weyahina 'omi 'igu bodao, ma wete tauna 'ihesumanegauma geya sisanapu.

Yoni 16:3

Cidi paihowaedi galadi nata 'oimiya sipaihowadi weyahina Tamagu ma taugu geya sisanapumai.

Yoni 7:52

Coinega 'inapwanaowedi Nikodimo sihegwae hileya, “Nuwana 'owa Galili loheyaina, 'awa? Ma hesi 'eguma Buki He'asisi 'uhasili, nata 'usanapu 'abehega geya 'eta wete palopita Galili 'oinega 'itauyama.”

Paihowa 13:27

Ta Yelusalema 'ana tomiyao, ma 'idi babadao, To'abihetenaina geya sisanapu, ma wete palopitao 'idi hepwailao Sabati 'aigeda 'aigeda sihasihasili totapwalolo 'oidiya, ma hesiyage geya sisanasanapudi, ta hesi To'abihetenaina sitebaeya, 'oinega palopitao 'idi hepwaila nugetao mwalona hene 'adi moisa tuta bewa si'abilatuheya.

Paihowa 22:5

Topwaoli Madouna ma 'imi babadao mabwaiyadi 'igu paihowa bewa sisanasanapu, weyahina taudi leta si'ebwaegauwa tasidiyao Damasiko 'oina weyahidi, ma 'abehega yada tauya, ma 'oidiyega tagwala yada 'ewa nugete, ma 'oinega tohemisao yada 'abiyahidi, ma yada tauyedima Yelusalema, ma sida gihemuyedi.

Paihowa 26:9

“Moisa, taugu mwalo 'igu nuwatuhu 'abehega 'eda mabwaiyadi 'oidiyega, Yesu gwama Nasaleta sanina ya'ausi.

Paihowa 28:21

Ta meYudiyaedi sigwaeya, “Tauma geya 'aigeda Yudiyega leta weyahiu 'alobaloba, ma wete 'iyadao 'ebwa sinaonaoma geya sihepwailego 'abehega 'owa galau.

Paihowa 7:40

ma tasina Eloni sihegwaeya, sigwae, 'Cida 'ebe 'etuluha 'upaihowadi ma sihanugetegita, weyahina Mosese tauna mwalo Itipitega 'ihanugetegitama, geya tasanapu ta'eha nana 'itauya?”

Loma 11:2

Coinega yasanapuya 'abehega tauma Yehoba 'ina tomotaiyao, mwalo hene 'ihesinuwanemaiya ma 'abehega 'ina bodao, ee 'oinega nata geya 'ilolososomanemai. Ma mwalo heneyage, Ilaitiya meIsileli 'ilomugiyediya Yehoba 'oina, ta 'ina Bukiya 'ileleya, 'igwaeya,

1 Kolinita 2:8

Ta gogo gabulena bewa 'ana toloinao sanapuina geya sisanasanapu, ma 'eguma nuwana sida sanapu nugeteya, sahena 'ida Bada galewega silolohe'amasi kelose 'oina.

2 Kolinita 3:14

Moisa, meIsileliyedi nuwa potapotadi, mwalohene ta nige, weyahina 'abwa tuwa bewa 'eguma loina miyamiyana 'ana hasila sihesagohe, nuwadi sitala 'au'ausidi 'idi nuwa potepotega, ma sahena sinuwanuwa sabwalena, ma Keliso 'iboimo sowasowahina tala'ausina 'i'ewa yahuledi.

Epeso 4:18

'idi sinasinapu siguguyouwa, ma geya Yehoba yawasina 'oidiya 'imiyamiya, weyahina 'idi debapa'ala 'oinega siheyauyaule pwaiya.

Pilipai 1:22

Ceguma bale'uwa yamiyamiya 'igu paihowao bwebwe'adi silatulatu Keliso weyahina, 'oinega geya yasanapu to'aha nuwanuwagu ma yahesinuwe.

1 Timoti 1:13

Mwalo geya gide, ma hesi Keliso ya'ahwa galagalaeya ma 'ina bodao yalosahiyediya, ma tuwa Yehoba 'isanapuya 'abehega ginaula galadi taugu yapaihowediya 'igu henuwa potapota 'oinega, ma wete geya yahemisa, 'oinega 'i'atemuyemuyegauwa.