Paihowa 3:13 - Loina Nuahuana

¹³ ma hesi Yehoba 'ina waiwaiyega, tauna Ebalahamo ma Aisake ma Yakobo 'idi Yehoba, ta tubudao 'idi Yehoba. Yehobaina 'ina hewali Yesu sanina 'i'abihaneheya, tauna mwalo Pailato nuwanuwana ma 'ilihasi, ma 'omi wamwehihiyeya, ta wa'ahwa galagalaeya Pailato matana.

Paihowa 3:13 ပူးပေါင်းရင်းမြစ်များ

Madiu 11:27

Ma wete 'igwaeya, “Ginaula mabwaiyana Tamagu nimaguwa 'ilagu pwaidiya ma Tamaguina taboinamo 'isanapugauwa, ma taugu wete Tamagu taugumo yasanapuya, ma wete 'eguma taiyawedi taudi nuwanuwagu ma Tamagu yahe'itae 'oidiya, taudi wete sisanapu.

Madiu 20:19

ma muliyetega si'ebwayegau taudi geya meYudiya 'oidiya, ma silotuyanegau, ma balaeyega sisapigau, ma kelose 'oina situtu hepatugau, ma sabwelo hetoina 'oina Yehoba 'i'abihe toholo hilegau.”

Madiu 22:32

‘Taugu Ebalahamo 'ina Yehoba, ma Aisake 'ina Yehoba, ma Yakobo 'ina Yehoba.’ Yehoba geya tomota 'ama'amasidi 'idi Yehoba, ma hesi tomota mayawasidi 'idi Yehoba, 'oinega babadaedi mayawasidi bewa tuwa simiyamiya.”

Madiu 27:2

Coinega Yesu nimana sipaidiya ma sitauyeya toloina madouna Pailato 'oina, ma 'abehega Pailatoina 'ida loina.

Madiu 28:18

Eeta Yesu 'inaoma 'oidiya ma 'ihegwaediya, 'igwae, “Tamagu loina waiwaina mabwaiyana galewa ma bale'uwa 'i'ebwae pwaigauwa.

Maki 15:11

Ma hesi topwaoli madoudi tomota 'idi nuwatuhu sihenuwalagu pwaiyeya 'oidiya, 'oinega Yesu siguipaileya ma Balaba hesi sanina si'inaneya, ma 'abehega 'ilihasi weyahidi.

Luke 22:57

Ma Pita 'iuhala ta 'igwaeya, “Wahine, geya yasanapu taiya tauna weyahina 'ugwaegwae.”

Luke 23:4

Ta muliyetega Pailato topwaoliyedi ta bodao 'ihegwaediya 'igwaeya, “Loheya bewa geya 'eta 'ina pui yaloba.”

Luke 6:37

Ma sahena tomota wa'ahwa'ahwa galegaledi, tabu ma Yehoba wete 'i'ahwa galegalegomi. Ma wete sahena 'iyamiyao wahe'ewadi, ma 'oinega 'omi sahena he'ewa walobaloba. Ma hesi 'iyamiyao mumugadi wanuwasamudi, ma 'oinega Yehoba wete mumugami 'inuwasamudi.

Yoni 12:16

Sauga nage 'oina tomuliyaedi gwae bewa sihesagoheya ma hesi geya 'oidiya 'imaedana. Yesu 'ina 'amasa 'oinega ma 'ina toholo hila 'oina 'abwa hesi Yehobaina 'ina gwaeina Buki He'asisi 'oina sinuwatuhu yahiya ma sisanapuya to'aha gide tomota 'idi paihowa Yesu 'oina, gwaeina 'ana moisa 'ilatuwa.

Yoni 18:40

Coinega bodaedi mabwaiyadi si'apu lagata ma 'enadi madounega sigwaeya, “Geya, tauna sahena 'ulihalihasi, nuwanuwama Balabasa hesi 'ulihasi weyahima.” (Balabasaina tauna toyagaha.)

Yoni 19:11

Ta Yesu Pailato 'ihegwaeya 'igwae, “Geya 'eta wete 'ino loina 'oiguwa 'imiyamiya, 'eguma Yehoba geya 'oiuwa 'itagwala. Ma hesiyage 'uda sanapu 'abehega loheyaina tauna 'ihe'ebwayaegauma 'ino loina 'oina, 'ina pui gala hedadena, 'abwa 'owa 'ino pui.”

Yoni 19:12

Pailatoina Yesu 'ina gwae gidemusa 'ihesagoha 'eseya, 'oinega nuwanuwana madouna Yesu 'ilihasi. Ma hesiyage meYudiyaedi geya nuwadi, 'oinega mabwaiyadi 'enadi madounega sigwaeya, “Yesu 'eguma 'ulihasi, 'owa geya Sisa 'iyana. Weyahina loheya beno 'i'abowa 'abehega tauna kini 'aigeda, ma hesiyage Sisa 'iboinamo kini. Coinega tasanapuya 'abehega tauna Sisa 'ana 'aleha.”

Yoni 19:15

Ma taudi sigwae, “Geya, watauya kelose 'oina watutu hepa'ine.” Coinega Pailatoina wete 'ihesilala hilediya 'igwae, “Togidega ta 'imi kini ma 'abehega 'alohe'amasi?” Coinega topwaoliyao 'idi babadao sigwae, “Tauma hene Sisa 'iboinamo 'ima kini, geya 'eta wete taiya.”

Yoni 7:39

Yesu 'ihehegwaegwae Yaluyaluwa Tabuna weyahina, ma muliyetega 'abwa 'ana tohemisaowedi Yaluyaluwa Tabuna 'oidiya 'iluhu. Tutaina beno 'oina, Yaluyaluwa Tabuna 'abwa geya tomota 'oidiya 'iluhu, weyahina Yesu 'abwa geya 'ihane 'ina 'ebeloina 'oina.

Paihowa 22:14

“Ta 'ihegwaegauwa, 'Tubudao 'idi Yehoba 'ihesinuwegowa, 'abehega 'ina nuwatuhu 'usanapu ma Tobwebwe'anaina 'u'ita, ta 'ina gwae 'uhesagohe,

Paihowa 24:14

“Ta 'idi gwae 'aigeda tuwa ya'ahwa moisaeya, beno 'edaina sihesaniyeya Wataha 'oinega yalotapwalolo tubumao 'idi Yehoba 'oina. Ma wete Mosese 'ina loinao ma palopitao 'idi lele mabwaiyadi yahemisaediya.

Paihowa 3:12

Ma Pita 'i'itediya, 'oinega boda 'ihegwaediya, 'igwae, “Comi meIsileli, to'aha weyahina nuwami 'ihenainaida ma wa'e'ebubumai? Geya 'abehega tauma 'ima waiwaiyega bo nuwana 'ima mumuga bwebwe'ana 'oinega, loheya bewa 'a'abihe bwebwe'aneya ta 'itautau,

Paihowa 3:26

Ma Yehoba 'ina hewali Yesu 'i'abihe toholoya, ta 'omi meYudiya 'oimiya 'ihetune nugeteyama, ma 'ina helau 'oimiya beno 'abehega 'imi puiyao 'oidiyega wanuwabui, ma hali bodao muliyetega.”

Paihowa 4:27

“Moisa gogo bewa 'alona si'eto'autama ma Yesu si'aleha, tauna 'ino hewali dumwaluna ma hesihesinuwaina, taudi to'alehaowedi beno Helodi, ma Ponitio Pailato, ma meYudiya ma wete taudi geya meYudiya,

Paihowa 4:30

Ta wete 'ino waiwaiyega tolohalao 'uda 'abihe bwebwe'anedi, ma 'ila'ilalao ma hedehedede 'uda gihelatuhedi, 'ino hewali hesihesinuwaina, sanina Yesu 'oinega.”

Paihowa 7:32

'Taugu tubumwao, taudi Ebalahamo ma Aisake ma Yakobo, 'idi Yehoba.’ “Ma Mosese 'ina matautega 'idededela, ma genuwana 'i'ebubuna.

Ibeliu 2:9

Ma hesi Yesu ta'ita pwaiya, beno tuta to'uto'upanamo 'oina 'imiyasuluwa aneloseyao gabulediya ta muliyetega 'ana 'amayaba ta 'ana hepwatu madouna 'ilobediya 'ina muyamuya ma 'ina 'amasa 'oidiyega. Beno Yehoba 'ina helau 'oida, weyahina Yesu 'amasa 'ana muya 'ilotohoya mabwaiyada weyahida.

Heꞌitaꞌita 1:18

Mayawasigu yamiyamiya. Mwalo ya'amasa, ma 'u'ita taugu yamiyamiya ta geya'abwa yagumwagumwala. Eeta nimaguwa 'amasa ma Bwebweso 'adi kihi ma sowasowahigu yaso'edi.

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.