Paihowa 28:2 - Loina Nuahuana

² Ma bwanabwanaedi sihelauwemaiya madouna, ta 'aiwe siholeya, ma mabwaiyama sibwauwemaiya ta 'amwaimwailu, weyahina 'i'wesu'wesu ma gogai wete.

Paihowa 28:2 ပူးပေါင်းရင်းမြစ်များ

Ibeliu 13:2

Ta wete taumanao wabwauwedi 'oimiya, gide mwalohene tupwana tomota taumanao si'ita'ita yahidiya, ma hesi taumanaedi taudi aneloseyao, ta geya si'inanedi.

Kolose 3:11

Coinega geya 'eta wataha 'imiyamiya ma 'abehega wagwae “Yudiya boda hagadi ma tauma boda hagama,” bo wagwae, “Taudi meYudiya 'adi 'ila'ilala si'upweya 'wapidiya boda hagana, ma taudi geya si'upwa boda hagadi,” nuwana taumanao bo tomiya pwatula boda hagadi, nuwana wete topaihowao ma babadao hali bodao. Ma tuwa Keliso 'ina boda mabwaiyada. Ma 'ateda Keliso 'iboi 'ilohegogonegita.

Loma 1:14

Weyahina 'ilobwainegauwa gide ma boda mabwaiyadi 'oidiya yapaihowa, taudi 'asa baibaiwadi 'adi tomiyao, taudi wete pwatula 'adi tomiya, ma tonuwa sonosonogao ma tohemwagemwageyao.

2 Kolinita 11:27

'ima paihowa madouna, ma miyamwau 'adi tuta 'oidiya, nihuwana geya yada 'enowa, ma gomale ta tani'oyahala, wete tuta tupwana baibaiwana geya 'agumo, ta geya 'igu hadamo, ma geya 'agu 'wamamo tuta gogai 'oidiya.

Paihowa 28:4

Ta bwanabwanaedi si'iteya Paulo nimana mwata 'isanasanana, ta sihehegwaegwae siboidimo, sigwaeya, “Moisa tuwa, loheya nage tolohe'amasa, ma geya sowasowahina loinega 'iboi 'i'abihete. Bwagana damanega 'idenama 'oya'oya, ma wa'ita mwata 'inaliya.”

1 Kolinita 14:11

Ceguma hali tupwa 'enadi geya yasanapu, taugu gide taumana yahenainaida, ta geya sowasowahigu ma 'enadi yasanapudi. Ta taudi wete geya sawasawahidi 'enagu sisanapu.

Madiu 10:42

Ma 'eguma 'owa we'aha gogai 'agu tohemisa 'ehauna 'aigeda 'oina 'u'ehele, yahegwaego 'abwa 'a maisa 'ausalana 'uloba.”

Paihowa 27:3

Gona 'i'adaleya ta Saidoni 'oina 'asohota, ta Yuliyasi Paulo 'i'atemuyamuyaeya ta 'itagwaleya ma 'itauya 'iyanao 'oidiya, ma si'itayahi.

Loma 2:27

Coinega 'omi meYudiya 'abwa tomiya ganamuli sibwa'omategomi, weyahina Mosese 'ina loinaina ta Ebalahamo 'ina 'ila'ilalaina 'wapimiya simiyamiya, ma geya loinaedi wada muliyediya, ma hesi taudi geya meYudiya bwagana Ebalahamo 'ina 'ila'ilala 'wapidiya geya 'ida miya, ma tuwa hesi loinaedi simulimuliyedi.

Yoni 18:18

Ma sauga nage 'oina gogagogai 'ana tuta, 'oinega topaihowa ma tolo'alehaedi 'aiwe sihataliya ma 'oina simwaimwailu. Coinega Pitaina 'i'itediya simwaimwailu, ta wete tauna 'iluhuwa 'oidiya, ma mahetenao simwaimwailu.

Paihowa 28:3

Ma Paulo 'aiwe 'idomweyama, ta 'aiwe 'oina 'ilagu balediya, ma yahiyahi weyahina ta mwata newanewalina 'ilatuma, ta Paulo nimana 'inaliya.

Loma 14:1

Tupwadi tomota 'idi hemisa we'ana, sawasawahina tatagwala ma 'ida boda 'oina siluhuma ma tahe'iya'iyagu, ma hesi sahena mahetedao tahe'ohe'ohe.

Loma 14:3

Sahena taudi to'e'uibai sisinasinala to'etala he'asisiyedi 'oidiya, eema to'etala he'asisiyedi wete, sahena to'e'uibaiyedi si'ahwa'ahwa galagalaedi, weyahina Yehoba 'ihesinuwediya 'abehega tauna natunao,