Paihowa 2:40 - Loina Nuahuana

⁴⁰ Ma Pita 'ina gwae ta 'ina loguguya baibaiwana wete 'oidiyega 'ihepwaila, ta 'igwaeya, “Ciyagwao, mehau galadi wa'ebesinedi ma 'abihetena wa'ebese.”

Paihowa 2:40 ပူးပေါင်းရင်းမြစ်များ

Madiu 12:34

“Comi tuwa mwata natunao, 'oinega geya sawasawahina ma gwae 'ausaladi wa'inanadi, weyahina mabwaiyami togala, ma wete 'imi nuwatuhuwao to'aha gide 'atemiya simiyamiya, tuta mabwaiyana 'ahwamiyega silatulatuma.

Madiu 16:4

Mehau 'omi galami, ma ganawala huhumi, beno huhuna 'ila'ilala wa'ebe'ebese ma 'oidiyega wasanapu bwaibwainigau 'abehega Yehoba 'oinega yanaoma. Hesi geya'abwa 'ila'ilalaedi wa'ita'itadi. Beno namo Yona weyahina wanuwatuhuyahi, tauna tuwa 'ila'ilala weyahimi.” Coinega Yesu 'i'ebesinediya ma 'itauya.

Madiu 17:17

Coinega Yesu 'ihegwaediya, “Hede 'omi togidega? Tonuwa potapotami 'iya. Nuwana geya wahemisaegau, 'awa? Cimi nuwapotapota 'oinega yawahi dabalala. Hana gwamaina wanaoleyama 'oiguwa, ma ya'ita.”

Madiu 23:33

“Comi mwata natunao, ta geya sawasawahina ma 'asa 'ala'alatana* 'oinega wadena.

Maki 8:38

“Ma 'eguma taiya 'owa weyahigu 'uhedeba mwadimwadina, wete 'igu he'itao weyahidi 'uhedeba mwadimwadina, ma 'uuhalegau yaso bewa galadi ma ganaganawalidi matadiya, 'abwa taugu Loheyaiguina wete yauhalego, tutaina Tamagu 'ina wasawasa maemaedanaina 'oinega yahilama ma aneloseyao wete ba'idagwao.”

Luke 16:28

ma tasigwao site nima 'ida hemataluwedi, tabu ma taudi wete sinaoma muya 'ina tupwa bewa 'oina.’

Luke 21:36

“Coinega wa'atububu hataya, ma tuta baibaiwana wa'ahwa'ahwanoi 'abehega ma'imi 'atepatu ginaulaedi 'oidiyega wahewaiwai, ma sowasowana watoholo taugu Loheyaiguina mataguwa.”

Yoni 21:25

Yesu 'ina paihowao baibaiwa hedadedi simiyamiya, ma 'eguma 'ina paihowaedi mabwaiyadi taleledi, yanuwatuhuya nata bale'u bewa buki 'imaha geyogeyoi.

Paihowa 10:42

Ma 'iloinemaiya ma tomota 'oidiya 'aloguguya 'abehega Yehoba Yesu 'ihesinuweya ta 'abehega tuta 'ana 'ebelolagu 'oina tauna loina 'ida paihowa tomota taudi si'amasa weyahidi ma wete tauda mayawasida weyahida.”

Paihowa 15:32

Ta Yudasa ma Sailasa taudi wete palopitao, ta 'idi guguya baibaiwana 'oidiyega tohekalesiyao si'abihe waiwaiyediya.

Paihowa 20:11

Ta hewaliina sitoe haneheya mayawasina, ma weyahina siyaliyaya madouna. Coinega Paulo 'ihane hila ma beledi 'i'ehisihisiya ta si'aiya, ma 'oinega mahetenao sihehegwaegwae ta 'ana siga gona 'i'adaleya, ta 'itoholowa ma 'i'ebesinediya.

Paihowa 20:2

Ma Masidoniya tupwainao 'oidiya 'isakowasiya, 'iloguguya tohekalesiyao 'oidiya, 'i'abihe pa'alidiya, ta muliyetega tupwa Gilisi 'oina 'ihapwesa,

Paihowa 20:21

ta 'igu he'ita 'oimiya tuwa mahemahetena, 'omi meYudiya, ma 'omi hali tupwa tomotaiyao, mabwaiyami yaguguya 'oimiya ta 'abehega mumugami galadi 'oidiyega wanuwabui Yehoba 'oina ma Bada Yesu wahemise.

Paihowa 20:24

“Ta geya hene yawasigu weyahina yanuwanuwatuhu ma yanuwahi. Beno tuwa 'igu 'eda nuwana 'igu paihowaina Bada Yesu 'i'ebwaegauwa weyahina yanuwanuwatuhu ta 'abehega yalosalohi, beno 'ada helau Yehoba 'oinega 'ana hepwaila.

Paihowa 20:9

Ma hewali 'aigeda, sanina Yutiko, 'imiya haneya hada papalina 'oina 'imiyatoiya, ta mata'eno'enowega 'ilolosaduduna. Ta Paulo 'abwa 'igwaegwae, ta Yutikoina 'i'enosineya, ma papalinaina 'oinega 'ibe'uwa bale'uwa, ma sisuluwa ta si'abilagasiya, ta si'iteya 'i'amasa pwaiya.

Paihowa 28:23

Ma sabwelo siupaeya, ma boda madouna si'eto'autama Paulo 'ina hada, ma gonegonega 'ana siga 'iboi 'oidiya 'iguguya, Yehoba 'ina hetoloina weyahina, ta Mosese 'ina loina 'oinega, ma palopitao 'idi gwaeyao 'oidiyega, 'ihe'itediya Yesu weyahina, ta 'itohoya ma 'abehega 'i'abihe 'asilaladi.

Paihowa 4:36

Towasawasa 'aigeda 'oidiyega, sanina Yosepa, ma sanina hauhauna tohepwailaowedi si'ebwaeya Banaba, beno 'ana sanapu “To'abihe 'atepatu,” tauna gwama Saipilosi, ma Libai 'ina susu 'aigeda,

2 Kolinita 5:20

Tauma Keliso 'ana tohepwailao ta Yehoba 'oimega 'ilolohatoto 'oimiya, ma Keliso weyahina 'a'ahwanoiyegomi ma Yehoba 'oina wahe'iya'iyagu hila.

2 Kolinita 6:17

Coinega Yehoba wete 'igwaeya, ‘Hali boda 'oidiyega walatu ma wa'ebesinedi, ma sahena ginaula bi'ibi'idi wa'abi'abitohodi, ma yatoegomi 'igu tupwa,

Galetiya 5:3

Weyahina 'eguma taiya 'oimiyega 'itagwale ma 'wapina si'upwa, 'ilobwaineya Mosese 'ina loinao mabwaiyadi wete 'ihematamatanedi,

Epeso 4:17

Bewa wete Bada saninega yaloguguya 'oimiya 'abehega mumuga tomiya ganamuli gidemusa walolagu, weyahina 'idi nuwatuhu besobeso 'oidiyega,

Pilipai 2:15

ma hesi 'abehega 'omi Yehoba natunao bwebwe'ami ma 'ehaumi, ta geya wete 'imi galamo ma mebale'u 'idi mayale 'omi. Weyahina taudi 'idi mumuga guguyou ma galadi.

1 Tesalonaika 2:11

Weyahina mabwaiyami 'a'itayahigomiya, gide tuwa loheya natunao 'i'ita'itayahi 'esedi.

1 Timoti 4:16

Timoti, 'u'itayahigo, tuta mabwaiyana 'uhe'ita moisa, ma 'ane Yehoba 'owa ma 'ino tohesagohaowedi ba'idamwao 'i'abihetegomi.

1 Pita 5:12

Cimi leta 'i'iuna bewa Sailasa 'ilemegauwa eeta yaleleya weyahimi. Tauna Sailasaina tahesaniyeya 'abehega tauna 'aigeda tasidai ma'ina hemisa. Coinega 'imi leta bewa 'oina nuwanuwagu ma Yehoba 'ina helau moisa yahepwaile 'oimiya, ma 'oina watoholo pa'ala.