Paihowa 2:27 - Loina Nuahuana

²⁷ Taugu 'ino loheya hesihesinuwaigu, eema sahena yaluyaluwagu 'ulagulagu hataya to'amasao 'idi gogowa, ma gesowana wete 'wapigu 'imwahulu.

Paihowa 2:27 ပူးပေါင်းရင်းမြစ်များ

Madiu 11:23

“Ma 'omi meKapaneumi togidega? Cabehega taumimo wa'abilagasigomi galewa, 'awa? Geya hene! Ma hesi nata Bwebweso 'alona siula dobihegomi. Weyahina 'ebe henainaidaedi yapaihowa pwaidiya 'oimiya ma hesi geya wanuwabui, ma mwalo 'eguma meSodoma 'oidiya yada paihoweya, mwalo hene sida nuwabuiya, ma 'ane Yehoba sahena 'imutumutudi, ma nige 'idi 'asa 'ida miyamiya.

Luke 1:35

Ta anelose 'igwaeya, “Yaluyaluwa Tabuna nata 'isuluma 'oiuwa, ma Yehoba 'i'abi hewaiwaiyego, ma natuu bwebwe'ana hedadena ma he'asisina 'uhenatune. Tauna nata sibwauwe Yehoba Natuna.

Luke 16:23

ma tauna ma'ina muya madouna to'amasa 'idi tupwa 'oinega 'i'ita haneya, ta Lasalo 'i'iteya Ebalahamo ba'idana simiyamiya.

Luke 24:44

Ma 'ihegwaediya, 'igwaeya, “Gwaeyedi yatetela pwaidiya 'oimiya tutaina taugu ba'idamiu, mabwaiyana weyahigu sileleya Mosese 'ina Buki 'oina ta palopitao 'idi buki 'oidiya ma wete buki wali Same 'oidiya, ma 'oinega 'igu hepwailaina 'ana sanapu moisa 'ida latu.”

Luke 4:34

“Ya! Yesu 'owa gwama Nasaleta, to'aha lamuna ta 'unaoma 'oima? Nuwanuwau 'abehega 'umutumai, 'awa? Ma 'owa hesi yasanapugowa, 'owa tuwa Yehoba Natuna.”

Yoni 11:39

Ta Yesu boda 'ihegwaediya 'igwae, “Da'uleina nage galihina 'oinega wa'ewa yahule.” Coinega Malida tauna tuwa loheyaina yawasina 'igumwagumwala nuhuna Yesu 'enana 'ihemaiseya 'igwae, “Cinapwana, tuta bewa 'oina 'imwahulu pwaiya. Weyahina 'ebwalai heneyage 'ahemiya taona pwaiya ta nige bewa sabwelo hehatana 'ilobeya.”

Paihowa 2:26

Coinega yayaliyaya madouna ma yahehepwatuwe, ma yahemisaeya 'ane gesowana 'wapigu 'igalagala.

Paihowa 2:28

Ta hesi yawasi bwebwe'ana 'ina 'eda 'uhe'itaeya 'oiguwa, 'oinega matauwa 'u'abihe yaliyaya hataegau.’”

Paihowa 2:31

Coinega To'abihetenaina 'ina toholohila 'isanapu nugeteya, ta 'ihegwaeya 'abehega sahena to'amasao yaluyaluwadi 'idi gogo 'oina 'imiyamiya hataya, ma wete 'wapina gesowana 'imwahumwahulu.

Paihowa 3:14

“Moisa tuwa, Yesu tauna loheya dumwaluna ma bwebwe'ana, ma hesi walogwahateya, ta tomota 'adi tolohe'amasa 'aigeda nuwanuwami, ta weyahina Pailato 'oina wa'ahwanoiyeya.

Paihowa 4:27

“Moisa gogo bewa 'alona si'eto'autama ma Yesu si'aleha, tauna 'ino hewali dumwaluna ma hesihesinuwaina, taudi to'alehaowedi beno Helodi, ma Ponitio Pailato, ma meYudiya ma wete taudi geya meYudiya,

1 Kolinita 15:52

Weyahina tuta 'ana 'ebe losaloha 'oina yoguli 'ida mu'a madouna, ma Yehoba wahida 'ida bui mwayamwayauwedi, ma wete to'amasao mawahi hauhaudi sitoholo hila, ta tauda mayawasida wahida wete 'ibuidi.

1 Kolinita 15:55

Weyahina gesowana 'amasa 'ihehewaiwai, ma hesi 'amasa 'ina gala 'oida 'igumwala.”

1 Yoni 2:20

Ma 'omi taudi geya gidemusa, weyahina Yaluyaluwa Tabuna 'igihesanapu pwaigomiya, ma 'oinega sanapu baibaiwana wasanapuya,

Heꞌitaꞌita 1:18

Mayawasigu yamiyamiya. Mwalo ya'amasa, ma 'u'ita taugu yamiyamiya ta geya'abwa yagumwagumwala. Eeta nimaguwa 'amasa ma Bwebweso 'adi kihi ma sowasowahigu yaso'edi.

Heꞌitaꞌita 20:13

Taudi ni'u 'adi to'enowao ma Bwebweso 'ana tomiyao ta bale'u 'ana to'amasao mabwaiyadi sitauyama, ta 'aigeda 'aigeda 'iloinediya, to'aha mumugadi gide.

Heꞌitaꞌita 3:7

Aneloseina totapwalolowedi Piladelipiya 'oina 'i'ita'itayahidi 'ina leta 'ulele mePiladelipiya weyahidi ma 'ugwae: Tetela bewa 'itauyama tauna bwebwe'ana ma dumwaluna 'oinega, ma wete tauna nimana kihiina mwalo Debida 'ina 'ebeso'eina 'i'abi'abiyahi, ma 'eguma 'ahwa'eda 'iso'e, geya 'eta taiya sawasawahina ma 'igudu, ma wete 'eguma 'igudu, geya 'eta taiya sawasawahina ma 'iso'e.