Paihowa 2:22 - Loina Nuahuana

²² Pita wete 'ihegwaediya, 'igwae, “MeIsileli 'omi gwae bewa wahesagohe, Yesu tauna gwama Nasaleta matamiya Yehoba 'ihe'itaeya 'abehega tauna 'ina topaihowaina, weyahina Yesu 'ina paihowa waiwaidi ma 'ebe henainaida Yehoba 'ina waiwaiyega 'ipaihowediya, ma wasanasanapudi weyahina gamwagamwanimiya 'ipaihowediya.

Paihowa 2:22 ပူးပေါင်းရင်းမြစ်များ

Madiu 12:28

“Ma taugu hesi Yehoba Yaluyaluwana 'ina waiwaiyega hi'ahi'a yaula latuwediya, 'oinega wasanapu 'abehega Yehoba 'ina loina 'ilatu pwaima 'oimiya.

Madiu 2:23

ma 'ilo'asa Nasaleta 'oina. Bewa 'oinega palopitao 'idi hepwaila nugeta 'ilatuwa sigwae, “Tauna 'abwa sihesaniye gwama Nasaleta.”

Madiu 9:8

Ma bodaedi paihowa bewa si'iteya ma ma'idi he'asisi Yehoba sihehepwatuwe, weyahina tauna Yesu 'ana to'abihewaiwai.

Luke 11:20

Ma taugu hesi Yehoba 'ina waiwaiyega hi'ahi'a yaulaula latuhedi, 'oinega wada sanapu 'abehega Yehoba 'ina loina 'ilatu pwaima 'oimiya.

Luke 18:37

Ta sigwaeya, “Yesu gwama Nasaleta 'itautauya,”

Luke 24:18

Ma 'iyanaina sanina Kaliopasa 'igwae hila, ta Yesu 'oina 'igwaeya, “Ciya, 'owa 'uboimo Yelusalema 'oina geya 'usanapu to'aha 'ilatuwa sabwelo 'etoi 'oidiya wa?”

Yoni 1:45

Muliyetega Pilipi Nataniyela 'ilobeya, ma 'ihegwaeya 'igwae, “Nataniyela, loheyaina sigwaegwaeneya 'alobeya. Tauna mwalona Mosese 'ina buki 'oina weyahina 'ihehegwaegwae. Palopitao 'idi lele 'oidiya wete weyahina sihegwaegwaeneya. Tauna tuwa Yesu, tamana Yosepa, Nasaleta loheyaina.”

Yoni 10:37

Coinega 'eguma taugu geya Tamagu 'ina paihowa yada paihowediya, sahena wete wahehemisaegau.

Yoni 11:47

Coinega Palisiyaowedi ma wete topwaoli 'idi 'inapwanao simiya 'auta, ma sihegwaegwaeya sigwae, “To'aha loheyaina 'oina tapaihowa? Weyahina bewa tuwa ginaula waiwaidi 'ipaipaihowadi.

Yoni 12:17

Ma bodaedi taudi matadiya Yesu Lasalo galihega 'ibwauweya ma 'amasega 'i'abi hetoholo hileya, taudi sitauya 'iyadiyao 'oidiya ma Lasalo 'ina toholo hila wasana sihepwaila dadaneya.

Yoni 15:24

“Ma wete 'eguma mwalo geya'abwa 'igu paihowa waiwaidi matadiya yada paipaihowadi, beno geya 'idi puimo. Ma hesi paihowaedi yapaihowa pwaidiya 'oidiya, paihowaedi geya 'eta taiya gide 'ida paihowa 'esediya. Ma paihowaedi si'ita pwaidiya, ma hesi Tamagu ma taugu tuwa silogwahatemaiya.

Yoni 19:19

Yesuina 'ana kelose debana Pailato gwae 'ileleya ma 'i'ahu hepa'ineya 'igwae, “Yesu gwama Nasaleta tauna meYudiya 'idi kini.”

Yoni 3:2

Loheyainaina nihuwanega 'itauya Yesu 'oina ma 'ihegwaeya 'igwae, “Cinapwana, 'asanapuya 'owa tohe'itaina Yehoba 'oinega 'utauyama. Weyahina geya 'eta taiya 'ina paihowa waiwaina 'owa gidemusa 'eguma Yehoba geya mahetena.”

Yoni 4:48

Coinega Yesu toloinaina 'ihegwae hileya, “Geya 'eta taiya 'ida hemisaegauwa, beno tuwa 'eguma 'igu paihowa waiwaidi ya'abi latuhedi wa'itadi ee 'abwa wahemisaegau.”

Yoni 5:36

Ma Yoni weyahigu 'ihepwaila, beno geya ginaula madouna. Ma hesi ginaula 'aigeda madou hedadena 'imiyamiya, beno 'ebe'itaedi Tamagu 'oinega bewa tuwa yapaipaihowadi. Coinega paihowaedi weyahidi wanuwatuhu bwaibwaina, ma 'oinega wasanapugau 'abehega Tamagu tauna 'ihesumanegauma.

Yoni 6:14

Cigumwala ma bodaedi Yesu 'ina paihowa waiwaina 'ana 'ila'ilala si'iteya ma sigwae, “Tauna tuwa bewa palopitainaina tauna 'abehega gogo gabulena 'oina 'itauyama.”

Yoni 6:27

Coinega bewa tuwa yahegwaegomi, sahena 'e'ahai gumwagumwalidi weyahidi wapaipaihowa, ma hesi 'e'ahai yawasimi miyamiya hatayana weyahidi wapaihowa. Ce'ahainaina bewa weyahina yahehegwaegwae. Loheyaiguina taugu nata ya'ebwaegomi. Weyahina Tamagu 'ina paihowa bewa weyahina 'ihesumanegauma ma yapaihowadi.”

Yoni 7:31

Ma hesi tomota tupwana baibaiwadi sihemisaeya, 'oinega sigwae, “Loheya bewa moisa To'abihetena, weyahina geya sowasowahina ma 'eta taiya 'itauyama ma loheya bewa 'ina paihowa waiwaina 'inugete.”

Yoni 9:33

Loheyaina beno 'eguma geya Yehoba 'oinega, geya sawasawahina ma 'ila'ilala bewa gide 'ipaihowa 'ese.”

Paihowa 13:16

Coinega Paulo 'itoholowa ma nimana 'i'abihaneheya, ta 'igwae, “Tasigwao, meIsileli, ma 'omi hali tupwega Yehoba 'ana tohe'asisiyao, 'igu gwae bewa wahesagohe.

Paihowa 14:27

Eeta tutaina Anitioki 'oina siluhuwa, tohekalesiyao sibwau 'autedima, ma ginaula baibaiwadi Yehoba 'ipaihowediya 'idi sakowasiina 'alona sihe'ote'otetelediya, beno hemisa 'ana 'ahwa'eda 'iso'eya 'asa ganamuli taudi geya meYudiya weyahidi, ma siluhuluhu.

Paihowa 2:19

Ma 'ebe'ita henainaida yapaihowadi galewa, ta wete bale'uwa, gidemusa bweyaha ma 'aiwe ganinisa ma 'asu,

Paihowa 2:43

Ta mabwaiyadi Yehoba sihe'asisiyeya, ma tohepwailao 'idi paihowao 'ebehenainaida ma hedehedede baibaiwadi sipaihowediya.

Paihowa 21:28

ta siwuiwui, sigwaegwae, “MeIsileli he, wanaoma ma loheya bewa wa'ita, tauna tomota tupwa mabwaiyana 'oidiya 'ihe'ita puidiya, 'abehega 'ida boda sisinasinaligita, ta 'ida loinao ma 'ida Hada He'asisi sisinalidi, ma wete Hada He'asisi bewa 'i'abihe ginaula bwagebwageya, weyahina tupwa ganamuliyega, taudi geya meYudiya, 'i'ewedima 'alona.”

Paihowa 22:8

“Ma yahesilala, ‘Bada taiya hede 'owa?.’ Ma 'ihegwaegauwa, 'Taugu Yesu, gwama Nasaleta, 'ulolo'alehegau.’

Paihowa 24:5

“Moisa, loheya bewa 'a'italobeya 'ilasi geyogeyoina, ma meYudiya 'ihe'ita puidiya tupwa mabwaiyana 'oidiya, 'oinega si'ale'aleha, ma tauna boda Nasaleta 'idi to'ahala bihali.

Paihowa 26:26

ma nuwatuhuwedi bewa kini Agalipa 'isanasanapudi, ta matana bewa yagwaegwae geya ma'igu debamwadina, ma yasanasanapu ginaula bewa geya 'eta wete 'i'wai'waiha, weyahina bewa geya paihowa dahwana.

Paihowa 26:9

“Moisa, taugu mwalo 'igu nuwatuhu 'abehega 'eda mabwaiyadi 'oidiyega, Yesu gwama Nasaleta sanina ya'ausi.

Paihowa 3:12

Ma Pita 'i'itediya, 'oinega boda 'ihegwaediya, 'igwae, “Comi meIsileli, to'aha weyahina nuwami 'ihenainaida ma wa'e'ebubumai? Geya 'abehega tauma 'ima waiwaiyega bo nuwana 'ima mumuga bwebwe'ana 'oinega, loheya bewa 'a'abihe bwebwe'aneya ta 'itautau,

Paihowa 3:6

Ta Pita 'igwaeya, “Geya 'igu manemo, ma hesi helauina 'oiguwa 'imiyamiya ya'ebwaego, To'abihetena Yesu, tauna gwama Nasaleta, saninega yaloinego ma 'utoholo ma 'utauya.”

Paihowa 4:10

Coinega nuwanuwama 'omi ma meIsileli mabwaiyami wada sanapu 'abehega loheya bewa matamiya 'itohotoholo 'ina bwebwe'ana Yesu Keliso 'oinega, tauna gwama Nasaleta, kelose 'oina walohe'amasiya, ma Yehoba 'i'abihetoholo hileya.

Paihowa 5:35

Ta muliyetega toloinaowedi 'ihegwaediya, 'igwae, “MeIsileli he, wa'itayahigomi ma sahena waloiloina pa'ala loheloheya nage weyahidi.

Paihowa 6:14

ta wete 'ina gwae 'ahesagoheya 'igwae, 'Yesu tauna gwama Nasaleta 'abwa Hada He'asisi bewa 'ida ligehi yahule ma mumugada Mosese 'i'ebwaegita 'ida buidi, ma hagadi 'ilagudi.’”

2 Kolinita 12:12

Cila'ilalaedi matamiya ma'igu he'alama'i'ita yapaihowediya, beno ginaula 'ebehenainaida ma paihowa waiwaidi, ma 'oidiyega wada sanapugau 'abehega taugu Keliso 'ana tohepwaila moisa.

Ibeliu 2:4

Ma Yehoba wete 'ihe'ita 'abehega gwaeina gwae moisa, beno 'ila'ilala ma hedehedede ma paihowa waiwaidi 'oidiyega, ta wete Yaluyaluwa Tabuna 'ina heguyai 'oida 'oinega. Ma 'ina 'eheleyedi Yehoba 'ina nuwatuhu gide, ta Yaluyaluwa Tabuna ginaulaedi 'oida 'iheguyaiyediya.