Paihowa 19:9 - Loina Nuahuana

⁹ Ma tupwadi deba pa'apa'alidi ma geya sihemihemisa, ta Yesu 'ina 'edaina si'ahwa galagalaeya tohegogonaowedi matadiya. Coinega Paulo 'itoholowa ta 'ana tomuliyao ba'idanao silatuwa, ma siluhuwa Tilano 'ina hada 'ebe se'ulu 'oina, ma nobwa sabwelo 'aigeda 'aigeda 'oidiya Paulo 'ilologuguya.

Paihowa 19:9 ပူးပေါင်းရင်းမြစ်များ

Madiu 15:14

Ma tuwa, Palisiyaowedi simiyamiya 'ana siga sibe'u, weyahina taudi tohanugeta matagibugibudi, ma 'iyadiyao 'eguma matagibugibudi sihanugetedi, nata mabwaiyadi gaula sibe'u.”

Madiu 16:4

Mehau 'omi galami, ma ganawala huhumi, beno huhuna 'ila'ilala wa'ebe'ebese ma 'oidiyega wasanapu bwaibwainigau 'abehega Yehoba 'oinega yanaoma. Hesi geya'abwa 'ila'ilalaedi wa'ita'itadi. Beno namo Yona weyahina wanuwatuhuyahi, tauna tuwa 'ila'ilala weyahimi.” Coinega Yesu 'i'ebesinediya ma 'itauya.

Madiu 26:55

Nage 'oina Yesu bodaedi 'ihesilalediya, 'igwae, “Taugu 'abehega toyagaha 'awa, ta ma'imi 'ebe 'aleha ta ma'imi wepasi walatuma wa'abiyahigau. Ma togidega ma mwalo Hada He'asisi 'oina yamiyamiya, tomota 'oidiya yahehe'ita ta geya wada 'abiyahigauwa?

Yoni 12:40

“Yehoba matadi 'i'abi heguguyou pwaiya, ma wete 'idi nuwatuhu 'i'ausiya. Coinega geya sawasawahidi ma matadi 'oidiyega si'ebubuna ma wete geya sawasawahidi ma 'idi nuwatuhu 'i'asilala. Coinega geya sawasawahidi ma sitauyama 'oiguwa ma ya'abi hebwebwe'anidi.”

Paihowa 11:26

ma 'ilobeya, ta ba'idana sihila Anitioki 'oina. Eeta bolime 'aigeda 'alona siloguguya tohekalesiyaedi 'idi 'eto'auta 'oidiya, ma tomota mabwaiyadi sihehe'itadi. Casaina Anitioki 'oina Yesu 'ana tomuliyao tutaina 'oina sihesani nugetediya Kelisitiyanao.

Paihowa 14:4

Ma meIkoniyamiyedi siwataha, ma tupwadi meYudiya si'ahwa moisaediya, ma tupwadi Yesu 'ana tohepwailao si'ahwa moisaediya.

Paihowa 17:4

Coinega tupwadi si'ahwa moisaeya, ma Paulo ma Sailasa 'idi boda 'oina siluhuwa, ta wete Yehoba 'ana tohe'asisiyao taudi tupwa ganamuli 'oidiyega ma wahiwahine sanidi madoudi 'oidiyega tupwana baibaiwadi wete sihemisa.

Paihowa 19:23

Ma tuta nage 'oina he'ohe'ohe madouna 'ilatuwa Yesu 'ina 'eda weyahina, ta bewa gidemusa 'ilatu 'esa.

Paihowa 19:30

Ma Paulo nuwanuwana ma tohedagadagaowedi 'oidiya 'itautauya ma tohekalesiyao si'etobodeya,

Paihowa 20:31

Coinega walomatayahi ta wete 'igu guguya wanuwatuhuyahi, 'abehega bolime 'etoi geya ya'aiyawasi, sabwelo ma hinuwana 'oidiya, ma hesi mamataneugu yaguguguguya 'aigeda 'aigeda 'oina.

Paihowa 22:4

“Ma hemisa hauhauna bewa 'ana tomuliyao yalo'alehediya. Ma loheloheya ma wahiwahine deliya yalagu luhuwediya, ta tupwadi yalohe'amasidiya.

Paihowa 24:21

Ta 'aigeda tuwa gwae yabwau latuheya, tutaina gamwagamwanidiya yatotoholo, ta weyahina sihe'ewegauwa, beno moisa. Ta 'igu gwaeina 'abehega 'Bewa tuwa matamiya yayatala, weyahina yahemisa 'abehega to'amasao sitoholo hila.’”

Paihowa 28:22

Ta hesi nuwanuwama 'ahesagohamo 'oiuwega to'aha 'ino nuwatuhuwedi, weyahina tupwa baibaiwadi tomota 'ino boda hekalesiya si'ahwa galegaleya.”

Paihowa 7:51

Ma Sitibeni 'ihegwaediya wete 'igwae, “Moisa, 'omi tonuwa potapota, 'oinega Yehoba 'ina 'ila'ilala 'upwa 'wapimimo 'oina, ma geya 'atemiyega ma wete geya tenamiya, 'oinega tuta baibaiwana Yaluyaluwa Tabuna 'ina loina walologwahate, gidemusa tubumiyao silogwahateya.

Paihowa 9:2

nuwanuwana 'ina letao 'ileledi ma 'itauyedi meYudiya 'idi 'eto'autaina Damasiko 'oina, ma letaedi 'oidiyega 'abehega 'eguma Yesu 'ina 'eda 'ana tomuliyao 'ilobadi loheloheya ma wahiwahine, 'i'abiyahidi ma 'i'ewedima Yelusalema, sabi heyatalaedi. Eema letaedi 'i'ewediya ma 'itauya.

Loma 11:7

Bewa lamuna 'oinega meIsileli mabwaiyadi 'etolihasaina si'ebesa 'asaeya, ma tauma tupwatupwamamo hesiyage Yehoba 'ina bodao hesihesinuwama 'etolihasaina 'alobeya, weyahina meIsileliyedi mabwaiyadi deba pa'apa'alidi eeta geya siloba.

Loma 9:18

Eeta, 'eguma Yehoba nuwanuwana taiya 'ihelauwe, nata 'ihelauwe tuwa, ma 'eguma nuwanuwana wete taiya 'i'abihedeba pa'ali, nata tuwa 'ideba pa'ala sehe.

1 Kolinita 16:9

Weyahina 'asa bewa 'oina sawasawahina ma Yesu 'ina paihowa madouna yapaihowa, bwagana 'agu sahiyao baibaiwadi simiyamiya.

1 Timoti 6:5

Coinega 'iyadiyao ba'idadiyao sihe'ahwa panapanawa, ma 'idi nuwatuhu galadi weyahina nata he'ita moisa geya sisanapu, ma hesi 'idi nuwatuhu 'abehega Yehoba 'ana he'asisi 'oinega 'idi wasawasa madouna sida loba bale'uwa.

2 Timoti 1:15

Ma 'usanapu pwaiya, taudi meEsiya silogwahategauwa ma si'ebesinegauwa, taudi Paigelio ma wete Elimogini, ma bodaedi.

2 Timoti 3:5

Tomotaedi sitapwatapwalolo tuwa ma Yehoba 'ina waiwai geya sihemisae, 'oinega 'idi tapwaloloina tuwa ginaula besobeso, 'oinega bodaedi taudi sahena 'oidiya 'uluhuluhu.

2 Timoti 4:2

Bewa 'a loinaina: Tuta mabwaiyana 'uhetapewa waiwai ma tetela 'uhehepwaile, tuta mwau ma tuta yaliyaya 'oidiya, ma tomota 'oidiya 'uguguya ma sihemisa, ta wete 'u'abihe dumwaludi, ma 'u'abihe pa'alidi, ma bewa nuwatuhuwedi 'uhe'ita bwaibwainidi ma'ino 'alama'i'ita.

Ibeliu 3:13

Ma bewa tuwa waboimimo wahelemalema sabwelo 'aigeda 'aigeda 'oidiya, ta 'oinega sahena mumuga galana 'i'abowegomi ta Yehoba 'enana walogwahate.

2 Pita 2:12

Moisa togalaedi gide hebai. Hebai 'adi lotohonamo simulimuliyedi, ma geya sida nuwanuwa bwebwe'ana, 'oinega tomota hebaiyedi si'abiyahidi ma sihunudi. Togalaedi wete sanapu moisa geya sisanapu ma hesi si'ahwa galae, 'oinega taudi wete sihesilae, hebai gidemusa,

2 Pita 2:2

Ma tomota baibaiwa hedade 'idi paihowa galana gidemusa pui 'ebe debamwadina sihe'au'aunaowedi, beno Yesu 'ina 'eda moisa 'ana 'ebe 'ahwa galagala.

Yude 1:10

Ma togalaedi, 'eguma to'aha geya sisanapu, ma tuwa si'ahwa galagalaedi, weyahina taudi gide hebahebai totopwatula, ta 'adi lotohona siloiloinaedi, ma 'oinega siboidimo si'abi'abi hegalaedi.