Paihowa 17:3 - Loina Nuahuana

³ ta Pauloina sanapu 'i'ebwaediya, 'igwae, “To'abihetenaina 'ilobwaineya ma muya 'iloba ma 'i'amasa ta wete 'amasega 'itoholo hila.” Ma wete 'igwaeya, “Yesuina yahehepwaile 'oimiya tauna tuwa To'abihetenaina.”

Paihowa 17:3 ပူးပေါင်းရင်းမြစ်များ

Luke 24:32

Ta siteluwaedi taudi 'oidiya sigwaegwae, sigwaeya, “Moisa tutenina 'edai tanaonaoma, ma 'ilihalihasa Buki weyahina, 'ada lotohona hagana gide tuwa 'aiwe 'ateda 'isabesabelulu.”

Luke 24:44

Ma 'ihegwaediya, 'igwaeya, “Gwaeyedi yatetela pwaidiya 'oimiya tutaina taugu ba'idamiu, mabwaiyana weyahigu sileleya Mosese 'ina Buki 'oina ta palopitao 'idi buki 'oidiya ma wete buki wali Same 'oidiya, ma 'oinega 'igu hepwailaina 'ana sanapu moisa 'ida latu.”

Luke 24:46

Ma 'oidiya 'igwaeya, “Bewa gide silele 'esediya 'igwae, ‘To'abihetenaina muyamuya ta 'amasa 'ida loba, ma sabwelo hetoina 'oina 'amasega 'ida toholo hila,

Yoni 20:9

Ma hesiyage ma'iyanaina geya Yehoba 'ina gwaeina 'ina buki 'oina sinuwatuhuyahi, tutaina 'igwaeya 'abehega 'abwa nata galihega 'itoholo hila.

Paihowa 1:4

Cabwa ba'idadiu simiyamiya ta 'adi loina 'i'ebwaediya, 'igwae, “Sahena Yelusalema wa'ebe'ebesine, ma hesi Tamadai 'ina gwae hemisaina mwalo yahegwaegomiya weyahina wayamwayamwa.

Paihowa 18:28

ta 'ina he'ita meYudiya 'idi he'ita 'ihewaiwai sineya, weyahina Buki Tabu 'oinega 'ihe'itadi 'abehega To'abihetenaina tauna tuwa Yesu.

Paihowa 18:5

Ta tutaina Sailasa ma Timoti Masidoniyega sihapwesama, Paulo 'ina loguguya 'oina 'ihetapewa waiwai, ma meYudiya 'oidiya 'ihehepwaila 'abehega To'abihetenaina tauna Yesu.

Paihowa 3:18

Ma hesi wada nuwahila 'abehega Yehoba 'ina palopitao 'oidiyega 'ihepwaila nugeta beno To'abihetena 'ina muyao 'ilobadi, 'oinega gwaeina 'ana moisa 'ilatu pwaiya.

Paihowa 9:22

Ma Saulo 'ina guguya nage 'oina 'ihewaiwai hedadeya, ma meYudiyaedi Damasiko 'oina simiyamiya 'ihe'itediya 'abehega Yesu tauna To'abihetenaina, ma geya wete 'idi 'ebe gwaemo.

Galetiya 3:1

Comi meGaletiya yauyauleimi! Taiya hede 'obega 'i'abihe 'wanigemiya? Mwalo 'ahe'itegomiya ta nuwami 'isabwalena moisa Yesu Keliso weyahina, 'abehega keloseya 'i'amasa, ma 'iyamo wanuwanaideya! Coinega wanuwanuwatuhu 'abehega Mosese 'ina loina 'ana hematamatanega 'abihetena waloba?