Paihowa 17:16 - Loina Nuahuana

¹⁶ Ma Paulo Ateni 'oina Sailasa ma Timoti weyahidi 'abwa 'iyamwayamwana, ta 'inuwagala madouna weyahina 'i'iteya meAteni geya Yehoba 'oina sihemihemisa ta hesi 'idi 'ebe hemisa hagana ma hagana, ma baibaiwa hedada.

Paihowa 17:16 ပူးပေါင်းရင်းမြစ်များ

Maki 3:5

Ma Yesu 'i'ebubu yahiyahidiya ma'ina gamwasowala ma wete ma'ina nuwagala 'idi debapa'ala weyahina, ma loheyaina 'ihegwaeya, “Nimau 'uyasi,” ma nimanaina 'iyasi hedumwaluya ma 'ibwebwe'ana.

Yoni 2:13

MeYudiya 'idi Hataona Guyaina 'ana tuta 'i'ehohoya, ma Yesu 'ihaneya Yelusalema,

Paihowa 17:15

Ta tupwana tohekalesiyao Paulo si'wayabuya ta sitauya Ateni, ma 'oinega Paulo loina 'i'ebwaedi ta 'abehega Sailasa ma Timoti silomwamwayauma Ateni 'oina, ta to'wayabuwedi sihila Beliya.

Paihowa 17:21

Ta meAteni ma'adi taumanao mabwaiyadi 'idi 'ebe nuwa'ewa beno sanapu hauhaudi 'adi he'ita ma 'adi hesagohamo.

Paihowa 17:23

weyahina 'igu yawalao 'oidiya 'omi 'ebe tuluha baibaiwadi ya'itediya ma 'oidiyega 'aigeda 'ebe pwaoli ma'ana lele ya'ita lobeya, ta 'ana lele bewa gidemusa 'igwaegwae, ‘Yehoba tauna geya tada sanapuya 'ina 'ebe pwaoli bewa.’ Ma Yehoba 'ina 'ebe pwaoli beno 'oina watulutuluha ta geya wada sanapuya, tauna 'iboi yahehepwaila 'oimiya.

Paihowa 18:1

Muliyetega Paulo Ateni 'i'ebesineya ta 'inaowa Kolinita 'oina,

Paihowa 20:22

“Ma bewa tuwa Yaluyaluwa Tabuna 'ina loinega yatautau Yelusalema, ta geya tasanapu to'aha nata nobwa 'oiguwa 'ilatu.

1 Tesalonaika 3:1

Tutaina Ateni 'oina 'amiyamiya ta 'a'ate'ateyoho weyahimi, 'oinega yalohatotowa ma yagwae, “Timoti 'utauya Tesalonaika ma 'ateluwa 'ebwa 'amiyamiya.”

2 Pita 2:7

Ma Lota taunamo 'asaedi 'oidiyega 'ina mumuga bwebwe'ana, 'oinega Yehoba 'i'abiheteya. Moisa Lotaina 'inuwagala togalaedi 'idi mumuga sogala weyahina.