Paihowa 17:14 - Loina Nuahuana

¹⁴ Coinega tohekalesiyao siloina mwamwayau, ma Paulo sihetuneya ma 'isuluwa gogo holai 'oina, ta Sailasa ma Timoti 'ebwa ba'idadiyao simiyamiya.

Paihowa 17:14 ပူးပေါင်းရင်းမြစ်များ

Paihowa 17:10

Ma hinuwana tohekalesiyao Paulo ma Sailasa sihewasaedi ma sida tauya Beliya, 'oinega sitauya, ma tutaina silatuwa Beliya siluhuwa meYudiya 'idi hada tapwalolo 'oina, ta Yesu wasana sihe'ita.

Madiu 10:23

“Ma 'eguma 'aigeda tupwa 'oina sihunuhunugomi, wadena hali 'asa 'oina. Moisa 'abwa, sahena 'asa mabwaiyana Isileli 'alona wapaipaihowa salohi, ma taugu loheyaiguina yahilama.

Paihowa 16:1

Paulo ma Sailasa 'idi sakowasi 'oina sitauya Debi ma Lisitila, ma Lisitila 'oina Yesu 'ana tomuliya 'aigeda silobeya, sanina Timoti, tauna sinana wahine Yudiya. Sinanaina Yesu 'ana tohemisa, ma tamana hesi gwama Gilisi.

Paihowa 9:30

Ta 'idi loinaina tohekalesiyao sihesagoheya ta Saulo sitauyeya Sisaliya, ma nage 'oinega sihewasaeya, 'itauya Tasisi.

Paihowa 9:25

Coinega hinuwana Saulo 'ana tomuliyao kodo madouna 'oina sido'oya, ma 'asa 'ana 'abwalu tabwanega sihedawedaweya gwahunega, ma 'itauya.

Taito 1:5

Bewa weyahina ya'ebesinegowa bwanabwana Kiliti 'oina ma to'aha nobwa hekalesiya 'alona geya bwebwe'ana 'ugihe dumwalu, ma wete 'igu loinega tohanugetao 'uhesinuwedi, 'asa 'aigeda 'aigeda 'oidiya.

1 Timoti 1:3

Mwalo 'ane tutenina ya'ebesinegowa ma yatauya Masidoniya, ma yahenuwa lagugowa, yagwaeya, “Sahena 'utautauya. Cebwa tuwa Epeso 'oina 'umiyamiya, ma 'ane tomota tupwadi 'u'ausidi ma sahena he'itao hagana ma hagana sihehe'itadi.

Paihowa 20:3

ta nobwa wai'ena 'etoi 'imiyamiya, ta 'i'iunamo wagega si'adau, Siliya weyahina, ta tupwana gwaegwae 'ihesagohediya meYudiya siloiloina tauna weyahina sabi 'abiyahina, ma 'oinega 'ina 'eda 'ibuiya ta 'abehega Masidoniya 'alonega 'ihila.

Paihowa 19:22

Ta hesi Pauloina 'imiyamiya Esiya tuta to'uto'upana 'oina, ta 'ana tolemaowedi Timoti ma Elasito 'ihewasa nugetediya, ma sitauya Masidoniya.

Paihowa 15:22

Coinega Yesu 'ana tohepwailao site tuwelo ma tohanugetao ma tohekalesiyao mabwaiyadi sinuwanuwatuhu mahemahetena, ta tupwadi 'oidiyega sihesinuwanediya ma sihewasediya, ta 'abehega Paulo ma Banaba mahetediyao sitauya Anitioki. Ma 'eluwa tohekalesiyao 'adi tohanugetao 'oidiyega sihesinuwediya, beno Yudasa, tauna sihesaniyeya Basaba, ma wete Sailasa,

Paihowa 1:15

Bodaedi 'adi baibaiwa gidemusa wani handeledi ma tuweniti, ma 'aigeda sabwelo 'oina Pita gamwagamwanidiya 'itoholowa ma 'ihegwaediya, 'igwae:

Paihowa 17:4

Coinega tupwadi si'ahwa moisaeya, ma Paulo ma Sailasa 'idi boda 'oina siluhuwa, ta wete Yehoba 'ana tohe'asisiyao taudi tupwa ganamuli 'oidiyega ma wahiwahine sanidi madoudi 'oidiyega tupwana baibaiwadi wete sihemisa.

Paihowa 17:6

Ma si'ebesa 'asaediya, ta Yesoni ma tupwana tohekalesiyao ba'idanao si'abiyahidiya, ma 'oinega sitoedima 'asa 'ana toloinao 'oidiya sabi heyatalaedi, ta sibwaubwau sigwae, “Loheloheyaedi taudi tupwa mabwaiyadi 'adi to'abihegalao sitauya pwaima 'ebwa,

Paihowa 17:15

Ta tupwana tohekalesiyao Paulo si'wayabuya ta sitauya Ateni, ma 'oinega Paulo loina 'i'ebwaedi ta 'abehega Sailasa ma Timoti silomwamwayauma Ateni 'oina, ta to'wayabuwedi sihila Beliya.

Paihowa 18:5

Ta tutaina Sailasa ma Timoti Masidoniyega sihapwesama, Paulo 'ina loguguya 'oina 'ihetapewa waiwai, ma meYudiya 'oidiya 'ihehepwaila 'abehega To'abihetenaina tauna Yesu.