Paihowa 15:7 - Loina Nuahuana

⁷ Ta tupwana sihe'ohe'oheya dudulena. Cigumwala ma Pita 'itoholowa ma 'igwaeya, “Tasigwao, wasanasanapu 'abehega tuta mwalo Yehoba 'oidega taugu 'ihesinuwegauwa, ma 'ahwaguwega tomiya ganamuli tetela bwebwe'ana sihesagoheya, ma sihemisaeya.

Paihowa 15:7 ပူးပေါင်းရင်းမြစ်များ

Yoni 15:16

“Comi geya wahesinuwegau ma 'oimiya yahe'inapwana. Taugu hesiyage yahesinuwanegomiya ma 'abehega yahesumanegomi, wapaihowa, ma 'imi paihowaedi 'oidiyega huwaimi bwebwe'adi silatu, ma wete 'oimiya simiya hataya. Ma 'oinega to'aha nuwanuwami, ma saniguwega wa'ahwanoi, nata wete Tamagu 'i'ebwaegomi.

Yoni 3:27

Ma Yoni 'ana tomuliyaedi 'enadi 'ihemaiseya 'igwae, “Geya 'eta taiya sowasowahina ma 'iheloheya madou 'eguma Yehoba geya 'oina 'itagwala.

Paihowa 1:16

“Tasigwao, mwalo Yaluyaluwa Tabuna Debida 'ina gwae 'i'ebwaeya Yudasa weyahina, ma Buki He'asisi 'oina 'imiyamiya. Yudasaina mwalo mahetedai tahetohepwaila Yesu weyahina, ma hesi 'ida Bada 'itebaeya ta 'i'ebwayaeya Yesu 'ana 'alehao nimadiya. Ta 'aigeda wali Buki He'asisi 'alona Debida 'ina gwae Yudasa weyahina, bewa gide 'igwaeya, 'Cina gogo 'ibisula ma gesowana 'eta taiya loheya 'oina 'imiya.’ Ma wete 'igwaeya, 'Miyalaena tauna 'ina paihowa 'i'ewa.’ Coinega 'ilobwaineya 'ilatu gide gwae bewa 'igwae 'ese.” Pita 'ina gwae bewa gide, weyahina Yudasa 'i'amasa pwaiya. Tauna mwalo 'ina paihowa galana 'ana maisa 'i'eweya ma 'aigeda bale'u 'igimwaneya, ta bale'uina 'alona 'ibe'u talutalubu'iya, ta gamwana 'ilosabuweya, ma sinaena mabwaiyana 'ilatuwa ta tetelina meYelusalema mabwaiyadi sihesagoheya, ta 'enadiyega bale'uina sibwauweya “Akeladama,” ma 'ana sanapu “Bale'u Bweyaha.”

Paihowa 1:24

Coinega si'ahwa'ahwanoi Yehoba 'oina, sigwaeya, “Bada yo, 'owa tomota mabwaiyama 'ima nuwatuhu 'usanasanapudi, 'oinega 'ino hesinuwa loheloheya 'eluwa bewa 'oidiyega 'uhe'itae 'oima,

Paihowa 10:19

Ma hadaina tabwanina Pita ma'ina nuwa 'eda'edadama 'imiyamiya ma Yaluyaluwa Tabuna 'oina 'igwaeya, “Pita, loheloheya 'etoi si'ebe'ebesego, ma sitauya pwaima gabula.

Paihowa 10:20

Coinega 'utoholo ma 'usulu 'oidiya, ma ba'idamwao watauya, ma geya sowana 'u'ate'ateyoho, weyahina taugu tomotaiyedi yahetunedima.”

Paihowa 13:2

Taudi sitapwatapwalolo ma'idi hudi Yehoba 'oina, ta Yaluyaluwa Tabuna 'ihegwaediya, 'igwae, “Nuwanuwagu Banaba ma Saulo 'igu paihowa 'aigeda weyahina, 'oinega 'omi watagwaledi paihowaina 'oina.”

Paihowa 15:14

Saimoni 'oida bo'i 'ihepwaila 'abehega Yehoba 'ihegaina pwaiya, ma taudi geya meYudiya 'oidiyega tupwana 'ina tomotaiyao 'ihesinuwediya.

Paihowa 15:2

Ma hesi Paulo ma Banaba geya si'ahwa moisaedi, 'oinega mahetediyao sihe'ohe'oheya madouna. Ta tohekalesiyao Anitioki 'oina Paulo ma Banaba, ma tupwadi wete tomuliya 'oidiyega sihesinuwediya ma 'abehega sihane Yelusalema, ma nuwatuhu bewa weyahina sigwaegwae, nuwana siloina, Yesu 'ana tohepwailao site tuwelo ma wete tohanugetao ba'idadiyao.

Paihowa 15:39

Coinega Paulo ma Banaba sihe'ohe'oheya madouna Maki weyahina, ta Banaba Maki 'itoeya ta sigeluwa wagai ma sidobi bwanabwana Saipilosi 'oina.

Paihowa 20:24

“Ta geya hene yawasigu weyahina yanuwanuwatuhu ma yanuwahi. Beno tuwa 'igu 'eda nuwana 'igu paihowaina Bada Yesu 'i'ebwaegauwa weyahina yanuwanuwatuhu ta 'abehega yalosalohi, beno 'ada helau Yehoba 'oinega 'ana hepwaila.

Paihowa 21:16

Ta tupwadi Yesu 'ana tohemisao Sisaliya 'oinega mahetediyao 'atauya, ma sitauyemaiya Nesoni gwama Saipilosi 'ina hada, tauna Yesu 'ana tohemisa nugenugetaina 'aigeda, ta 'abehega 'oina 'amiyamiya.

Paihowa 3:18

Ma hesi wada nuwahila 'abehega Yehoba 'ina palopitao 'oidiyega 'ihepwaila nugeta beno To'abihetena 'ina muyao 'ilobadi, 'oinega gwaeina 'ana moisa 'ilatu pwaiya.

Paihowa 4:25

'oinega 'ino hewali, tauna tubuma Debida, Yaluyaluwa Tabuna 'ina waiwai 'oinega 'ino gwae 'ihepwaila latuwa, 'igwaeya, 'To'aha lamuna 'ebeloina baibaiwadi silolo'alehe, ta wete sinuwanuwatuhu bwagabwaga?

Paihowa 9:15

Ma Badaina 'ihegwaeya, “Tuwa, ma 'utauya 'oina. Weyahina Sauloina yahesinuwa pwaiya ma teteligu 'ihepwaile tomiya ganamuli 'oidiya, ma toloinao madoudi matadiya ma meIsileli wete 'oidiya.

Pilipai 2:14

Eema 'imi paihowa 'oidiya ma'imi tagwala wapaihowa ta geya'abwa ma'imi lowahi'wata walolomugi,