Paihowa 13:12 - Loina Nuahuana

¹² Ta toloinaina Sagiu Paulosi 'i'iteya Paulo 'ina paihowaina, ma Bada tetelina weyahina nuwana 'ihenainaida, 'oinega 'ihemiseya.

Paihowa 13:12 ပူးပေါင်းရင်းမြစ်များ

Madiu 27:54

Ma tolo'alehaowedi ma'idi tohanugeta saugenina Yesu kelose 'oina si'ita'itayahiya, mwani'ini'i ma ginaula mabwaiyana si'itediya, ta simatauta madouna, sigwaeya, “Moisa, loheya bewa Yehoba Natuna.”

Luke 4:22

Ma taudi nuwadi 'ihenainaida moisa, 'oinega 'ina gwaeyedi bwebwe'adi weyahidi sihepwatuweya, sigwae, “Loheya bewa Yosepa natuna, 'awa? Ma togidega hede?”

Luke 7:16

Nage 'oina tomotaiyao simatauta ma Yehoba sihepwatuweya, sigwae, “Palopita madouna bewa 'ilatu pwaima. Bewa Yehoba 'ina habo'ena tauda 'ina tomotaiyao 'oida.”

Yoni 7:46

Coinega tuilalaedi sigwae, “Loheya nage 'ina gwae mabwaiyana bwebwe'adi. Geya 'eta taiya gidemusa.”

Paihowa 13:48

Eeta taudi tomiya ganamuli Paulo ma Banaba 'idi gwae bewa sihesagoheya, ma siyaliyaya madouna, ta Yehoba tetelina si'ahwa bwebwe'aneya, ta taudi taiyewedi Yehoba 'ihesinuwanediya ma yawasi miyamiya hatayana siloba, taudi gwaeina sihemisaeya.

Paihowa 13:49

Ma Yehoba tetelina silelewaneya tupwaina mabwaiyana 'oidiya.

Paihowa 13:7

Ma Bayesuina 'iyana 'asa 'ana tohanugeta, sanina Sagiu Paulosi, loheya sanasanapuina. Eeta Sagiu Paulosiina Banaba ma Saulo 'ibwauwedima, ta nuwanuwana ma Yehoba 'ina gwae 'ihesagohe,

Paihowa 13:8

ma hesi to'oba 'i'ausidiya, weyahina geya nuwana ma toloinaina 'ihemisa Yesu 'oina. To'obaina sanina 'ana bui Elaimasi, beno tobalahu.

Paihowa 15:35

Ma hesi Paulo ma Banaba Anitioki 'oina simiya hila, ma Badaina 'ina gwae sihehe'ita ta siguguguguya, ma tupwana baibaiwadi wete mahetediyao sipaipaihowa.

Paihowa 15:36

Ta sabwelo hisa sigumwala ma Paulo Banaba 'ihegwaeya, 'igwae, “Ciyagu, tahila ma gogowedi mwalo 'ida Bada tetelina 'aguguyaeya 'oidiya tahabo'enedi wete, ma tasidaowedi ta'itadi, togidega 'idi miyamiya.”

Paihowa 18:12

Eeta muliyetega Galiyo 'ihetoloina madouna tupwaina Akaya 'oina, 'oinega meYudiyaedi siloina ta Paulo si'abiyahiya sitauyeya sabi yatala Galiyoina matana,

Paihowa 19:10

Cina paihowaina bewa gidemusa tuwa 'ipaipaihowa bolime 'eluwa 'oidiya, ma tupwa Esiya 'ana tomiyanao mabwaiyadi, meYudiya ma taudi geya meYudiya, Bada Yesu wasana sihesagoheya.

Paihowa 19:20

Nage 'oinega Yehoba 'ina gwae 'idabalala ta 'ihewaiwai tomota baibaiwadi 'oidiya.

Paihowa 19:38

“Ta 'eguma Dimitilo ma'iyanao nuwanuwadi ma taiya siheyatalae, beno bwebwe'ana. Cebe yatala ma toloinao simiyamiya, ma sosowahidi 'imi yatala sihesagohe ma sinuwanuwatuhu weyahimi.

Paihowa 19:7

Ta mabwaiyadi 'adi baibaiwa gide tuwelo.

Paihowa 28:7

Bwanabwanaina 'ana bada sanina Pubiliyasi, ta 'ina 'asa tupwaina deina 'aluhuwa, ta Pubiliyasiina sabwelo 'etoi 'oidiya 'i'itayahi bwaibwainimaiya.

Paihowa 6:10

ma geya sowasowahina sihewaiwai, weyahina Sitibeni 'ina gwae 'ana sanapu Yaluyaluwa Tabuna 'oinega.

Paihowa 8:25

Coinega Pita ma Yoni 'idi Bada weyahina sihepwaila latuwa, ma 'ina gwae siguguyaeya, ma muliyetega sihila Yelusalema 'oina, ta 'idi tauya 'alona tetela bwebwe'ana sihepwaileya Sameliya 'asanao 'aigeda 'aigeda 'oidiya.