Paihowa 12:5 - Loina Nuahuana

⁵ Coinega deliya si'itayahiya ta tohekalesiyao si'ahwa'ahwanoi waiwai Yehoba 'oina Pita weyahina.

Paihowa 12:5 ပူးပေါင်းရင်းမြစ်များ

Madiu 18:19

“Bewa tuwa yahegwaegomi 'abehega 'eguma 'oimiyega wateluwa bale'uwa 'imi nuwatuhu mahemahetena, ma wa'ahwanoi gide Tamagu galewa 'oina, nata tuwa 'ipaihowa.

Luke 18:1

Eema 'aigeda gwae hegehegedi Yesu 'i'ebwaediya ma 'abehega sahena 'ahwanoi 'oinega siwe'awe'a.

Paihowa 12:12

Pitaina nuwana 'isabwalena ma 'itauya Meli 'ina hada, tauna Yoni sinana, ta Yoni sanina heluwena Maki, ma hadaina 'alona tomota baibaiwadi bo'i si'autama ta si'ahwa'ahwanoi Yehoba 'oina.

Paihowa 12:4

Pitaina si'abiyahiya ma deliya silaguya, ma Helodi 'ina tolo'alehao sikisitini 'iloinaedi silomatayahi bwaibwaini, ma Helodi 'inuwanuwatuhu 'abehega Hataona Guyaina mulina Pitaina 'ida lagulatuhe meYudiya 'oidiya ta 'ina yatala sida paihowa.

Paihowa 12:6

Ta Pita tupwana sabwelo 'oina deliya 'imiyamiya, ma hali sabwelo 'oina Helodi Pita 'ida lagulatuhe yatala weyahina, ma hinuwana Pita tolo'alehao 'eluwa gamwagamwanidiya 'i'eno'eno, ma 'ana 'ebepai seni 'eluwa 'oidiyega sipaiya, ma wete deli mata'ahwana tolo'alehao si'ita'itayahi.

1 Kolinita 12:26

Weyahina 'eguma yahuda 'aigeda 'imuya, beno wahida mabwaiyana simuya. Wete 'eguma wahida 'aigeda ma'ina yaliyaya, beno wahida mabwaiyana siyaliyaya.

2 Kolinita 1:11

Comi wete 'imi 'ahwanoiyega walememai ma 'oinega maisa bwebwe'ana Yehoba 'oinega nata 'aloba, mabwaiyada 'ida 'ahwanoi 'oidiyega, 'oinega mabwaiyada taloyauwedo 'abihetenaina 'alobeya weyahina.

1 Tesalonaika 5:17

Wete gide 'ahwanoi Yehoba 'oina sahena walololagu.

Ibeliu 13:3

Wete 'iyamiyao wanuwatuhu yahidi taudi deliya simiyamiya, ma wa'abihetedi gide tuwa 'omi ba'idamiyao deliya wamiyamiya. Ma wete 'iyamiyao taudi simiya mwauwa wanuwatuhu yahidi ma wa'abihetedi, weyahina 'omi tomota tuwa, gide taudi!

Yemesa 5:16

Coinega 'aigeda 'aigeda 'oimiya 'imi galaowedi wahepwailedi, ma weyahina wa'ahwanoi, ma 'oinega 'imi bwebwe'ana waloba. Moisa, tobwebwe'adi 'idi 'ahwanoi waiwai hedade.