Paihowa 11:30 - Loina Nuahuana

³⁰ Coinega si'ehele nugeta ta mane silobeya, ma tutaina gomale 'ilatuwa 'oina si'ebwaediya Banaba ma Saulo taudi sitauyeya Yelusalema 'oina, tohekelasiyao 'idi babadao 'oidiya.

Paihowa 11:30 ပူးပေါင်းရင်းမြစ်များ

Paihowa 12:1

Tuta nage 'oina kini Helodi 'ina loina pa'alina 'ilatuwa, ma 'ina tolo'alehao tupwadi tohekalesiya si'abiyahidiya sabi 'abihegaladi.

Paihowa 12:25

Ta Banaba ma Saulo 'idi paihowa Yelusalema 'oina silohegumwaliya, ma sisulu hilama Anitioki 'oina, ta Yoni sitoeyama ba'idadiu. Yoniina sanina heluwena Maki.

Paihowa 14:23

Ma wete 'asa 'aigeda 'aigeda Paulo ma Banaba tohekalesiyao 'idi tohanugetao sihe'asediya, ta 'adi 'abilagata bewa gidemusa, sihudihudi ta 'idi Badaina sihemisaeya 'oina si'ahwa'ahwanoi, ma 'ane 'ida gihewaiwaiyedi 'idi paihowaina weyahina.

Paihowa 15:2

Ma hesi Paulo ma Banaba geya si'ahwa moisaedi, 'oinega mahetediyao sihe'ohe'oheya madouna. Ta tohekalesiyao Anitioki 'oina Paulo ma Banaba, ma tupwadi wete tomuliya 'oidiyega sihesinuwediya ma 'abehega sihane Yelusalema, ma nuwatuhu bewa weyahina sigwaegwae, nuwana siloina, Yesu 'ana tohepwailao site tuwelo ma wete tohanugetao ba'idadiyao.

Paihowa 15:23

ta tohemisaowedi tupwa ganamuli 'oidiya 'idi leta si'eweya, ma 'ana lele 'igwae, “Yauwedo tasimao 'omi tohekalesiyao tupwa ganamuliya Anitioki ma Siliya ma Silisiya 'oidiya wamiyamiya. Tauma Yesu 'ana tohepwailao ma tohanugetao 'imi leta 'aleleyawa.

Paihowa 15:4

Eeta silatuwa Yelusalema, ma tohekalesiyao ma Yesu 'ana tohepwailao ma tohanugetao sitoediya 'idi hada, ta Paulo ma Banaba sihe'ote'otetela 'oidiya to'aha 'idi paihowaedi Yehoba 'ina waiwaiyega sipaihowediya.

Paihowa 15:6

Coinega Yesu 'ana tohemisao site tuwelowedi ma tohanugetao 'eto'auta sipaihoweya, ma nuwatuhu bewa weyahina sigwaegwae.

Paihowa 16:4

Ta sisakosakowasi 'asa 'aigeda 'aigeda 'oidiya, ma loinaina Yesu 'ana tohepwailao ma tohanugetao mwalo Yelusalema 'oina siloinaeya sihepwaileya 'asa mabwaiyadi 'oidiya, ma 'abehega loinaina simulimuliye.

Paihowa 20:17

Ta Mitilo 'oinega 'ihewasa Epeso hekalesiya 'ana tohanugetao 'oidiya ma sinaoma.

Paihowa 21:18

Ta gona 'i'adaleya ta Paulo ba'idamai 'atauya Yemesa 'ina hada, ta nobwa tohekalesiyao 'idi tohanugetao 'alobediya.

Paihowa 4:36

Towasawasa 'aigeda 'oidiyega, sanina Yosepa, ma sanina hauhauna tohepwailaowedi si'ebwaeya Banaba, beno 'ana sanapu “To'abihe 'atepatu,” tauna gwama Saipilosi, ma Libai 'ina susu 'aigeda,

1 Timoti 4:14

Mwalo tapwalolo 'ana babadao si'abidebegowa, ma weyahiu sipalopisaiya 'ino paihowa Yehoba weyahina, eeta paihowaina weyahina Yehoba 'i'abihe waiwaiyego.

1 Timoti 5:17

Ma 'ami tohanugetaowedi 'eguma silema bwaibwainigomi, 'omi wa'ita'itayahi bwaibwainidi, beno 'idi guguya ma 'idi he'ita maisana bwebwe'ana wa'ebwaedi.

1 Timoti 5:19

Ceguma tomota tupwadi sihe'ewa besobeso 'ami tohanugetao weyahidi, sahena 'uhehesagohe, ma hesi 'eguma tomota 'eluwa bo 'etoi sihegwaego 'aigeda tohanugeta 'ina pui weyahina, beno 'uyatala.

Taito 1:5

Bewa weyahina ya'ebesinegowa bwanabwana Kiliti 'oina ma to'aha nobwa hekalesiya 'alona geya bwebwe'ana 'ugihe dumwalu, ma wete 'igu loinega tohanugetao 'uhesinuwedi, 'asa 'aigeda 'aigeda 'oidiya.

Yemesa 5:14

Ta 'eguma 'aigeda 'oimiyega ma'ina lohala, hekalesiya 'ana tohanugetao 'ibwauwedima, ma si'ahwanoi weyahina, ma wete holowa 'oina silagu 'ida Bada saninega.

1 Pita 5:1

Tohekalesiyao 'adi babadao 'omi, 'abehega yagihenuwa yahigomi 'imi paihowa weyahina. Weyahina taugu 'aigeda wete tohekalesiyao 'idi bada, eema taugu mataguwega Keliso 'ina muya ya'iteya, ma 'abwa 'ina wasawasa 'asi'asilalana 'oina yamiyamiya to tuta 'eguma 'ina wasawasaina 'igihe hapwese.

2 Yoni 1:1

Taugu 'imi bada, ma 'owa wahine Yehoba 'ihesinuwegowa manatumwao 'imi leta bewa yaleleyawa. Moisa tuwa 'ateguwega yahelauwegomi. Taudi wete gide 'eda moisa 'ana tomuliyao sihelauwegomiya,

3 Yoni 1:1

Taugu 'imi bada, leta bewa yaleleyawa 'owa 'iyagu Geyo 'oiuwa. Moisa, 'ateguwega yahelauwegowa.