Paihowa 11:20 - Loina Nuahuana

²⁰ Ma muliyega tupwadi tohekalesiyao taudi meSaipilosi ma meSailini silatuwa 'asa Anitioki 'oina ma Bada Yesu wasana siloguguyaeya taudi meYudiya ma taudi geya meYudiya wete 'oidiya,

Paihowa 11:20 ပူးပေါင်းရင်းမြစ်များ

Paihowa 13:1

Casa Anitioki 'oina, tohekalesiyao 'idi palopitao ma tohe'itao bewa: Banaba ma Saimoni (tauna sibwauweya Dubaduba) ma Lusiyasi (tauna gwama Sailini) ma Manaeni (tauna kini Helodi 'ana yaso 'aigeda) ta wete Saulo.

Madiu 27:32

Yesu sihapweseya ma sitauyeya, ma 'edai Sailini loheyaina 'aigeda, sanina Saimoni, sihalobeya, ma siloineya ma Yesu 'ana kelose 'i'ahali.

Epeso 3:8

Ma taugu gide wewelohe tohekalesiyao 'alodiya, ma tuwa 'ina helauwega paihowa bewa 'i'ebwaegauwa, 'omi tomiya ganamuli 'oimiya Keliso tetelina yaloguguyae, ma 'oinega 'ina wasawasa madou hedade wada 'italoba,

Paihowa 6:9

Ta tupwana tomota sinaoma ma Sitibeni ba'idadiu sihe'ohe'ohe, taudi tupwadi meYudiya 'idi tapwalolo sihesaniyeya “Lihalihasina,” ma tupwadi Yudiyaedi 'asa Sailini 'oinega, ma tupwadi 'asa Alekisanidela 'oinega, ma tupwadi 'asa Silisiya ma Esiya 'oidiyega,

Paihowa 2:10

Piligiya, ma Pamipiliya, ma Itipita, ta Libiya tupwainaowedi Sailini 'alona simiyamiya, ta taudi Lomega sitauyama, tupwadi meYudiya, ma tupwadi geya meYudiya ma hesi 'ida tapwalolo 'oina sitagwalediya mahetediyao,

1 Kolinita 2:2

Ta hesi nuwanuwagu ma Yesu Kelisomo weyahina yada guguya 'oimiya tauna silohe'amasiya kelose 'oina.

Paihowa 17:18

Ta tupwadi tosinasinapuwao wete, taudi sihesaniyediya Epikulo, ma tupwadi Sitoike wete, Paulo ba'idadiu sihehegwaegwae ta tupwadi taudimo 'oidiya sihe'ote'otetela, sigwaeya, “Ciya! Toheyauyaule to'aha 'igwaeneya?” Ma tupwadi sigwae, “Nuwana hali Yehoba weyahina 'iloguloguguya,” weyahina sihesagoheya Yesu 'ina toholohila 'amasega weyahina 'ilologuguya.

Paihowa 9:29

Ma meYudiya taudi to'ena Gilisi Saulo ba'idadiu sihegwaegwae ma sihe'ohe'ohena, 'oinega taudimo siloiloina ma togidega ma silohe'amasi 'ese.

Paihowa 9:20

Ma meYudiya 'idi hada tapwalolo 'oidiya Sauloina 'ihegaina 'iloguguya 'abehega Yesu tauna Yehoba natuna moisa.

Paihowa 8:35

Coinega Pilipi 'igwaeya, “Yesu weyahina,” ma 'ihegaina hasilaina 'ana lihasa weyahina ta Yesu tetelina 'ihe'itaeya.

Paihowa 8:5

Coinega Pilipi 'isulu 'aigeda Sameliya 'asaina 'oina, ma nobwa To'abihetenaina tetelina 'iguguyaeya 'oidiya,

Paihowa 5:42

Ma sabwelo 'aigeda 'aigeda 'oidiya sihehe'ita ma siguguya Hada He'asisi 'alona, ta wete tomota 'idi hadao 'oidiya, 'abehega Yesu tauna To'abihetenaina.

Paihowa 4:36

Towasawasa 'aigeda 'oidiyega, sanina Yosepa, ma sanina hauhauna tohepwailaowedi si'ebwaeya Banaba, beno 'ana sanapu “To'abihe 'atepatu,” tauna gwama Saipilosi, ma Libai 'ina susu 'aigeda,

Yoni 7:35

Coinega meYudiyaedi siboidimo 'oidiya sigwae, “To'ehega 'abehega 'iha'esa ma geya'abwa talobaloba? Bo nuwana 'abehega taudi meYudiya siboi 'idi 'asa 'oinega silatuwa ma sitauya tupwa ganamuliyedi 'oidiya simiyamiya, ma nobwa tomiya ganamuliyedi 'ihe'itadi, 'awa?

Paihowa 6:1

Tuta nage 'oina Yesu 'ana tohemisao 'idi boda 'ihehemadou, ma 'oidiyega to'ena Gilisi 'idi boda to'ena Yudiya silolomugiyedi, weyahina sabwelo 'aigeda 'aigeda, 'eguma tutaina 'e'ahai siheheguyaiyedi hiwahiwape 'oidiya, taudi to'ena Gilisi 'idi hiwapeyao 'adi 'e'ahai geya sowasowahidi, 'oinega sigomagomale.

Paihowa 6:5

Ma boda siyaliyaya 'idi loina bewa weyahina, 'oinega site sebeni sihesinuwediya, beno Sitibeni, tauna 'ina hemisa madouna Yesu 'oina, ma Yaluyaluwa Tabuna 'ina waiwai 'oina, ma Pilipi ma Pilokolo ma Nikano ma Timoti ma Pamena ma wete Nikola, tauna gwama Anitioki ma meYudiya 'idi tapwalolo 'oina 'iluhu pwaiya.

Paihowa 11:19

Mwalo tohekalesiyao 'adi 'alehao Sitibeni silohe'amasiya, ma wete sitoho ma tohekalesiyao mabwaiyadi sida mutudi, 'oinega tohekalesiyaowedi sidena hali 'asa ma hali 'asa 'oidiya, ma tupwadi silatuwa Pinisiya ma Saipilosi ma Anitioki 'oidiya, ma wasa bwebwe'ana sihehepwaila meYudiya 'oidiya, ma hesi geya sihepwaila taudi tomiya ganamuli 'oidiya.

Paihowa 11:22

Tupwadi taudi tomiya ganamuli sihemisa Badaina 'oina, 'oinega wasadi 'i'elelewana, ta tohekalesiyao Yelusalema 'oina sihesagoheya, 'oinega Banaba sihewasaeya ma 'ihabo'enedi.

Paihowa 11:26

ma 'ilobeya, ta ba'idana sihila Anitioki 'oina. Eeta bolime 'aigeda 'alona siloguguya tohekalesiyaedi 'idi 'eto'auta 'oidiya, ma tomota mabwaiyadi sihehe'itadi. Casaina Anitioki 'oina Yesu 'ana tomuliyao tutaina 'oina sihesani nugetediya Kelisitiyanao.

Paihowa 11:27

Tuta nage 'oina tupwadi palopitao Yelusalema 'oinega sisuluma Anitioki 'oina,

Paihowa 14:26

ma wagega sigeluwa, ta sihila Anitioki tupwaina, mwalo 'oinega 'idi paihowaina sihe'aleneya, ma 'oina wete mwalo Yehoba 'ina helau silobeya paihowaina silosalohiya weyahina.

Paihowa 15:22

Coinega Yesu 'ana tohepwailao site tuwelo ma tohanugetao ma tohekalesiyao mabwaiyadi sinuwanuwatuhu mahemahetena, ta tupwadi 'oidiyega sihesinuwanediya ma sihewasediya, ta 'abehega Paulo ma Banaba mahetediyao sitauya Anitioki. Ma 'eluwa tohekalesiyao 'adi tohanugetao 'oidiyega sihesinuwediya, beno Yudasa, tauna sihesaniyeya Basaba, ma wete Sailasa,

Paihowa 15:23

ta tohemisaowedi tupwa ganamuli 'oidiya 'idi leta si'eweya, ma 'ana lele 'igwae, “Yauwedo tasimao 'omi tohekalesiyao tupwa ganamuliya Anitioki ma Siliya ma Silisiya 'oidiya wamiyamiya. Tauma Yesu 'ana tohepwailao ma tohanugetao 'imi leta 'aleleyawa.

Paihowa 15:30

Coinega site 'ehataedi sitoholowa, sisuluwa Anitioki, ma tohekalesiyao nobwa sibwau 'autedima, ta 'idi letaina si'ebwaediya.

Paihowa 18:22

ma 'itauya Sisaliya 'oina 'isuluwa, ta 'ilaga Yelusalema ma tohekalesiyao mahetenao sihe'iya'iyaguwa, ta muliyetega 'itauya Anitioki.

Galetiya 2:11

Ta muliyetega tutaina Pita 'itauyama Anitioki 'oina, ma nobwa 'ina mumuga geya 'idumwalu, 'oinega yagwae debeya 'ina mumuga galana weyahina.