Paihowa 10:32 - Loina Nuahuana

³² Coinega 'ino hewaliyao 'uhetunedi Yopa 'oina ma Saimoni sibwauweyama, tauna sihesaniyeya Pita, ma hali Saimoni 'ina hada, Yopa 'oina gadowa, 'imiyamiya, ma hali Saimoniina 'ina paihowa hebai 'wapidiyega tobwatobwa 'ipaipaihowadi.’

Paihowa 10:32 ပူးပေါင်းရင်းမြစ်များ

Yoni 18:28

Coinega Yesu Kaiyapa 'ina hadega sitoehileya ma sitauyeya toloina madouna tauna Loma loheyaina sanina Pailato 'ina hada 'oina. Silatuwa ma gona 'i'adaleya. Coinega meYudiyaedi geya sawasawahidi ma toloinaina 'ina hada 'oina siluhu. Weyahina mumugadi 'eguma nuwanuwadi ma Hataona Guyaina si'ai, geya'abwa meLoma 'idi hada 'oina siluhuluhu, beno taudi 'idi he'asisi.

Yoni 4:9

Coinega Sameliya wahineina Yesu 'ihegwaeya, “Cu'ita, 'owa Yudiya loheyaina ma taugu Sameliya wahineina. Ma to'aha weyahina we'aha weyahina 'oiguwa 'u'ahwanoiyeya?” Weyahina meYudiya ma meSameliya geya si'ahwa 'iya'iyagu.

Paihowa 10:31

Ma 'ihegwaegau, 'igwaeya, 'Konilio, Yehoba 'ino 'ahwanoi 'ihesagoha pwaiya ma wete 'ino lema wewelohe 'oidiya 'inuwatuhu yahiya.

Paihowa 10:33

Ma yalomwayamwayau ta 'igu hewahewaliyedi yahetunediwa ta sibwauwegoma, ma 'utagwalegowa 'utauyama, ta yauwedo. Coinega bewa tuwa mabwaiyama Yehoba matana 'adeli 'autama ma to'aha Badaina 'iloinegowa 'uhegwaemai ma 'ahesagohe.”

Paihowa 10:5

Coinega 'ino topaihowao tupwadi 'uhetunedi ma sitauya Yopa, ma Saimoni tauna sibwauweya Pita sitoeyama.

Paihowa 11:14

ma tauna wasaina 'abwa 'ihegwaegomi ma 'oinega 'omi ma'imi susuwao helau waloba.” '

Paihowa 11:3

sigwae, “Togidega ma 'owa 'uluhuwa taudi geya meYudiya 'idi hadai ma ba'idamwao wa'ai?”

Paihowa 15:7

Ta tupwana sihe'ohe'oheya dudulena. Cigumwala ma Pita 'itoholowa ma 'igwaeya, “Tasigwao, wasanasanapu 'abehega tuta mwalo Yehoba 'oidega taugu 'ihesinuwegauwa, ma 'ahwaguwega tomiya ganamuli tetela bwebwe'ana sihesagoheya, ma sihemisaeya.

Paihowa 16:9

Eeta hinuwana si'eno'eno ma Paulo 'inihiya, ta 'ina nihiina beno loheya 'aigeda gwama Masidoniya 'i'iteya, 'itoholowa ma 'i'ahwa'ahwanoi Paulo 'oina, 'igwaegwae, “Cuhabalama Masidoniya 'oina ma 'u'abihetemai.”

Paihowa 9:43

Ma Pita Yopa 'oina 'imiya 'amana, loheya sanina Saimoni 'ina hada, tauna 'ina paihowa hebai 'wapidi 'oidiyega tobwatobwa 'ipaipaihowadi.

Paihowa 9:6

Ma hesi 'utoholo ma 'uluhu 'asai ma nobwa 'a hemataluwa 'uhesagohe ma 'abehega 'upaihowa.”