Paihowa 1:6 - Loina Nuahuana

⁶ Caigeda sauga Yesu ma 'ana tomuliyao simiya'auta, ma sihesilala 'oina, sigwae, “Bada, sowasowahina ma sauga bewa tauda meIsileli 'uhanugetegita ma taboidamo taloina hilegita?”

Paihowa 1:6 ပူးပေါင်းရင်းမြစ်များ

Madiu 17:11

Ta Yesu 'igwaeya, “Cehe gide, Ilaitiya 'abehega 'inugetama, ma 'oinega ginaula mabwaiyadi 'i'abihe dumwaludi.

Madiu 20:21

Ta Yesu 'igwaeya, “To'aha nuwanuwau?” Ma wahineina 'igwaeya, “Nuwanuwagu ma natugwao 'oidiya 'utagwala ma 'eguma tutaina 'uhetoloina, sawasawahina ma deiuwa simiyatoi sabi loina, 'aigeda 'ino 'ebeulega ma 'aigeda 'ino 'adigeyegeyega.”

Madiu 24:3

Muliyetega 'itauya Olibe 'oyana 'oina ta 'imiyatoiya, ma 'ana tomuliyao 'oina sinaoma ta siboidimo simiyamiya ma 'oinega sihesilaleya, sigwaeya, “Bada, 'uhegwaemai to tuta 'oina Hada He'asisi sile'wa, ma 'ino tuta hilama, ma tuta 'ana 'ebelosaloha weyahina 'adi 'ila'ilala 'uhe'itemai ma 'asanapu.”

Maki 9:12

Ma Yesu 'igwaeya, “Cehe gidemusa. Ilaitiya 'abehega 'ilatu nugetama, ma 'oinega ginaula mabwaiyana 'i'abihe dumwaludi. Ma hesi Ilaitiyaina 'ilatu pwaima, ma tomota sipaihowa galagala 'oina gide 'idi nuwatuhu, to'aha gide Buki Tabu 'ihepwaila nugeteya. Ma wete taugu Loheyaiguina to'aha weyahina Buki Tabu 'ihepwaila nugetegauwa 'abehega muya baibaiwadi yalobadi, ma wete tomota silogwahategau?”

Luke 17:20

Palisiyao tupwadi sinaoma ma Yesu sihesilaleya to tuta gide 'oina Yehoba 'ina loina 'ilatuma. Coinega Yesu 'idi hesilalaina 'ihemaiseya bewa gidemusa, 'igwaeya, “Geya sowasowahina ma tomota matadiya Yehoba 'ina loina 'inaonaoma si'ita.

Luke 19:11

Ma Yelusalema deina nata ma silatu, eeta bodaedi sinuwanuwatuhu 'abehega Yehoba 'ina loina nata 'ihegaina, 'oinega gwae hegehegedi bewa 'i'ebwaediya,

Luke 22:29

Coinega to'aha gide Tamagu 'igu 'ebeloina 'i'ebwaegauwa 'omi wete gide ya'ebwae 'esegomi,

Yoni 21:21

Loheyainaina tauna Pita 'i'iteya mulinega 'itautauya, 'oinega Pitaina loheyaina weyahina Yesu 'oina 'ihegwaegwaeya 'igwae, “Cinapwana, loheya bewa togidega 'ana loina?”