Paihowa 1:2 - Loina Nuahuana

² tutaina 'ina miya gogo gabulena 'ana siga Yehoba 'itoe haneheya galewa, Yesuina 'ina 'amasa mulina, mayawasina 'ilatuwa 'ana tohepwailao hesihesinuwadi 'oidiya, ta Yaluyaluwa Tabuna 'ina waiwaiyega 'adi loina 'i'ebwaediya.

Paihowa 1:2 ပူးပေါင်းရင်းမြစ်များ

Madiu 12:28

“Ma taugu hesi Yehoba Yaluyaluwana 'ina waiwaiyega hi'ahi'a yaula latuwediya, 'oinega wasanapu 'abehega Yehoba 'ina loina 'ilatu pwaima 'oimiya.

Madiu 3:16

Coinega Yoni 'itagwala ma Yesu 'i'abihe babitaisoya. Ma 'oinega Yesu we'ahega 'igayohanema, ma galewa 'i'eso'eya ma Yesu Yehoba Yaluyaluwana 'i'iteya 'ana 'ita gide gabubu 'isuluma ma 'oina 'itowa.

Maki 6:30

Ma Yesu 'ina topaihowao site tuwelo sihilama ma Yesu 'oina 'idi paihowa ma 'idi he'ita mabwaiyana sihepwailediya.

Luke 24:51

Cina gwae helauina 'oina, 'aena 'i'eweya ma 'ihaneya galewa.

Luke 9:51

Sabweloina 'ihahohoyama ta Yesu 'ihila galewa, 'oinega 'ina nuwatuhu 'ilaguya ma 'abehega 'itautau Yelusalema. Coinega 'itoholo ma ma'ana tomuliyao sitauya.

Yoni 1:16

“Tauna tohelau ma to'ebwaya moisa, weyahina 'ina helauina 'oinega mabwaiyada 'ilohemahegita.

Yoni 13:1

Hataona guyaina 'ana sauga 'i'e'ehoho, ma Yesu 'isanapuya 'abehega 'ina sauga 'iloba pwaiya ma bale'u bewa 'i'ebesine ma 'ilohihila Tamana 'oina. Yesu 'ina bodaowedi 'ihelauwediya madouna, 'ina tuta 'ebe hegaina hauhau 'oinega ma 'ana 'ebe losaloha 'oina 'ihelauwediya.

Yoni 13:18

“Cigu gwae bewa geya 'abehega mabwaiyami weyahimi, ma hesiyage taiyawedi taudi yahesinuwana pwaidiya weyahidi yahehegwaegwae. Ma hesi Buki He'asisi 'oina hali loheya weyahina 'ihepwaila, 'ana moisa 'ilatu bwaibwaina tutaina 'igwae, ‘Loheyainaina tauna 'ana ya'ebwa'ebwaeya, tauna tuwa loheyainaina nata 'imiya lohihila ma 'ilo'alehegau.’

Yoni 13:3

Ma hesi Yesu 'isanapu pwaiya 'abehega ginaula mabwaiyana Tamana 'i'ebwaya pwaiya ma 'iboimo 'iloina. Ma wete Yesu 'isanapuya 'abehega Yehoba 'oinega 'itauyama ma 'isanapuya 'abehega Yehoba 'oina nata wete 'ilohihila.

Yoni 16:28

Ta moisa tuwa beno, taugu Tamagu 'oinega yatauyama ma bale'u bewa 'oina yamiyamiya. Coinega bewa tuwa bale'u ya'ebe'ebesine ma yalolohihila Tamagu 'oina.”

Yoni 17:13

“Ma hesiyage taugu 'i'iunamo ma yahilawa 'oiuwa, ma 'igu gwaeyedi yagwaenediya 'igu tomotaiyao gogo gabulena 'oidiya, ma 'oinega 'igu yaliyayega sida yaliyaya madouna.

Yoni 20:17

Ma Yesu 'ihegwae hileya 'igwae, “Sahena 'u'abi'abi tohogau, weyahina 'abwa geya Tamagu 'oina yahane. Ma hesiyage 'utauya tasigwao 'oidiya, ma 'uhegwaedi 'abehega bewa tuwa taugu yahanehane Tamagu 'oina, tauna 'omi wete Tamamiu. Tauna taugu 'igu Yehoba ma 'omi wete 'imi Yehoba.”

Yoni 20:21

Coinega Yesu wete 'ana tomuliyaedi 'ihegwae hilediya 'igwae, “Wa'ate patu, sahena 'ateyoho. Weyahina Tamagu tauna 'ihesumanegauma, 'oinega taugu wete gidemusa 'omi yahesumanegemi.”

Yoni 3:34

“Loheyainaina Yehoba 'ihesumaneyama tauna 'ina gwae 'ihehepwailedi, weyahina Yehoba Yaluyaluwana 'oinega 'ilohemaheya.

Yoni 6:62

Taugu loheyaiguina moisa ma togidega 'eguma wa'itegau yahane 'asainaina mwalona 'oinega yasuluma?

Yoni 6:70

Coinega Yesu 'ihegwae hilediya, 'igwae, “Moisa tuwa, 'omi wate tuwelo yahesinuwa pwaigomiya, ma hesiyage 'oimiyega nata 'aigeda Seitani 'ina boda.”

Paihowa 1:11

ta sigwae, “MeGalili he, to'aha weyahina wa'e'ebubuna galewa? Yehoba Yesuina 'itoe pwaiya galewa, ma 'abwa 'isulu hilama, ma 'ina suluma 'ana 'ita 'abwa gide 'ina haneina nige wa'iteya.”

Paihowa 1:13

Ta siluhuwa 'idi hada ta sihaneya 'aigeda tupwa 'aliupa 'oina, taudi Pita ma Yoni ma Yemesa ma Andulu ma Pilipi ma Tomasi ma Batolomiu ma Madiu ta hali Yemesa (tauna Alipiyo natuna), ma Saimoni (tauna mwalo to'ohe Isileli 'ina miyawasi Loma weyahina), ma Yudasa (tauna Yemesa natuna).

Paihowa 1:22

Yesu 'ina babitaiso Yoni 'oinega 'ana siga 'ina hane galewa, 'ina sakowasi mabwaiyana 'oidiya, ma 'ane loheyaina mahetedai tahehepwaila Yesu 'ina toholohila weyahina.”

Paihowa 1:9

Cina gwaeyaowedi bewa 'ilosalohidiya, ta matadiyega Yesu si'iteya 'ihane galewa, ma yaloha 'alona 'i'waiha.

Paihowa 10:38

Wasaina 'abehega Yehoba Yesu gwama Nasaleta 'igihe waiwaiyeya Yaluyaluwa Tabuna 'oinega, ma 'isakowasi ma tomota 'ilemelemedi, ta 'eguma taiyawedi Tomudulele 'igihe lohalediya Yesu 'i'abihe bwebwe'anedi, weyahina Yehoba 'ina waiwai 'oina 'imiyamiya.

Galetiya 1:1

Taugu Paulo Yesu Keliso 'ana tohepwaila 'aigeda, ta 'igu hetohepwaila geya tomota 'idi hesinuwega ma hesi Yesu 'ina hesinuwega, ma Tamada Yehoba wete 'ina hesinuwa. Tauna Yesu Keliso 'amasega 'igihetoholo hileya.

Epeso 2:20

Comi wete si'abigomiya, 'oinega tauda gide tuwa hada, ma Yesu Keliso tauna 'ida wahuwahu, tauna 'oina logidi madoudi beno Yesu 'ana tohepwailao ma palopitao,

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

Ibeliu 9:24

Ta Keliso geya 'iluhu Hada He'asisi 'abi'abina 'oina, beno Hada moisa 'ana ma'ama'ayau tuwa, ta hesi galewa 'iluhuwa ta Yehoba matana 'imiyamiya ma 'ilemalema weyahida.

1 Pita 3:22

tauna 'ihane pwaiya galewa, eeta bewa tuwa Yehoba 'ina 'ebeulega 'imiyamiya, ma aneloseyao ma toloinao mabwaiyadi galewa 'oina 'iloiloinaedi.

2 Pita 3:2

ma Yehoba 'ina palopitao 'idi gwae nugenugetadi wanuwatuhu yahidi, ma wete 'ida Bada beno 'ada To'abihetena, 'ina loina 'ana tohepwailao loinaedi si'ebwaegomiya wete wanuwatuhu yahidi.

Heꞌitaꞌita 1:1

Buki bewa 'oina Yesu Keliso 'ina he'ita tetelina. Yehoba 'i'ebwaeya ma 'abehega Yesu 'ihe'itae 'ina topaihowao 'oidiya, ma sisanapu to'aha nata 'ilatu. He'itaina bewa Yesu Keliso 'ina anelose 'ihetuneya, ma 'abehega Yoni 'oina 'ihepwaila.

Heꞌitaꞌita 2:11

“Ceguma taiya 'oimiyega matenana Yaluyaluwa Tabuna 'ina gwae tohekalesiyao 'oidiya 'ihesagohe. Ma wete 'omi taiyawedi 'eguma Seitani wahewaiwai sineya, geya'abwa 'amasa heluwena 'igihegihe galegomi.”

Heꞌitaꞌita 2:17

“Ceguma taiya 'oimiyega matenana, Yaluyaluwa Tabuna 'ina gwae 'ihesagohe. Ma 'eguma 'omi taiyawedi Seitani wahewaiwai sineya 'e'ahai dahwadahwaina ya'ebwaegomi. Ta wete 'aigeda 'aigeda 'oina yaheguyai da'ule wa'ewa'e'edi, ta da'uleyedi 'oidiya sanimiyedi simiyamiya 'ehaudi, beno geya 'eta taiya sawasawahina ma 'isanapudi, beno namo tauna to'ewaina 'isanasanapu.”

Heꞌitaꞌita 2:29

“Ceguma taiya 'oimiyega matenana, Yaluyaluwa Tabuna 'ina gwae hekalesiyao 'oidiya 'ihesagohe.”

Heꞌitaꞌita 2:7

“Ceguma taiya 'oimiyega matenana, 'ihesagohe Yaluyaluwa Tabuna 'ina gwae tohekalesiyao 'oidiya. Ma 'eguma taiya 'oimiyega 'ihewaiwai, 'oina yatagwala ma yawasida 'ana 'aiwe huwaina 'i'ai, 'aiweina Yehoba 'ina tanoha 'itotoholo.”

Heꞌitaꞌita 21:14

Casaina madouna si'abiya wahuwahu 'aigeda bwebwe'ana 'oina, beno dimwa tuwelo pa'alidi tabwadiya, ma dimwaedi 'oidiya Lami 'ana tohepwaila tuwelowedi sanidiyao silelediya.

Heꞌitaꞌita 3:13

“Ceguma 'oimiyega taiya matenana Yaluyaluwa Tabuna 'ina gwae boda hekalesiyao 'oidiya 'ihesagohe.”

Heꞌitaꞌita 3:16

ma hesi 'omi tuwa gamwagamwana, geya yahiyahi nuwana gogai 'idi tupwa wamiyamiya, ma 'ane 'ahwaguwega ya'esoha latuwegomi.

Heꞌitaꞌita 3:22

“Ceguma taiya 'oimiyega matenana Yaluyaluwa Tabuna 'ina gwae boda hekalesiyao 'oidiya 'ihesagohe.”