44 (-)
“Ma taudi 'igu 'adigeyageya simiyamiya yahegwaedi, ‘Comi togala wa'ebesinegau, ma watauya 'aiwe ninima hatayana 'oina, tauna Yehoba 'i'atububuya Tomudulele ma 'ina bodao weyahidi.
Coinega taudi sitauya muya hataya 'oina, ma todumwalu hesi yawasi hataya siloba.”
Ma wete 'ina goliyega witi 'isapidi ma huwaidi sigubala ma muliyetega huwaina 'ausaladi 'ihedodo 'ina hada 'e'ahai, ma mohomohowedi 'igabudi 'aiwe ninima hatayaina 'oina.”
Wete 'eguma nimau 'igihebe'ugo 'ilobwaineya ma 'u'upwa yahule. Beno geya 'ana galamo 'eguma manima 'upwa'upwau ma yawasi bwebwe'ana 'uloba. Ma hesi gala hedadena 'oiuwa 'eguma manima luwaluwau ma siula suluhego 'aiwe 'ala'alata hataya 'oina.
“Ma wete 'eguma 'aheu 'igihe be'ugo, 'ilobwaineya ma 'u'upwa yahule. Beno geya 'ana galamo 'eguma ma 'ino lopego ma yawasiu bwebwe'ana 'uloba. Ma hesi gala hedadena 'oiuwa, 'eguma ma'ahe luwaluwau siula suluhego 'aiwe 'ala'alasinaina 'oina. Casaina 'oina 'aiwe 'ala'alasina geya 'ida gibowa.
Casaina 'oina mwahulu 'oidiya yapwayapwa sisopisopila hataya ma wete 'aiweina geya 'ida gibowa.
Coinega nata simiyawasi, ma sisilahe hataya tupwaina 'ala'alasina 'oina, ma Bada manina ta 'ina waiwai ta 'ana hepwatu nata geya si'ita'ita.
nata taudi Yehoba 'ina waini waiwaina 'oinega sinuma, ta wainiina beno Yehoba 'ina gamwasowala moisa 'isiweya gamwasowala biyona 'oina. Ma wete 'aiwe yahiyahina ma da'ule yahiyahidi tomotaedi wahidiya silotoho, Yehoba 'ina aneloseyao ta lami matadiya.
Coinega 'adi to'abo Seitaniina si'eweya, 'asa 'ala'alata 'alona siuleya. Yahiyahiina 'alona mwalohene hebaiina ma palopita 'abo'aboina siula pwaidiya, ma tupwaina 'oina sitetoiyedi simuyamuya sabwelo ma nihuwana 'oidiya, ta geya'abwa 'igumwagumwala.
Ma 'eguma taiyewedi geya sanidi 'ilobaloba yawasida bukina 'oina 'iuledi 'asa 'ala'alata 'oina.
Ma hesi taudi 'atewe'awe'adi, ma taudi geya sihemisa, ma tohemata ganawalao, ma tolohe'amasao, ma tologwaliyao, ma Tomudulele ma'iyanao, ma dimwa 'adi tohemisao, ma to'e'abo'abowao, taudi bewa 'idi tupwa 'asa 'ala'alataina, beno 'amasa heluwena.”
