Maki 9:29 - Loina Nuahuana

²⁹ Ma Yesu 'igwaeya, “Geya 'eta wete ginaula 'oinega ma hi'ahi'a tapa'ihapwese. Beno tuwa 'ahwanoiyega Yehoba 'oina.”

Maki 9:29 ပူးပေါင်းရင်းမြစ်များ

Madiu 12:45

Coinega 'itauya ma hi'ahi'a site sebeni wete 'itoedima ta ba'idanao siluhuwa 'ebemiyaina 'oina, ta nobwa ba'idanao simiyamiya. Eeta loheyaina 'ina miya si'abihegala bwaibwainiya, mwalo geya gide. Mehau 'omi wete gide togala ma 'imi 'ebe losaloha gala hedade.”

Madiu 17:20

Ta Yesu 'igwaeya, “Weyahina 'imi hemisa 'iwe'a. Yagwae moisa 'eguma 'imi hemisa 'ana waiwai gide seyala patuna, 'abwa 'oya nage 'oina wagwae, ‘Bewa 'oinega 'umiya dobi,’ nata 'ihematamatana tuwa. Gide wete ginaula mabwaiyadi sawasawahimi ma wapaihowadi.”

Madiu 17:21

(-)

Maki 9:28

Muliyetega Yesu ma 'ana tomuliyao siluhu hadai ma nobwa siboi. Eeta tomuliyaowedi Yesu sihegwaeya, sigwae, “Bada, togidega tauma geya sawasawahina hi'ahi'a 'apa'i ma 'ihapesa?”

Maki 9:30

Nage 'oinega Yesu ma 'ana tomuliyao tupwaina si'ebesineya, ma Yesu geya nuwana ma boda sisanapu to'eha 'oina sitauya, 'oinega Galili 'edaina 'oina sitautauya, ma 'ana tomuliyao 'ihe'itediya 'ina 'amasa weyahina, 'igwaeya, “Cabwa Loheyaiguina 'agu toteba 'i'ebwayaegau 'agu 'alehao 'oidiya ma silohe'amasigau.

Luke 11:26

Eeta 'itauya ma hi'ahi'a site sebeni galadi moisa wete 'itoedima, ma ba'idanao siluhuwa 'ebemiyaina 'oina, ta nobwa mahetenao simiyamiya, 'oinega loheyaina 'ina 'ebemiya si'abihegala bwaibwainiya, mwalo geya gidemusa.”

Paihowa 14:23

Ma wete 'asa 'aigeda 'aigeda Paulo ma Banaba tohekalesiyao 'idi tohanugetao sihe'asediya, ta 'adi 'abilagata bewa gidemusa, sihudihudi ta 'idi Badaina sihemisaeya 'oina si'ahwa'ahwanoi, ma 'ane 'ida gihewaiwaiyedi 'idi paihowaina weyahina.

1 Kolinita 9:27

Coinega wahigu yaloina pa'ale ma 'oinega sahena yamumuga besobeso, tabu ta 'igu guguya hali tomota 'oidiya mulina taugu yabe'u.

2 Kolinita 11:27

'ima paihowa madouna, ma miyamwau 'adi tuta 'oidiya, nihuwana geya yada 'enowa, ma gomale ta tani'oyahala, wete tuta tupwana baibaiwana geya 'agumo, ta geya 'igu hadamo, ma geya 'agu 'wamamo tuta gogai 'oidiya.

2 Kolinita 12:8

Mwauina bewa weyahina matoi Yehoba ya'ahwanoiyeya ma 'i'ewayahule.

2 Kolinita 6:5

sapi, 'ebepai, 'aleha, paihowa, 'oyatola masala, gomale,

Epeso 6:18

Tuta mabwaiyana Yaluyaluwa Tabuna 'ina lema 'oinega 'ahwanoi baibaiwadi 'oidiyega wa'ahwa'ahwanoi Yehoba 'oina. Sahena wawe'awe'a ma hesi ma'imi toholopa'ala wa'itayahigomi ma wa'ahwanoi tohekalesiyao mabwaiyadi weyahidi,

Yemesa 5:15

Ta 'eguma ma'idi hemisa si'ahwanoi, Yehoba 'ileme tolohalaina ma 'ibwebwe'ana, ta wete 'eguma ma'ina pui, Yehoba 'inuwasamudi.