Maki 9:20 - Loina Nuahuana

²⁰ Eeta gwamaina si'eweyama Yesu 'oina, ma hi'ahi'a 'i'iteya Yesu, 'oinega 'iginaoya gwamaina ma 'itai ma bale'uwa 'ibe'uwa, 'idededela ma 'ahwanega gwala busobuso silatulatu.

Maki 9:20 ပူးပေါင်းရင်းမြစ်များ

Maki 1:26

Coinega hi'ahi'a loheyaina 'i'abi hededeliya. Cidededela, ma 'i'aso'asona madouna, ma muliyetega hi'ahi'a loheyaina 'alonega 'ilatuwa.

Maki 9:18

Tuta tupwana hi'ahi'a 'ina paihowega 'itaitai ma 'ahwanega gwalabusobuso sihapwehapwesa, ma 'ihesala'i'ita ma 'idededela. Coinega 'a tomuliyao ya'ahwanoiyedi ma 'abehega hi'ahi'a gwama 'oinega sipa'ihapwese, ma geya sowasowadi.”

Maki 9:19

Coinega Yesu 'ihegwaediya, 'igwae, “Comi togidega, ta deba pa'ala hedade? Tuta bewa 'imi deba pa'ala 'oinega yahewahi dabalala. Tuwa gwamaina watauyeyama ma ya'ita.”

Maki 9:21

Ma tamanaina 'oina Yesu 'ihesilala, 'igwae, “To tuta 'oina 'ina lohala 'ihegaineya?” Ma tamana 'igwaeya, “Cina tuta sedasedega.

Maki 9:26

Coinega hi'ahi'aina 'i'aso'asona, ma 'ana hebwasubwasumo 'iginaoya, ma 'idedela madouna, ma hi'ahi'aina 'ihapwesa 'itauya, ma boda gwamaina si'iteya 'ana 'ita gide 'i'amasa, ma simatauteya ma sigwae, “Beno 'i'amasa.”

Luke 4:35

Ma Yesu 'iloinaeya ma 'igwae, “Culolagu, ma loheya beno 'oinega 'ulatu.” Ta dumwadumwaluna boda matadiya hi'ahi'aina loheya 'iulaeya bale'uwa ta 'oinega hi'ahi'a 'ihapwesa, ma geya 'aigeda hesilae loheyaina 'iloba.

Luke 8:29

Gwae bewa 'i'inaneya weyahina Yesu 'ihegwae pwaiya, 'igwaeya “Hi'ahi'a, loheyaina beno 'oinega 'ulatu.” Ta wanuwatuhu 'abehega loheyaina mwalo tuta baibaiwana hi'ahi'a 'i'abi'abi heyauyaule, 'oinega si'abiyahiya ma nimana ta 'ahena sipaidiya gulaha pwawati, beno seni 'oidiyega, ma tuwa seniyedi 'iupaupadi ta wete hi'ahi'a loheyaina 'itautauye tupwa yoho 'awawa.

Luke 9:39

Ma tuta baibaiwana 'eguma hi'ahi'a gwamaina 'i'abiyahiya, natuguina 'iwuiwui madouna ma 'ihehebwasubwasumo, weyahina 'itaitai ma 'ahwanega gwalabuso silatulatu. Tuta baibaiwana gidemusa 'i'abi'abi hemuyamuya.

Luke 9:42

Ma gwamaina 'inaoma Yesu 'oina, ta hi'ahi'a gwamaina 'iulasuluheya bale'uwa ta 'itaiya, 'oinega Yesu 'iloina ma yaluyaluwaina 'ilatuwa ma gwamaina 'ibwebwe'ana. Ta muliyetega Yesu gwamaina 'itoeya tamana 'oina.

Yoni 8:44

Comi hesiyage Seitani tamamiu, 'oinega nuwanuwami ma tamamiuina 'ina nuwatuhuwedi wapaihowadi. Weyahina sauga 'ebe hegaina hauhau 'oinega 'itauyama, tauna tolohe'amasa moisa. Geya 'eta wete 'eda dumwadumwaluna 'oinega 'ida tauya. Weyahina geya 'eta wete gwae moisa 'oina 'ida miyana. Tuta mabwaiyana 'oidiya 'e'abo'abo 'oidiyega 'ihehegwaegwae, weyahina tauna tuwa beno gidemusa mumugana, ma wete tauna to'e'abo'abowao mabwaiyadi tamadiu.

1 Pita 5:8

Coinega walomata yahigomi bwaibwaini 'ami 'aleha Tomudulele 'oinega. Weyahina Tomudulele tauna gidemusa totopwatula, tuta mabwaiyana 'isakosakowasi ma 'i'ebe'ebesa 'abehega 'ana tai 'iloba, ma 'i'ai.