Maki 8:34 - Loina Nuahuana

³⁴ Coinega Yesu boda mabwaiyadi ma wete 'ana tomuliyao mahetediyao 'ibwau he'autedima, ma 'ihegwaediya, 'igwae, “Taiya 'eguma nuwanuwana ma 'imuliyegau, 'ilobwaineya ma 'iboi 'ina loina 'ilogwahate, ma 'aneyage 'iboi 'ana kelose 'i'ahali ma 'i'amasa, beno gide 'ana 'eda'eda, 'eguma taiya 'imuliyegau.”

Maki 8:34 ပူးပေါင်းရင်းမြစ်များ

Madiu 10:38

Ma 'eguma taiya yawasina geya 'itagwale ma 'i'amasa kelose 'oina, gide taugu, tauna geya sawasawahina ma 'imuliyegau.

Madiu 16:24

Muliyetega Yesu 'ana tomuliyao 'ihegwaediya, 'igwae, “Taiya 'eguma nuwanuwana ma 'imuliyegau, 'ilobwaineya ma tauna 'ina nuwatuhuwao 'ilogwahatedi, ma tauna 'ana kelose 'i'ahali, ma 'oinega 'i'amasa, beno gide 'agu muliyaina 'ana 'eda.

Madiu 27:32

Yesu sihapweseya ma sitauyeya, ma 'edai Sailini loheyaina 'aigeda, sanina Saimoni, sihalobeya, ma siloineya ma Yesu 'ana kelose 'i'ahali.

Maki 10:21

Coinega Yesu ma'ina yaliyaya loheyaina 'i'ebubuya ma 'igwae, “Beno tuwa 'aigeda ginaula 'ilosapuligowa. Coinega 'uhila 'ino 'asa, ma 'ino tobwatobwa mabwaiyana 'uhegimwaneye, ma 'adi maisa 'uheguyaiye towewelohe 'oidiya, eema 'unaoma 'umuliyegau, 'abwa muliyetega 'ino wasawasa galewa 'uloba hila.”

Maki 7:14

Coinega boda 'ibwau hiledima ma 'ihegwaediya, “Cigu gwae bewa mabwaiyami wahesagohe, ma nuwami 'i'elo'asilala.

Luke 13:24

“Cehe gide, ma hesi watoho waiwai ma waluhu 'ahwa'edaina 'i'iuna 'oinega. Weyahina baibaiwadi sitoho ma 'abehega siluhu, ma si'aipate 'asaya.

Luke 14:33

Coinega Yesu 'ina hemataluwa 'ilosalohiya, ma 'oidiya 'igwae, “Bewa gide wete 'agu muliya 'ana 'eda. Ceguma taiya 'owa nuwanuwau ma 'umuliyegau, nugeta 'ino 'ebeloina mabwaiyana 'u'ebesinedi.

Luke 18:22

Cina gwaeina bewa gide Yesu 'ihesagoheya, 'oinega 'igwaeya, “Caigeda ginaula tuwa 'ilosapuligowa, beno 'abehega 'ino tobwatobwa mabwaiyana 'uhegimwaneyedi ma 'adi maisa towewelohe 'oidiya 'uheguyaiyedi, ta 'oinega 'unaoma, 'umuliyegau ma 'oinega 'abwa 'ino wasawasa galewa 'uloba.”

Luke 20:45

Coinega boda mabwaiyadi sihehenono, ma Yesu 'ana tomuliyao 'ihegwaediya, 'igwaeya,

Luke 9:23

Muliyetega mabwaiyadi 'oidiya 'igwae, “Ceguma taiya 'owa nuwanuwau ma 'umuliyegau, sahena 'uboi weyahiu 'unuwanuwatuhu. Ma hesi 'uboi 'a kelose 'u'ahali sabwelo 'aigeda 'aigeda ma 'oinega 'umuliyegau.

Yoni 10:27

Weyahina taugu 'igu sipiyao 'enagu sisanasanapu, ma wete taugu yasanasanapudi eema simulimuliyegau.

Yoni 19:17

Sitauyeya ma Yesu 'iboinamo 'ana kelose 'i'ahaliya, ma tolo'alehaedi mahetenao sitauya 'asa 'aigeda sanina Bulubulu 'oina, ma hesiyage sanina meYudiya 'enadiyega sigwae Goligota.

Paihowa 14:22

Ta 'idi lohihilaina 'oina Yesu 'ana tohemisao sigihe pa'alidiya 'asa 'aigeda 'aigeda 'oidiya, ta siguguyediya ma gesowana 'idi hemisa 'ida we'awe'a, ma sigwaeya, “Moisa 'abwa 'ida muya baibaiwadi 'oidiyega taluhu Yehoba 'ina 'ebeloina 'oina.”

Loma 6:6

Ta wanuwatuhuyahi beno mumugada miyamiyaidi 'ana kelose 'oina 'ilohe'amasa pwaiya, ma 'ane tauda 'ida loina 'igumwala, ma 'oinega geya'abwa wete mumuga galana 'ina loina 'alona tamiyamiya,

Loma 8:17

Eema helauwedi 'i'atububuya natunaina Yesu Keliso weyahina, nata Yesu mahetedai helauwedi talobadi Yehoba 'oinega. Weyahina 'eguma Keliso mahetedai muya ta'ahali, nata wete mahetedai wasawasa taloba.

1 Kolinita 15:31

Moisa, sabwelo 'aigeda 'aigeda 'oidiya gide ya'ama'amasa, ma hesi ma'igu yaliyaya 'omi 'imi toholo pa'ala weyahina, 'ida Bada Yesu Keliso 'oina.

1 Kolinita 8:13

Ma taugu hesi genuwagu ma 'aigeda tasida ya'abihebe'u, 'oinega 'e'ahaiyedi yaguipailediya moisa, ma sahena yalolotohodi, tabu ta 'oidiyega tasidao ya'abihebe'udi.

1 Kolinita 9:19

Ta sahena wete tomota 'agu loina silagulagu ma hesi tomota mabwaiyadi weyahidi yapaihowa ma yada 'abihetedi.

Galetiya 2:20

Moisa, Keliso mahetegu si'abihe kelose pwaimaiya, 'oinega 'ama'amasigu, ma geya taugu yawasiguwega ma hesi Keliso yawasina 'oiguwa 'imiyamiya. Beno tuwa yamiyamiya, yawasiguina lamuna beno 'igu hemisa Yehoba Natuna 'oina. Weyahina Yesuina 'ina helauwega tauna 'itagwaleya ta weyahigu 'i'amasa.

Galetiya 5:24

Ta wete 'eguma Yesu Keliso 'iloinegita, wahida 'ina mumuga galadi ma nuwa'ubunao 'ilohe'amasidiya 'ana kelose 'oina.

Galetiya 6:14

Ma taugu hesi geya'abwa yagwaegwae hane. Beno tuwa 'ida Bada Yesu Keliso 'ana kelose weyahina yagwaehane, weyahina Keliso 'ana kelose 'oinega mumuga bale'u 'ilohe'amasiya ta 'ina loina 'oiguwa 'igumwala, ma wete taudi mumuga bale'u 'ana tomuliyao silogwahategauwa, tuwa gide taugu to'amasa.

Pilipai 3:10

Nuwanuwagu wete Keliso yada sanapu ma 'ina toholohila 'ana waiwai yalotoho, ta 'ina muya wete tauna gidemusa yada lotohodi, wete gide 'igu 'amasa gide tauna,

Pilipai 3:7

Ma hesi saniguina madouna ya'ahwa ginaula besobesoweya, weyahina Keliso namo 'oina yatagwalegauwa.

Kolose 1:24

Coinega sauga bewa 'agu muya yalobaloba 'omi weyahimi, ma tuwa ma'igu yaliyaya. Taugu wahigu 'ina muya ma Keliso 'ina muya 'ilohegogoneya ta 'imadouwa, tohekalesiyao weyahidi, beno taudi Keliso wahina.

Kolose 3:5

Coinega gogo gabulena mumugana 'oimiya walohe'amasidi, beno logwali, pui, ma henuhenuwa galadi ma hewasawasa, beno hali 'ebehemisao 'adi tuluha.

2 Tesalonaika 3:11

Tetelimi 'ahesagoha pwaiya tupwadi 'oimiyega silowahi'wata ma geya simiya hohobiga ma sipaihowa.

Taito 2:12

ta 'ihe'itaegita ma mumuga besobeso ma nuwatuhu galadi talogwahatedi, ma hesi tamiya mumuga bwebwe'adi ma dumwaludi 'oidiya.

Ibeliu 13:13

Tauda wete sowasowana tatauya 'asa tuluhana Yesu 'oina, ma 'ebe mwadina taloba tauna gide.

1 Pita 4:1

Wanuwatuhuyahi 'abehega tutaina Yesu 'ihetomotai muya 'ilobeya, ma 'imi nuwatuhu walagu Yesu gidemusa, ma 'oinega waboimo wagihepa'aligomi, weyahina 'eguma taiyawedi taudi wahidiyega muya silobediya, 'idi mumuga galana 'igumwala pwaiya.

1 Pita 4:13

ma hesi wayaliyaya, ma wete wanuwatuhu 'abehega Yesu Keliso muya 'ilobeya, eeta 'omi gidemusa tuwa waloba 'ese, ma muliyetega tutaina 'ina wasawasa 'ihapwesama wayaliyaya madou hedada.

2 Pita 1:14

Weyahina 'ida Bada Yesu Keliso 'ihe'ita pwaigauwa 'abehega 'i'iuna ma ya'ebesinegomi,

1 Yoni 3:16

Ma wete helau tasanapuya, beno 'abehega Keliso yawasina 'itagwaleya ta weyahida 'i'amasa, 'oinega 'ilobwainegita wete ma yawasida tatagwale tasidao weyahidi.

Heꞌitaꞌita 2:10

“Ta geya'abwa wamatamatauta 'eguma to ginaula 'oina muya waloba. Wanuwatuhuyahi 'abehega 'abwa Seitani 'itohogomi, ma tupwami sipaigomi, ma deliya silagugami, ma hesi 'ami mwauwedi sabwelo nima luwaluwa weyahidi. “Ma watoholo pa'ala 'ana siga 'amasa, ma 'oinega yawasimi miyamiya hatayaina ya'ebwaegomi.