Maki 6:31 - Loina Nuahuana

³¹ Ma tomota baibaiwadi sinaonaoma ma sihilahila, ta 'oinega geya sawasawahina ma Yesu 'ana tomuliyao si'aiyawasi ma si'ai, 'oinega 'ihegwaediya, 'igwae, “Tupwa bewa ta'ebesine ma tatauya yoho 'awawa, ma nobwa tupwana wa'aiyawasi.”

Maki 6:31 ပူးပေါင်းရင်းမြစ်များ

Madiu 14:13

Ta Yesu tetelaina bewa 'ihesagohediya, 'oinega 'ilatuwa ta wagai 'igeluwa, 'itauya tupwa yoho 'awawa. Ma boda Yesu tetelina sihesagoheya, ta 'idi 'asa 'oidiyega silatuwa, ma 'edega sitauya Yesu 'oina.

Maki 1:45

Ma loheyaina geya Yesu 'ina loina 'ihematamatane, ma hesi tomota 'oidiya 'ihepwaila dadaneya. Eeta Yesu geya sowasowahina ma 'iyawala 'asaedi 'alodiya, ta 'oinega 'inaowa yoho 'awawa ma nobwa 'imiyamiya, ma tomota tupwa mabwaiyana 'oidiyega sinaoma 'oina.

Maki 3:20

Yesu 'ihila 'asai, ma boda madouna si'autama, ma geya sowasowahina Yesu ma'ana tomuliyaowedi si'aiyawasi eema si'ai.

Maki 3:7

Yesu 'i'ebesinediya ma'ana tomuliyaowedi sidobiya Galili holai, ma boda madouna simuliyeyama.

Yoni 6:1

Coinega Yesu 'ilohihilama Galili 'ina tupwa ma 'igeluwa 'ihabala Galili holaina hali tupwanega. Holainaina sanina heluwena Taibiliya.