Maki 6:11 - Loina Nuahuana

¹¹ Ma hesi 'eguma 'asa tupwadi 'oidiya walatu ma tomotaedi geya sibwauwegomi ma wete geya 'imi loguguya sihesagohe, 'asaedi 'ahemi gawalana 'oina walohutuhutu yahule ma wa'ebesine, ma 'oinega wahe'itadi 'abehega nata mwau 'oidiya 'ilatu.”

Maki 6:11 ပူးပေါင်းရင်းမြစ်များ

Madiu 12:36

“Coinega yahegwaegomi 'abehega sabwelo yatala 'oina 'omi 'imi gwae bwagabwaga mabwaiyadi weyahidi Yehoba 'ihesilalegomi, ma huhuna wahepwaile latuwedi.

Maki 6:10

Ma wete 'ihegwaediya, “Ceguma to hada 'oina sibwauwegomiya ma 'oina waluhuluhu, hadaina 'oina wahehada ma 'ana siga tupwaina wa'ebesine.

Luke 9:5

Ma 'eguma to 'asa 'oina geya sitoegemi 'idi hada 'oidiya, gogoina namonamoina 'ahemiyega walohutuhutu yahuledi ma wa'ebesinedi, ma 'oinega wahe'itadi 'abehega nata mwau 'oidiya 'ilatu.”

Paihowa 18:6

Taudi hesi sihe'ohe'oheya, ta si'ahwa 'abo'aboweya, ta 'oinega Paulo 'ana 'ale'o 'ilohutuhutuiya matadiya, beno 'idi logwahata 'ana 'ebe'ita 'ipaihoweya, ma 'ihegwaediya, “Comi 'abwa wahesilae 'imi logwahata bewa weyahina, ta beno waboi 'imi loinega, ta geya taugu 'igu loinega. Coinega ya'ebesinegomi ma tetela yatauye tomiya ganamuli 'oidiya.”

Loma 2:16

Gide tuwa tetelaina bwebwe'ana yaloguguyaeya 'oimiya, 'abehega bwa'omatana 'ana tuta 'oina Yehobaina Yesu Keliso nata 'ihe'abeiye ma tauna 'ida nuwatuhu dahwadahwaidi weyahidi 'iloinaegita.

Loma 2:5

Ma tuwa debami sipa'ala hedada, 'oinega 'eguma tutaina Yehoba 'ina loina dumwaluna 'i'abi hemasalaha, 'igamwasowalegomi tuwa,

2 Pita 2:6

Ma wete 'asaedi galadi Sodoma ma Gomola 'igabudiya eeta sihegawala, ma 'oinega 'abehega mabwaiyada tada sanapu ma geya'abwa tamumuga galana gidemusa taudi.

2 Pita 2:9

Coinega tasanapuya Yehoba sowasowana tobwebwe'adi 'ebe tohowao 'oidiyega 'i'abihetedi, ma togalaedi 'iloinaedi ee 'ana siga sabwelo bwa'omatana 'oina.

2 Pita 3:7

Ma Yehoba 'ina gwaeyega galewa ma bale'u siyamwayamwa ma loina 'ana sabwelo 'oina nata 'igabu yahuledi ma togala 'ilohesawalidi.

1 Yoni 4:17

Bewa 'oinega tahelau hilegita moisa, ma bwa'omatana 'ana sabwelo 'oina geya'abwa tamatamatauta, ma hesi tada 'atepatu, weyahina tuta bewa bale'uwa tamiyamiya tauda Keliso gidemusa.

Yude 1:7

Taudi 'idi mumuga gidemusa tupwadi 'asa mwalohene, beno Sodoma ma Gomola ma tupwadi 'asa deidiya, weyahina pui 'ana nuwa'ewa madouna 'oinega sipaipaihowa besobeso ma 'idi 'eheloheloheyao mahetediyao sipuipui, 'oinega Yehoba 'igabudi 'aiwe 'ala'alata hatayana 'oina. Ta he'itaina bewa mabwaiyada weyahida.