Maki 5:23 - Loina Nuahuana

²³ ma 'i'ahwanoi waiwai, 'igwaeya, “Bada, natugu mewahinena 'ana lohala 'imwau hedada. Tauna gwamasine tuwa. Nuwanuwagu 'unaoma 'u'abitoho ma 'ibwebwe'ana, ma sahena 'i'ama'amasa.”

Maki 5:23 ပူးပေါင်းရင်းမြစ်များ

Madiu 8:3

Ta Yesu nimanega loheya 'wapina 'i'abi tohoya, ma 'igwae, “Cehe 'ausala! Cubwebwe'ana.” Ta loheyaina 'ana lepelo 'igumwala mwayamwayauwa, ta 'ibwebwe'ana.

Maki 16:18

ma 'eguma mwata lolosasadi si'abi lagasidi, geya'abwa 'idi 'enali 'oidiyega si'ama'amasa. Wete we'aha newanewalina 'eguma sinuma geya'abwa si'ama'amasa. Ta wete 'eguma tolohalao si'abitohodi, sibwebwe'ana tuwa.”

Maki 5:24

Eeta Yesu ba'idana sinaonao, ma boda madouna sihehemulitabubu ma siheheduidui 'edai.

Maki 6:13

ta hi'ahi'a tomota 'oidiyega siula latuhedi ta tolohalao mabwaiyadi wete siheholoidi ma sibwebwe'ana.

Maki 7:32

Ma 'aigeda loheya si'eweyama Yesu 'oina, tauna tenatuituina ma wete guguguguina, ma Yesu si'ahwanoiyeya ma 'abehega 'i'abitoho ma 'ibwebwe'ana.

Maki 8:23

Coinega Yesu tomata gibugibuina nimana 'oina 'i'abiya ma 'itoeya, 'asaina si'ebesineya. Ma Yesu loheyaina matana 'ihulasiya, ma nimanega matanaina 'i'abitohodiya, ma 'ihegwaeya, “Sawasawahina to'aha 'u'itadi?”

Luke 13:13

Coinega nimana 'ilaguya wahineina 'oina, ma 'isapaila ta Yehoba 'ihepwatuweya.

Luke 4:38

Coinega Yesu Hada tapwalolowega 'ilatuma, ma Saimoni 'ina hada 'iluhuwa. Ma Saimoni lawana wahi yahiyahi 'oinega 'ilohala, 'oinega Yesu si'ahwanoiyeya ma 'i'abihe bwebwe'ane.

Luke 4:40

Ma hesi sinala 'isopu pwaiya, ma tomota 'idi tolohalao 'adi lohalao hagadi ma hagadi sitoedima Yesu 'oina, ta mabwaiyadi 'aigeda 'aigeda 'i'abitohodiya ta sibwebwe'ana.

Luke 7:12

Cinaoma 'asaina deina, ta to'amasa ma 'ana to'ahalao 'ilobediya silatulatuma 'asaina 'oinega. To'amasaina hiwape natuna, 'aigeda tuwa. Coinega hiwapeina boda madouna mahetenao sitautauya sabi lagutaona.

Yoni 11:3

Coinega tutaina nuhudiuina Lasalo 'ilohala taudi tuwa nuhunaowedi wasa sitauyeya Yesu 'oina sigwae, “Cinapwana, 'iyauina Lasalo 'ilohala.”

Paihowa 28:8

Ma tutaina 'oina Pabiliyasi tamana hadai 'i'eno'eno ma'ina lohala, ta 'ina lohala yahiyahi ma gamwa pilipili. Ta Paulo 'iluhuwa 'oina, ma weyahina 'i'ahwanoiya Yehoba 'oina, ta wahina 'i'abi tohoya ta 'i'abihe bwebwe'aneya.

Paihowa 6:6

Coinega loheloheyaedi si'abi lagasidiya Yesu 'ana tohepwailao matadiya, ma si'abi debediya ma weyahidi si'ahwa 'ahwanoiya Yehoba 'oina, ma paihowaina sihegaineya.

Paihowa 8:17

'oinega Pita ma Yoni nimadi silagudiya 'oidiya ta Yaluyaluwa Tabuna 'oidiya 'iluhuwa.

Paihowa 9:12

ma 'aigeda loheya sanina Ananaiyasi 'i'iteya 'itautauyama sabi 'abitohoina ma 'oinega matana si'asilala hila.”

Paihowa 9:17

Coinega Ananaiyasi 'itoholowa ma 'itauya Yudasa 'ina hada, 'iluhuwa ta Saulo 'i'abidebeya, ma 'igwaeya, “Tasigu Saulo, Badaina Yesu 'edai 'ilatuwa 'oiuwa, tauna bewa 'ihewasegauwa matau 'ana 'abihe'asilala weyahina, ma wete 'abehega Yaluyaluwa Tabuna 'oinega 'ilohemahego.”