Maki 4:40 - Loina Nuahuana

⁴⁰ Ma 'ana tomuliyao 'ihegwaediya, 'igwae, “To'aha weyahina wa'ateyohowa? Togidega ta geya 'imi hemisamo?”

Maki 4:40 ပူးပေါင်းရင်းမြစ်များ

Madiu 14:31

Ma Yesu 'ilomwayamwayauwa ma Pita 'i'abiyahiya, ta 'igwae, “Tohemisa 'i'iuu, to'aha weyahina 'uhenuwanaluwa?”

Madiu 16:8

Ma Yesu 'idi nuwatuhu 'isanapu pwaiya, 'oinega 'ihegwaediya, “To'aha weyahina wagwaegwae 'abehega geya 'ami 'ulaheyamo? Beno geya weyahina yagwae. Geya wahemisa moisa, 'awa?

Madiu 6:30

Coinega wanuwanuwatuhu Yehoba 'ina 'itayahina 'oimiya weyahina. Tauna pwatula 'ihepasediya hane bwebwe'adi 'oidiyega; nige haneyedi sididiya ma gona siwelai ma sigabudi, ma 'omi pwatula wabwebwe'ana sinediya, ma hesi 'ami 'ale'owao 'i'ebwaegomi. Coinega sahena 'imi hemisa Yehoba 'oina 'iwe'awe'a.

Madiu 8:26

Ma 'ihegwaediya, “To'aha weyahina wamatauta? Togidega geya 'imi hemisamo, 'awa?” Coinega 'itoholowa ma yaumai ma bagodu 'iheliyediya, 'igwae, “Walolagu!” Ma ni'u mabwaiyana 'idaumwala.

Maki 4:41

Ma nuwadi 'ihepwanopwanowa ma si'ateyohowa, ma siboidimo 'oidiya sigwaeya, “Loheya to'ato'aha bewa, yaumai ma dibana 'enana simuliyeya?”

Luke 8:25

Ma Yesu 'ana tomuliyao 'ihegwaediya, 'igwae, “Comi togidega, geya wahemihemisaegau, 'awa?” Ma taudi sideba mwadina, ta wete nuwadi 'ihenainaida, ma siboidimo 'oidiya sigwae, “To loheya hede bewa? Ta yaumai ma dibana 'iloinaediya ma 'enana sihesagoheya!”