Maki 4:17 - Loina Nuahuana

¹⁷ ma hesi geya walowalodi pa'alidi 'ilagudi, 'oinega sauga 'i'iuna tuwa simiyamiya, ma 'abwa to sauga 'oina Yehoba 'ina gwae 'ana hemisa weyahina mwau nuwana 'aleha siloba, beno 'oina sibe'u mwayamwayau.

Maki 4:17 ပူးပေါင်းရင်းမြစ်များ

Madiu 11:6

Coinega watauya ma Yoni wahegwae ma sahena weyahigu 'ihehenuwanaluwa, weyahina 'eguma taiya 'ina hemisa weyahigu geya 'iwe'a, tauna 'iyaliyaya.”

Madiu 12:31

“Coinega bewa yahegwae bwaibwainigomi 'abehega tomota 'idi puiyao ma 'idi gwae galadi mabwaiyana Yehoba 'inuwasamudi. Beno namo 'eguma Yaluyaluwa Tabuna si'ahwa galegale, geya sowana Yehoba 'inuwasamudi.

Madiu 13:21

ma geya lamudi 'ipa'ala, 'oinega tuta 'i'iuna tuwa 'oina simiyamiya, ma 'eguma to tuta 'oina tetela bwebwe'ana 'ana hemisa weyahina mwau nuwana hegamwagamwagu siloba sibe'u mwayamwayau.

Maki 4:16

“Wete gide patuwedi bale'u loda'uda'uleina 'oidiya sibe'uwa, 'adi sanapu 'abehega 'eguma tomotaedi Yehoba 'ina gwae sihesagoheya ma ma'idi yaliyaya sitagwala,

Maki 4:18

“Ma patuwedi taudi talitali 'oidiya sibe'uwa 'adi sanapu 'abehega tomotaedi taudi Yehoba 'ina gwae sihesagoheya,

Luke 12:10

Taugu Loheyaiguina, ma 'eguma taiya 'i'ahwa galegalegau, Yehoba nata gwaeina 'inuwasam. Ma 'eguma taiya Yaluyaluwa Tabuna 'i'ahwa galegale, nata geya'abwa Yehoba 'inuwanuwasam.

Yoni 8:31

Coinega meYudiyaedi taudi Yesu sihemisaeya, 'ihegwaediya 'igwae, “Cigu he'ita 'eguma wamuliyedi, 'omi moisa 'agu tomuliyao.

Galetiya 6:12

MeYudiya 'idi 'ila'ilala 'wapidiya 'ana to'upwao geya nuwadi 'igu loguguyaina bewa: 'ada 'abihebwebwe'ana taloba Keliso 'ina 'amasamo 'oinega, ma geya 'wapi 'upwa 'oinega. Coinega sihe'i'imigomiya ma 'idi 'wapi 'upwaina wa'ewa, ta 'adi boda 'ida hemadou, ma wete lo'aleha Keliso 'ina 'amasa kelose 'oina weyahina 'igumwala.

2 Timoti 1:15

Ma 'usanapu pwaiya, taudi meEsiya silogwahategauwa ma si'ebesinegauwa, taudi Paigelio ma wete Elimogini, ma bodaedi.

2 Timoti 4:10

Dimasa bo'i 'i'ebesinegauwa weyahina bale'u mumugana nuwana 'i'eweya, ta 'itauya Tesalonaika. Kelesenisi bo'i 'itauya Galetiya, ma Taito wete 'itauya Dalimetiya. Taudi 'agu tolemaedi mabwaiyadi si'ebesinegauwa.

2 Timoti 4:16

Cigu yatala nugeta geya 'eta taiya 'i'abihetegau, mabwaiyadi simatauta ta si'ebesinegauwa, ma yaboimo. Yehoba, 'idi pui bewa sahena 'uhehemaise.

Ibeliu 10:29

Coinega 'eguma taiya Yehoba Natuna 'ilohesohesoiye, ma bweyahina 'i'abihe'ehauya 'i'ahwa galagalae, ma wete 'i'abihe gamwasowali 'ada to'abihetena Yaluyaluwa Tabuna, nata 'ana maisa muya madou hedade 'iloba Yehoba 'oinega.

1 Yoni 2:19

ma Keliso 'ana 'alehaowedi 'adi 'ita gide Keliso 'ana tohemisao, ma geya. Weyahina taudi 'eguma 'ida boda moisa, 'abwa mahetedao tamiyamiya. Ma hesi geya! Tuwa si'ebesine pwaigita.

Heꞌitaꞌita 2:10

“Ta geya'abwa wamatamatauta 'eguma to ginaula 'oina muya waloba. Wanuwatuhuyahi 'abehega 'abwa Seitani 'itohogomi, ma tupwami sipaigomi, ma deliya silagugami, ma hesi 'ami mwauwedi sabwelo nima luwaluwa weyahidi. “Ma watoholo pa'ala 'ana siga 'amasa, ma 'oinega yawasimi miyamiya hatayaina ya'ebwaegomi.

Heꞌitaꞌita 2:13

“Tupwaina 'oina wamiyamiya beno yasanapuya, beno Seitani 'ina 'ebeloina. Ma hesi wahemisa bwaibwainigau, weyahina geya wada uhalegauwa. Mwalo Seitani 'ina tupwaina 'oina 'aigeda 'agu tohepwaila moisa silohe'amasiya, sanina Anitipasa, ma tuwa wa'abiyahigauwa pa'alina.