Maki 3:7 - Loina Nuahuana

⁷ Yesu 'i'ebesinediya ma'ana tomuliyaowedi sidobiya Galili holai, ma boda madouna simuliyeyama.

Maki 3:7 ပူးပေါင်းရင်းမြစ်များ

Madiu 10:23

“Ma 'eguma 'aigeda tupwa 'oina sihunuhunugomi, wadena hali 'asa 'oina. Moisa 'abwa, sahena 'asa mabwaiyana Isileli 'alona wapaipaihowa salohi, ma taugu loheyaiguina yahilama.

Madiu 12:15

Taudi 'idi loina 'waihina Yesu 'isanapu pwaiya, 'oinega tupwa nage 'i'ebesineya ma 'itauya hali tupwa, ma tomota mabwaiyadi simuliyeya, ta nage 'oina tolohala mabwaiyadi 'i'abihe bwebwe'anediya,

Madiu 12:16

ma wete 'ihegwaediya ma 'abehega sahena sihehepwaila dadane tomota 'oidiya.

Madiu 4:25

Bewa weyahina boda madouna Yesu simuliyeya, Galiliyega ma Dikapoliyega ma Yelusalemega ma Yudiyega ma wete Yolidani hali tupwega.

Maki 1:39

Coinega Galili mabwaiyana 'isakowasiyeya ma 'idi hada tapwalolo 'oidiya 'iguguya, ma wete hi'ahi'a* tomota 'oidiyega 'iula latuhediya.

Maki 1:45

Ma loheyaina geya Yesu 'ina loina 'ihematamatane, ma hesi tomota 'oidiya 'ihepwaila dadaneya. Eeta Yesu geya sowasowahina ma 'iyawala 'asaedi 'alodiya, ta 'oinega 'inaowa yoho 'awawa ma nobwa 'imiyamiya, ma tomota tupwa mabwaiyana 'oidiyega sinaoma 'oina.

Maki 3:20

Yesu 'ihila 'asai, ma boda madouna si'autama, ma geya sowasowahina Yesu ma'ana tomuliyaowedi si'aiyawasi eema si'ai.

Maki 4:1

Muliyetega wete Yesu 'ihila hola Galili papalina sabi he'ita, ma boda madou hedade si'eto'autama, 'oinega Yesu waga 'aigeda 'i'aha'ahai holai 'oina 'igeluwa, 'imiyatoiya, ma boda madouna sitoholowa 'oya'oya.

Luke 23:5

Ma taudi tuwa sihe'ewa yahiya, sigwae, “Ci'abo'abowego beno, weyahina 'aloba pwaiya tomota 'i'abo'abowedi ma 'abehega gabemaniyao 'oidiyega 'iwatahidi. Weyahina Galili 'oina 'ihegaineya 'ina 'aboina, ta Yudiya tupwanao mabwaiyadi 'ilohegumwalidiya, ma 'ilatu pwaima tupwa bewa 'oina.”

Luke 6:12

Tuta nage 'oina Yesu 'ihaneya 'oyai, ma nobwa hinuwana mabwaiyana Yehoba 'oina 'i'ahwa'ahwanoi.

Luke 6:17

Ma mabwaiyadi ba'idanao 'oyega sisuluma 'wabu 'oina, sitoholowa. Cwabuina 'oina boda madouna simiyamiya, taudi sinaoma Yudiya ta Yelusalema 'oidiyega, ma wete Taiya ta Saidoni tupwa holega.

Yoni 7:41

Ma tupwadi sigwae, “Tauna tuwa To'abihetenaina.” Ma tupwadi wete sigwae, “Moisa wanuwatuhuya 'abehega To'abihetenaina Galili 'oinega 'itauyama? Cana 'ita geya sowasowahina.

Yoni 7:52

Coinega 'inapwanaowedi Nikodimo sihegwae hileya, “Nuwana 'owa Galili loheyaina, 'awa? Ma hesi 'eguma Buki He'asisi 'uhasili, nata 'usanapu 'abehega geya 'eta wete palopita Galili 'oinega 'itauyama.”

Paihowa 17:10

Ma hinuwana tohekalesiyao Paulo ma Sailasa sihewasaedi ma sida tauya Beliya, 'oinega sitauya, ma tutaina silatuwa Beliya siluhuwa meYudiya 'idi hada tapwalolo 'oina, ta Yesu wasana sihe'ita.

Paihowa 17:14

Coinega tohekalesiyao siloina mwamwayau, ma Paulo sihetuneya ma 'isuluwa gogo holai 'oina, ta Sailasa ma Timoti 'ebwa ba'idadiyao simiyamiya.