Maki 3:27 - Loina Nuahuana

²⁷ “Cebe'ita 'aigeda wete loheya waiwaina, beno Tomudulele 'ina hada: Geya sowasowahina 'aigeda taiya 'iluhu tohewaiwaiina 'ina hada ma 'ina tobwatobwa 'i'ewadi, ma hesi 'eguma 'aigeda loheya gulaha 'oinega tohewaiwaiina nimana ma 'ahena 'ipai nugetedi, ee 'abwa 'iluhu 'ina hada, ma tobwatobwa 'i'ewadi.

Maki 3:27 ပူးပေါင်းရင်းမြစ်များ

Madiu 12:29

“Cebe'ita bewa loheya waiwaina gide Seitani 'ina hada. Geya sawasawahina 'aigeda taiya 'iluhu ma 'ina tobwatobwa 'ilohetuwe, ma hesi 'eguma 'aigeda loheya balaeyega tohewaiwaiina nimana ma 'ahena 'ipai nugetedi, ma 'oinega muliyetega sawasawahina 'iluhu 'ina hada ma tobwatobwaedi 'ilohetuwe.

Yoni 12:31

Eeta tuta 'ilatu pwaima ma Yehoba gogo gabulena 'ana tomiyao 'iloinaedi, ma wete togala 'adi toloina gogo gabulena bewa 'oinega 'ipa'i.

Loma 16:20

Moisa Yehoba tauna daumwala huhuna, ta nata Seitani 'i'ahusepale mwayamwayauwe 'oimiyega. Cida Bada Yesu Keliso 'ina helau 'oimiya.

Kolose 2:15

Ma wete welabanao ma yaluyaluwa galadi gide hi'ahi'a 'i'abi suluhediya ma 'ana keloseyega 'adi debamwadina 'ilaguya, ta 'ihewaiwai sinediya.

Ibeliu 2:14

Moisa tuwa, Yesu 'ina gwagwamao tauda tomota mahesiyoda ma mabweyahida, 'oinega Yesu wete 'iheloheya ta loheya wahina 'i'eweya ma 'i'amasa, ma 'abehega 'ina 'amasega Tomudulele 'ilohesawali, ma Tomuduleleina 'ina loina 'amasa weyahina 'ilohesawaliya.

1 Yoni 3:8

Ta topui beno taudi Tomudulele 'ina bodao, weyahina tuta mwalo 'oinega ta nige, Tomudulele tauna topui. Coinega Yehoba Natuna 'ihenatuneya bale'uwa, 'itauyama Tomudulele 'ina paihowao sabi 'ahusepaledi.

1 Yoni 4:4

Natugwao, 'omi Yehoba 'oinega wali'uma, 'oinega hali yaluyaluwaedi wahewaiwai sinediya, weyahina Yaluyaluwaina 'oida 'imiyamiya Tohewaiwai moisa, ma hesi yaluyaluwaina mebale'u 'oidiya 'imiyamiya, 'ina waiwai geya madouna.