Maki 2:20 - Loina Nuahuana

²⁰ Ma wanuwatuhuyahi 'eguma sauga 'inaonaoma tohaiina 'i'ebesinedi ee 'abwa sihudi, ma'idi nuwagala.”

Maki 2:20 ပူးပေါင်းရင်းမြစ်များ

Madiu 26:31

Ma Yesu 'ihegwaediya, 'igwae, “Nata nihuwana mabwaiyami wadena sinegau, gide Buki He'asisi 'ina hepwaila 'igwaeya, ‘To'itayahina sipi yalohe'amasi ma sipi silelewana.’

Madiu 9:15

Coinega Yesu gwae hegehegedi 'i'ebwaediya, 'igwae, “Togidega, sawasawahina hai 'ana toyo'owao sinuwagala 'eguma tohai meloheyana ma'iyadiu siyaliyaliyaya? Nuwana geya, 'awa? Ma wanuwatuhuyahi 'abehega tuta 'inaonaoma ma tohaiina 'i'ebesinedi, ma hesi sinuwagala ma 'e'ahai 'oinega si'etala he'asisi.”

Maki 2:19

Coinega Yesu gwae hegehegediyega 'ihegwaediya, “Togidega, 'ilobwaineya ma hai 'ana toyo'owao sinuwagala ma sihudi 'eguma tohai meloheyana ba'idadiu simiyamiya? Geya wete. Ceguma tauna ba'idanao mabwaiyadi siyaliyaya.

Maki 2:21

Ma 'aigeda wete gwae hegehegedi 'i'ebwaediya, 'igwae, “Geya sowasowahina ma 'ale'o 'ehauna tupwatupwana 'oinega ma 'wama miyamiyana tabwabwada, tabu ma taitaigalanaina 'i'eigala hila ma 'ihemadou.

Luke 17:22

Coinega 'ana tomuliyao 'ihegwaediya, 'igwae, “Cabwa ya'ebesinegomi, ma muliyetega nuwanuwami madouna ma taugu Loheyaiguina ba'idamiu tada miyamiya sabwelo 'aigeda tuwa weyahina, ma hesi nata geya wa'ite'itegau.

Luke 5:35

Ma 'iyamo tuta 'inaonaoma 'oina ma tohaiina 'i'ebesinedi, 'oinega hesi sinuwagala ma sihudi, ma sigomale.”

Yoni 12:8

Ta 'owa nige wewelohe weyahidi 'uhehegwaegwae, taudi tuta mabwaiyana 'oidiya mahetemiyao wamiyamiya. Ma hesi taugu nata geya'abwa tuta saliyana 'oimiya yamiyamiya.”

Yoni 13:33

Natugwao, tuta 'i'iunamo taugu mahetemiu tamiyamiya. Ma 'abwa nata ya'ebesinegomi ma wabesegau. Ma hesi bewa tuwa yahegwaegomi gide mwalona meYudiya yahegwae 'esediya yagwae, ‘Casainaina 'oina yatautauya, 'omi geya sowasowahimi ma 'oina watauyawa.’

Yoni 16:28

Ta moisa tuwa beno, taugu Tamagu 'oinega yatauyama ma bale'u bewa 'oina yamiyamiya. Coinega bewa tuwa bale'u ya'ebe'ebesine ma yalolohihila Tamagu 'oina.”

Yoni 16:7

Ma hesiyage bewa yagwae moisa 'oimiya 'abehega bwebwe'ana 'oimiya 'eguma ya'ebesinegomi. Weyahina 'eguma geya'abwa ya'ebe'ebe sinegomi, nata geya'abwa wete Tolemaina 'itautauyama 'oimiya. Ma hesi 'eguma ya'ebesinegomi ma yatauya, nata 'ami Tolemaina yahesumaneyama 'oimiya.

Yoni 17:11

Sauga 'i'iunamo ma yalohihilawa 'oiuwa, nata geya'abwa bale'u bewa wete 'oina yamiyamiya. Ma hesiyage tomotaedi taudi 'u'ebwaegauwa nata tuwa bale'u bewa 'oina simiyamiya. Tamagu, 'owa moisa saniu hehe'asisiyanaina, 'oinega bewa tuwa ya'ahwa'ahwanoi 'oiuwa ma tomotaedi 'owa 'ino waiwai 'oinega 'u'itayahidi ma 'oinega siheboda 'aigeda, tuwa gide 'owa ma taugu huhunida 'aigeda.

Yoni 17:13

“Ma hesiyage taugu 'i'iunamo ma yahilawa 'oiuwa, ma 'igu gwaeyedi yagwaenediya 'igu tomotaiyao gogo gabulena 'oidiya, ma 'oinega 'igu yaliyayega sida yaliyaya madouna.

Yoni 3:29

Loheyainaina tauna gidemusa haihai meloheyana ma taugu tuwa 'ana tohayahina. Tuwa gidemusa 'eguma haihai loheyana mwanena 'iloba ma 'oinega 'iyana 'aigeda haihai loheyainaina 'enana 'ihesagohe ma weyahina 'iyaliyaya. Coinega taugu wete gide Yesu wasana yahesagoheya ma weyahina yayaliyaya sinabwana.

Paihowa 1:9

Cina gwaeyaowedi bewa 'ilosalohidiya, ta matadiyega Yesu si'iteya 'ihane galewa, ma yaloha 'alona 'i'waiha.

Paihowa 14:23

Ma wete 'asa 'aigeda 'aigeda Paulo ma Banaba tohekalesiyao 'idi tohanugetao sihe'asediya, ta 'adi 'abilagata bewa gidemusa, sihudihudi ta 'idi Badaina sihemisaeya 'oina si'ahwa'ahwanoi, ma 'ane 'ida gihewaiwaiyedi 'idi paihowaina weyahina.

Paihowa 3:21

Tauna 'itauya pwaiya galewa, ma 'imiyamiya 'ana siga ginaula mabwaiyadi 'i'abihe dumwaludi, gidemusa Yehoba 'ina palopitao mwalona sihepwaileya.

1 Kolinita 7:5

Ma wete geya'abwa wa'eno'eno wasiwasi mwanemiyao 'oidiyega. Beno tuwa 'eguma tohai siteluwaedi 'idi nuwatuhu mahemahetena ma sabwelo tupwadimo 'oidiya sida 'ahwa'ahwanoi Yehoba 'oina ma muliyetega wete si'enoluwa hila, ta geya'abwa wamiyamiya wasiwasi hedade tabu ta nuwatuhu dahwanaedi 'oimiya sihapwesa ma 'oidiyega Seitani 'itoho ma 'imi hai 'i'abihegaladi.

2 Kolinita 11:2

Weyahina nuwanuwagu 'omi, gidemusa Yehoba nuwanuwana tauda, 'oinega yagwae hemisaegomiya Keliso 'oina, 'omi gidemusa gumalaulau 'aigeda 'ina mumuga bwebwe'ana mabwaiyana, ma loheya ba'idana sihai.

2 Kolinita 11:27

'ima paihowa madouna, ma miyamwau 'adi tuta 'oidiya, nihuwana geya yada 'enowa, ma gomale ta tani'oyahala, wete tuta tupwana baibaiwana geya 'agumo, ta geya 'igu hadamo, ma geya 'agu 'wamamo tuta gogai 'oidiya.

2 Kolinita 6:5

sapi, 'ebepai, 'aleha, paihowa, 'oyatola masala, gomale,

Heꞌitaꞌita 19:7

Tayaliyaya madouna ma wete tahepwatuwe, Lami 'ina hai weyahina, ta mwanena 'ihepasa pwaiya 'idi hai weyahina,

Heꞌitaꞌita 21:9

Coinega aneloseyedi sebeni, mwalo muya biyodi sebeni 'adi to'ahalao, 'aigeda 'oidiyega 'inaoma, ma 'ihegwaegauwa, 'igwaeya, “Cunaoma ma Lami mwanena yahe'itago.”