Maki 16:6 - Loina Nuahuana

⁶ Ma hewaliina 'ihegwaediya, 'igwae, “Sahena wa'ate'ateyoho. Yesu gwama Nasaleta, tauna sigihe keloseya wa'ebe'ebese, ma geya tauna 'ebwa 'imiyamiya, weyahina tauna 'itoholo hila. Cina 'ebe'eno bewa wa'iteya galihinamo.

Maki 16:6 ပူးပေါင်းရင်းမြစ်များ

Madiu 12:40

Weyahina tauna Yonaina sabwelo 'etoi ma nihuwana 'etoi 'oidiya silahana madouna gamwana 'imiyamiya, 'abwa taugu Loheyaiguina wete gide sabwelo 'etoi ma nihuwana 'etoi 'oidiya bale'u 'alona yamiyamiya.

Maki 1:27

Coinega tomota mabwaiyadi sihenainaida, ma siboi sihehesilala hiledi, sigwae, “Togidega he'ita hauhauna bewa? Bewa loheyaina 'ina loinega hi'ahi'a 'iloinaedi ma simuliye.”

Maki 10:34

ma taudi meganamuli silotuyanegau ta si'esohegau ta gulahega sisapigau ma 'oinega silohe'amasigau, ma sabwelo 'etoi yatoholohila.”

Maki 14:33

Ma sitetoi ba'idanao 'itoediya, taudi Pita ma Yemesa ma Yoni, ta Yesu 'i'ateyohowa ma'ina nuwagala,

Maki 9:15

Ma tutaina boda Yesu si'inaneya nuwadi 'ipwanopwanowa madouna, ma sipilipili mwayamwayau sabi 'itaina.

Luke 24:46

Ma 'oidiya 'igwaeya, “Bewa gide silele 'esediya 'igwae, ‘To'abihetenaina muyamuya ta 'amasa 'ida loba, ma sabwelo hetoina 'oina 'amasega 'ida toholo hila,

Paihowa 2:24

Ma Yehoba 'amasa 'ina tupwa mwauna 'oinega 'i'abiheteya ta 'i'abihetoholo hileya, weyahina geya sowasowahina ma 'amasa 'ina tupwa 'imiyamiya hataya.

Paihowa 4:10

Coinega nuwanuwama 'omi ma meIsileli mabwaiyami wada sanapu 'abehega loheya bewa matamiya 'itohotoholo 'ina bwebwe'ana Yesu Keliso 'oinega, tauna gwama Nasaleta, kelose 'oina walohe'amasiya, ma Yehoba 'i'abihetoholo hileya.