Maki 16:1 - Loina Nuahuana

¹ Sabatiina 'igumwala, ma Meli Magidala ma 'ina waliyesa, tauna Yemesa sinana, ma Salome wete ba'idadiu holowa bwebwe'ana sigimwaneya ma 'abehega Yesu wahina 'oinega siheholoi.

Maki 16:1 ပူးပေါင်းရင်းမြစ်များ

Maki 14:3

Yesu 'abwa Bedani 'oina 'imiyamiya Saimoni 'ina hada, tauna mwalo lepelo 'aigeda; ma tutaina Yesu 'i'ai'ai Saimoni 'ina hada, wahine 'aigeda ma'ina holowa 'iluhuma; ma holowaina sanina nadi, maisana madouna, ma 'ana botolo 'ausala hedadena. Ma wahine botoloina 'ahwana 'i'ahulaseya, ma holowaina Yesu debana 'isiweya.

Maki 14:8

Ma wahine bewa to'aha 'oina madouna 'ipaihoweya 'oiguwa, beno wahigu 'iheholoi nugeteya sabi 'atububuina 'agu lagu galiha weyahina.

Maki 15:40

Tupwadi wahiwahine wete bwagebwagega si'e'ebubuna, beno Meli Magidala ma'ina waliyesa, tauna Yosepa ma tasina 'alomauna Yemesa sinadiu, ma Salome wete,

Maki 15:42

Ma 'ilahilahi pwaiya, beno 'atububu 'ana tuta sabwelo 'inaonaoma weyahina, beno meYudiya 'idi Sabati.

Maki 15:47

Ma Meli Magidalaina ma 'ina waliyesa, tauna Yosese sinana ma'iyana si'e'ebubuna, ta si'iteya galihina 'oina wahinaina silaguya.

Maki 16:2

Gona 'i'adaleya beno wiki 'ana sabwelo nugenugetaina 'oina, ma sinala 'ina saehohau 'oina wahiwahineyedi ma'idi holowa sinaonaoma Yesu galihinaina 'oina.

Maki 16:8

Coinega wahiwahineyedi galihega silatu mwayamwayauma ma sidena, weyahina nuwadi 'ihepwanopwanowa, ma wete sidedededela, ma'idi 'ateyoho ta geya 'eta taiya 'oina sihepwaila.

Luke 23:54

Sabwelo nage 'oina meYudiya 'idi tuta 'atububuna 'idi Sabati weyahina.

Luke 23:56

Coinega sihila 'asai ta holowa 'ausalana si'atububuya Yesu wahina 'ana holowa weyahina, ta sabweloina mulina si'aiyawasiya, weyahina Sabati gide 'ana loina.

Luke 24:1

Coinega wete gona 'i'adaleya, beno wiki 'ana sabwelo nugenugetana gonagona, ma wahiwahineyedi holowa si'atububuya si'eweya, ma sitauyeyama gogowa.

Yoni 19:25

Ma Yesuina 'ana kelose deina wahiwahine sitehata sitotoholo, taudi beno Yesu sinana matasina, ma wete hali Meli tauna Kilopa mwanena, ma wete Meli Magidala.

Yoni 19:31

Ma meYudiyaedi 'idi tohanugetao Pailato 'oina si'ahwanoiya, ma 'eguma sawasawahina 'itagwala 'oidiya ma loheloheyaedi kelose 'oidiya sisanasanana 'ahedi silasadi, ma 'oinega si'amasa mwayamwayau, eeta 'adi kelose 'oidiyega si'ahala suluhedi. Weyahina sisanapuya 'idi sabwelo madouna 'ihohoya, 'oinega geya nuwadi ma 'abehega loheloheyaedi 'adi kelose 'oidiya sisanasanana 'idi Sabatinaina 'oina.