Maki 14:1 - Loina Nuahuana

¹ Hataona Guyaina 'ana 'ebe nuwatuhuyahina 'abwa 'ilatu sabwelo 'eluwa mulina. Guyaina 'alona 'adi pwalawa geya 'ana 'ebe 'abi hesesehamo si'ai. Ma topwaoli madoudi ta loina 'ana tohe'itao sinuwanuwatuhu togidega ma Yesu si'abo 'ese eema 'abehega si'abiyahi ma silohe'amasi,

Maki 14:1 ပူးပေါင်းရင်းမြစ်များ

Madiu 12:14

Ma hesi Palisiyao ma'adi gamwasowala silatuwa ma taudimo siloina togidega Yesu silohe'amasi 'ese.

Madiu 6:2

Ma tutaina wahehelau towewelohe 'oidiya, sahena yoguli wamu'amu'a, gide taudi to'e'abo'abo hada tapwalolo nuwana 'asa 'oidiya yoguli simu'amu'adi ma 'abehega tomota 'idi helau si'itadi ma sihepwatuwedi. Hede 'adi maisa tuta bewamo 'oina silobaloba ma hesi tuta 'inaonaoma geya maisadimo.

Maki 14:12

Guyai 'ana tuta, beledi geya 'ana 'abi hesesehamo si'ai'ai, ma 'ana sabwelo nugenugetaina 'oina lamiyao sihunudi Hataona 'ana 'ebe nuwatuhuyahina weyahina, ma sabweloina 'oina Yesu 'ana tomuliyao sihegwaeya sigwae, “Bada, ta'eha 'oina nuwanuwau ma Hataona Guyaina weyahina 'a'atububu?”

Maki 14:2

ma sigwaeya, “Geya'abwa guyaina 'alona Yesu ta'abi'abiyahi, tabu ma tomota sigamwasowalegita ma silo'alehegita.”

Yoni 11:47

Coinega Palisiyaowedi ma wete topwaoli 'idi 'inapwanao simiya 'auta, ma sihegwaegwaeya sigwae, “To'aha loheyaina 'oina tapaihowa? Weyahina bewa tuwa ginaula waiwaidi 'ipaipaihowadi.

Yoni 13:1

Hataona guyaina 'ana sauga 'i'e'ehoho, ma Yesu 'isanapuya 'abehega 'ina sauga 'iloba pwaiya ma bale'u bewa 'i'ebesine ma 'ilohihila Tamana 'oina. Yesu 'ina bodaowedi 'ihelauwediya madouna, 'ina tuta 'ebe hegaina hauhau 'oinega ma 'ana 'ebe losaloha 'oina 'ihelauwediya.

Paihowa 12:4

Pitaina si'abiyahiya ma deliya silaguya, ma Helodi 'ina tolo'alehao sikisitini 'iloinaedi silomatayahi bwaibwaini, ma Helodi 'inuwanuwatuhu 'abehega Hataona Guyaina mulina Pitaina 'ida lagulatuhe meYudiya 'oidiya ta 'ina yatala sida paihowa.