Maki 12:1 - Loina Nuahuana

¹ Coinega Yesu 'igwae hegehegediyediya, 'igwae, “Caigeda loheya 'ina tanoha 'idauniya gileipa daisinamo ma 'ali 'ipaihoweya, ma gileipa 'ana 'ebe bibi 'ipaihoweya, ma hada tanoha 'alona 'i'abiya, 'oinega 'ina topaihowao 'iloinediya ma si'ita'itayahi, ta tauna 'itauya hali tupwa.

Maki 12:1 ပူးပေါင်းရင်းမြစ်များ

Madiu 13:3

Ma he'ita baibaiwana 'i'ebwaediya gwae hegehegediyega, 'igwaeya, “To'abitanoha 'aigeda 'ina tanoha 'itauya, ma witi patuna 'isaweyaneya,

Madiu 21:28

Yesu wete topwaoliyedi ma babadaedi 'ihegwaediya, “Togidega 'eguma loheya natunao meloheyadi 'eluwa tamadiu tautuwa 'oina 'igwae, ‘Natugu, nata 'utauya tanoha 'upaihowa,’

Madiu 21:33

Ma Yesu wete 'ihegwaediya, 'igwae, “Caigeda gwae hegehegedi wete wahesagohe tobegula weyahina. Tobegulaina gileipa daisinamo 'ibeguliya 'ina tanoha ma 'abwalu 'ipaihoweya ma gileipa 'ana 'ebebibi wete 'ipaihoweya, ma hada tanohina 'alona 'i'abiya, 'oinega 'ina topaihowao 'ihegwaediya si'ita'itayahi, ma tauna 'itauya hali tupwa.

Madiu 21:34

“Ma hedodona 'ana tuta, badaina 'ina 'ali'eyao tupwadi 'ihesumana hilediya 'ina tanoha gileipa huwaina sabi 'ewadi tanoha 'ana to'itayahinao 'oidiyega.

Madiu 25:14

“Yehoba 'ina loina wete gide 'eguma 'aigeda bada nata 'itauya hali tupwa, ma 'ina topaihowao 'ibwauwedima, ma 'ihegwaediya ma 'abehega 'ina tobwatobwa si'itayahi.

Maki 11:33

Coinega Yesu 'ina hesilala geya sihemaisa bwaibwaini, ma hesi sigwae, “Geya 'asanapu?” Coinega Yesu wete 'ihegwaediya, 'igwae, “Taugu geya'abwa wete 'oimiya yahehepwaila latu taiya 'ina loinega ma bewa gidemusa yapaipaihowa 'esa.”

Maki 13:34

Cebe'ita wete Yesu 'i'ebwaediya 'igwae, “Ceguma 'aigeda bada 'abehega 'ina hada 'abwa 'ipilisine ma 'itautau hali tupwa, 'ina topaihowa 'aigeda 'aigeda 'idi paihowa 'iheguyaidi, ma 'iloinedi ma 'abehega 'ina hada si'itayahi, ma wete hada 'ana 'ahwa'eda 'ana to'itayahina 'ihegwae, 'igwae, ‘Geya'abwa 'u'eno'eno, ma hesi 'ulomatayahi bwaibwaini.’

Maki 3:23

Coinega Yesu loheloheyaowedi 'ibwauwedima ma gwae hegehegediyega 'ihe'ita 'oidiya, 'igwae, “To'aha weyahina Tomudulele 'abehega tauna 'iyanao 'ipa'idi?”

Maki 4:2

Ma Yesu gwae hegehegedi baibaiwana 'oidiyega 'ihe'ita 'oidiya, 'igwaeya,

Luke 15:13

Sabwelo tupwana sigumwala, ma 'alomauna 'ina tobwatobwa 'ihegimwaneyediya, ma 'ana maisa mane 'i'eweya, ma tupwaina 'i'ebesineya, ta tupwa bwaga hedada 'oina 'itauya, ma nobwa yaliyaya bwagabwaga 'oinega 'ina mane 'ilohegumwalidiya.

Luke 19:12

'igwaeya, “Caigeda bada 'i'atububu pwaiya ta 'itautauya tupwana bwaga 'oina ma 'abehega nobwa 'ihetoloina, ma 'abwa muliyetega 'ilohihilama.

Luke 22:9

Ta taudi sigwaeya, “Ta'eha 'oina nuwanuwau ma 'a'atububu?”

Luke 8:10

Ma tauna 'igwaeya, “Comi Yehoba 'oimiya 'itagwala pwaiya ma 'ina loina 'alodi moisa 'ana tosanapuwao, ma hesi tomota baibaiwadi gwae hegehegedi sihesagoheya, ma 'ana nuwasabwalena geya, ma wete 'ana nuwasabwalena sibesebese ma gesowana silobaloba.

Paihowa 7:38

“Ma wete Moseseina yoho 'awawa tubudao mabwaiyadi ba'idanao 'oya Sainai 'oina simiyamiya, ma anelose Mosese loina bwebwe'ana yawasida weyahina 'i'ebwaeya.