Maki 11:18 - Loina Nuahuana

¹⁸ Ma topwaoli madoudi ma loina 'ana tohe'itao Yesu 'ina paihowa tetelina sihesagoheya, ta sigamwasowaleya ma sinuwanuwatuhu togidega ma silohe'amasi, ma hesi geya sowasowahidi, weyahina simatauta, ta wete Yesu 'ina he'itao boda mabwaiyadi nuwadi 'i'eweya.

Maki 11:18 ပူးပေါင်းရင်းမြစ်များ

Madiu 21:15

Ma topwaoli madoudi ma loina 'ana tohe'itao Yesu 'ina paihowa waiwaidi si'itediya, ma wete gwagwama sihesagohediya Hada He'asisi 'alona sino'ono'o, sigwae, “Debida Tubuna yo, 'u'abihetemai.”

Madiu 7:28

Tutaina he'ita bewa Yesu 'ilosalohidiya ma bodaedi nuwadi 'ihenainaida,

Maki 1:22

Cihehe'ita ma tomota mabwaiyadi nuwadi 'ihepwanopwanowa, ta sigwaeya, “He'ita bewa waiwaina, ma hesi 'ida loina 'ana tohe'itao 'idi he'ita we'ana.”

Maki 11:32

Ma 'eguma tagwae, ‘Tomota 'oidiyega,’ nata boda sigamwasowalegita.” Weyahina tomota baibaiwadi Yoni sihemisaeya 'abehega palopita moisa.

Maki 12:12

Yesu 'ina gwae hegehegediyedi topwaoli madoudi ma Palisiyao sihesagoheya, ma sisanapuya 'abehega taudi tuwa weyahidi 'igwaegwae, 'oinega sitohotoho ma si'abiyahi, ma hesi geya sawasawahina weyahina simatauta boda 'oidiya. Eeta si'ebesineya ma sitauya.

Maki 3:6

Coinega Palisiyao ma'idi gamwasowala silatuwa, ma Helodi 'ina boda mahetediyao siloiloina togidega Yesu silohe'amasi 'ese.

Maki 6:20

weyahina Helodi 'inuwahiya 'abehega Yoniina tauna loheya dumwadumwaluna Yehoba 'ina topaihowa 'aigeda, 'oinega Helodi Yoni 'ihe'asisiyeya, ma sauga baibaiwana Helodi nuwanuwana ma Yoni 'ina gwae 'ihesagohe, ma weyahina 'i'ateyohowa.

Luke 19:47

Ma sabwelo 'aigeda 'aigeda Hada He'asisiina 'oina 'ihehe'ita, ma topwaoli madoudi ta loina 'ana tohe'itao ma wete tohanugetao sitohotoho ma 'abehega Yesu silohe'amasi,

Luke 2:47

Ma taudi 'ina hemaisao bwebwe'adi ma dumwaludi sihesagoheya ta mabwaiyadi nuwadi 'ihenainaida.

Luke 20:19

Bewa 'oina topwaoliyedi ta loina 'ana tohe'itao 'eda'eda si'ebeseya ta 'abehega Yesu si'abiyahi, weyahina sisanapuya 'abehega taudi tuwa weyahidi 'igwae hegehegediya, ma hesi geya si'abiyahi weyahina boda 'oidiya simatauta.

Luke 4:22

Ma taudi nuwadi 'ihenainaida moisa, 'oinega 'ina gwaeyedi bwebwe'adi weyahidi sihepwatuweya, sigwae, “Loheya bewa Yosepa natuna, 'awa? Ma togidega hede?”

Yoni 7:1

Muliyetega Yesu Galili 'ina 'ebe loina mabwaiyana 'oidiya 'itauya, ma hesiyage geya nuwana Yudiya 'ina 'ebe loina 'oidiya 'itauya. Weyahina meYudiya 'idi 'inapwanaedi nuwanuwadi Yesu silohe'amasi.

Yoni 7:19

Ma togidega? Mosese loinaina 'i'ebwaegomiya wanuwa naideya? Ma geya 'eta taiya 'oimiyega loinaedi 'imuliya bwaibwainidi. Ma bewa watohotohogau ma 'abehega walohe'amasigau.”

Yoni 7:46

Coinega tuilalaedi sigwae, “Loheya nage 'ina gwae mabwaiyana bwebwe'adi. Geya 'eta taiya gidemusa.”

Paihowa 24:25

Ta Pilikesa 'atena 'iyohowa, tutaina Paulo 'ina guguya 'ihesagoheya, mumuga dumwaluna, ma toholopa'ala, ma bwa'omatana 'inaonaoma weyahidi, ta Pilikesa 'igwaeya, “Tuwa! Ma 'uhila, ma to tuta malamalaina 'oiguwa ee wete yabwau hilego.”