Maki 10:32 - Loina Nuahuana

³² Cabwa 'edai sihanehane Yelusalema weyahina, ma Yesu 'inugenugeta ma 'ana tomuliyao simulimuliya, ta ma'idi nuwapwanopwano, ma tupwadi tomota wete ma'idi 'ateyoho 'edai simulimuliyedi. Eeta 'ana tomuliyao site tuwelowedi 'ibwau 'autehiledima ma 'ihemataluwediya to'aha 'i'iunamo ma 'ilatu 'oina,

Maki 10:32 ပူးပေါင်းရင်းမြစ်များ

Madiu 11:25

Tuta nage 'oina Yesu 'igwaeya, “Yauwedo Tamagu, 'owa galewa ma bale'u 'adi toloina, sanapu bewa 'udahweya tosonogao ma tonuwasabwalenao 'oidiyega, ma hesi gwagwama 'i'iudi 'oidiya 'uhe'itaeya.

Madiu 13:11

Ma Yesu 'igwaeya, “Comi Yehoba 'oimiya 'itagwala pwaiya ma 'ina loina 'alona 'ana tosanapuwao, ma bodaedi geya.

Maki 1:27

Coinega tomota mabwaiyadi sihenainaida, ma siboi sihehesilala hiledi, sigwae, “Togidega he'ita hauhauna bewa? Bewa loheyaina 'ina loinega hi'ahi'a 'iloinaedi ma simuliye.”

Maki 4:34

Weyahina tauna sauga baibaiwana gwae hegehegediyega 'ilologuguya boda 'oidiya, ma 'ana tomuliyaomo 'oidiya gwae hegehegediyedi 'ilihalihasidi.

Luke 10:23

Coinega Yesu 'ilo'ita lohihila 'ana tomuliyao 'oidiya ma 'ihegwaediya, 'igwae, “Comi ma'imi yaliyaya, weyahina ginaulaedi matamiyega wa'ita'ita.

Luke 19:28

Yesu 'ina gwae bewa 'ilosalohiya ma 'itoholowa, ta ma'ana tomuliyao sihanehane Yelusalema weyahina,

Luke 9:51

Sabweloina 'ihahohoyama ta Yesu 'ihila galewa, 'oinega 'ina nuwatuhu 'ilaguya ma 'abehega 'itautau Yelusalema. Coinega 'itoholo ma ma'ana tomuliyao sitauya.

Yoni 11:16

Coinega Tomasi tauna sibwauweya Didiluwaluwa 'iyanaowedi 'ihegwaediya 'igwae, “Cida tohe'ita tuwa mahetedai tatauya, 'eguma 'i'amasa, tauda wete ta'amasa.”

Yoni 11:8

Coinega 'ana tomuliyaedi sihegwaeya sigwae, “Cinapwana, sahena tatautauya 'asainaina 'oina. Weyahina 'eguma tatauya, nata meYudiya da'uleyega si'ahu he'amasigo.”