Maki 10:14 - Loina Nuahuana

¹⁴ Ma Yesu 'ana tomuliyao 'i'itediya ma 'iheliyediya, 'igwae, “Sahena gwagwama wa'au'ausidi, ma hesi watagwaledi ma 'oiguwa sinaoma, weyahina gwagwama bewa gide Yehoba 'ina 'ebeloina 'ilobwainediya.

Maki 10:14 ပူးပေါင်းရင်းမြစ်များ

Madiu 18:10

“Gwagwama bewa gide sahena 'aigeda 'oidiyega walososomane.

Madiu 19:14

Ta Yesu 'igwaeya, “Sahena gwagwama wa'eto'etobodedi, ma hesi watagwaledi ma 'oiguwa sinaoma, weyahina gwagwamaedi gide Yehoba 'ina 'ebeloina 'ilobwainediya moisa.”

Madiu 5:10

Ceguma 'omi 'imi paihowa bwebwe'ana weyahina tomota si'alehegomi, beno wayaliyaya weyahina Yehoba nimana wamiyamiya.

Madiu 5:3

Comi ma'imi nuwadobi wayaliyaya, weyahina Yehoba nimana wamiyamiya.

Maki 3:5

Ma Yesu 'i'ebubu yahiyahidiya ma'ina gamwasowala ma wete ma'ina nuwagala 'idi debapa'ala weyahina, ma loheyaina 'ihegwaeya, “Nimau 'uyasi,” ma nimanaina 'iyasi hedumwaluya ma 'ibwebwe'ana.

Maki 8:33

Ma Yesu 'ihasakowasi ma 'ana tomuliyao 'i'e'ebubudiya, ma 'iheliya Pita 'oina, 'igwaeya, “Cowa Seitani, bewa sauga 'u'ebesinegau! Weyahina 'ino nuwatuhuwedi nuwatuhu 'asa gabulena 'ana nuwatuhu, ma hesi geya Yehoba 'ina nuwatuhu gide.”

Yoni 3:3

Coinega Yesu Nikodimo 'ihegwaeya 'igwae, “Yagwae moisa 'oiuwa, 'eguma geya'abwa 'uli'u hila, geya'abwa wete Yehoba 'ina 'ebeloina 'u'ita'ita.”

Yoni 3:5

Coinega Yesu Nikodimo 'ihegwaeya 'igwae, “Yagwae moisa 'oiuwa, 'eguma geya'abwa we'aha ma Yehoba Yaluyaluwana 'oidiyega 'uli'uli'u hila, nata geya'abwa wete Yehoba 'ina 'ebe loina 'oina 'uluhuluhu.

Paihowa 2:39

Weyahina Yehoba 'ina gwae hemisaina 'abehega 'omi weyahimi, ma natumiyao wete weyahidi, ma taudi bwaga 'ana tomiyao weyahidi, taudi mabwaiyadi 'ida Badaina Yehoba 'ibwauwedi 'oina.”

Paihowa 3:25

Ma 'omi palopitaowedi tubumiyao. Ma wete gwae hemisaina Yehoba tubudai Ebalahamo 'i'ebwaeya, 'igwae, 'Cowa 'ino susuwega 'abwa 'ebeloinao mabwaiyadi bale'uwa 'idi 'ebeyaliyaya.’ Coinega gwae hemisaina bewa 'omi wete weyahimi.

Loma 11:16

Ma tubudiuina Ebalahamo moisa Yehoba 'ina loheya, eeta taudi wetenuge Yehoba 'ina tomotaiyao. Eema 'ebe'ita 'aigeda bewa ya'ebwaegomi. Ceguma 'wateya ma'ehauna wa'ita ma 'ausalana, beno wasanapu pwaiya 'abehega 'e'etahi nata bwebwe'ana. Gide wete 'eguma 'aiwe 'eta lamuna wa'ita ma 'ausalana, beno wete wasanapu pwaiya 'abehega lahalahanaowedi bwebwe'adi.

Loma 11:28

Ma bewa tutaina moisa meYudiyaedi Yehoba silolo'alehe, weyahina tetela bwebwe'ana siguipaileya, 'oinega 'omi tomiya ganamuli 'abihetena wa'eweya, ma hesiyage wanuwatuyahi 'abehega meYudiyaedi Yehoba 'ihelauwediya, weyahina mwalona tubudiyaowedi Yehoba 'ihesinuwediya 'ina bodao.

1 Kolinita 14:20

Ciyagwao, sahena 'imi nuwatuhu gwagwama gidemusa, ma hesi wanuwanuwa loheya madouna gide. Ta sahena mumuga galana weyahina wanuwanuwatuhu ma 'abehega wasanapudi.

1 Kolinita 7:14

Ceguma taiya loheya bo wahine mwanena geya 'ihemisa Yehoba 'oina, ma hesi mahetena tuwa simiyamiya, nata tohemisaina mwanena 'i'abihe bwebwe'ane, ma 'oinega natudiyao tupwa 'asi'asilalaina 'oina simiyamiya. Ta 'eguma sisa'ila beno natudiyao 'idi miya 'igala.

Epeso 4:26

Ma 'eguma wagamwasowala, geya'abwa wamumuga galana, ma hesi watoho ma wanuwa daumwala mwayamwayau,

2 Timoti 1:5

Ma wete 'ino hemisa moisa Yehoba 'oina yanuwatuhu yahiya, gide sinau Yunisi ma tubuu Loise Yehoba sihemisaeya moisa, ma yasanapugowa 'owa wete Yehoba 'uhemisae moisa.

2 Timoti 3:15

Ma 'owa 'uboi wete 'ino tuta gwamega ma nige bewa Buki He'asisi 'ina gwae 'ana tohasila, ta 'ihehe'itego 'abehega 'ida hemisa Yesu Keliso 'oina sowasowana 'i'abihetegita.

1 Pita 2:2

ma hesi yaluyaluwami 'ana susu bwebwe'ana wa'ebese, gidemusa taudi gwagwama hauhaudi susu nuwanuwadi, eeta susuina yaluyaluwami 'adi 'abihetena weyahina.

Heꞌitaꞌita 14:5

Taudi geya 'eta 'abo 'oidiya, ta geya wete 'idi puimo.