Maki 1:27 - Loina Nuahuana

²⁷ Coinega tomota mabwaiyadi sihenainaida, ma siboi sihehesilala hiledi, sigwae, “Togidega he'ita hauhauna bewa? Bewa loheyaina 'ina loinega hi'ahi'a 'iloinaedi ma simuliye.”

Maki 1:27 ပူးပေါင်းရင်းမြစ်များ

Madiu 15:31

Ma bodaedi si'itediya beno na'ona'owedi sihegwaegwae ma wete sihesagoha bwaibwaini, ma taudi hesilae 'oidiyega siwe'a sibwebwe'ana hila, ma toha'au'au sitauya dumwadumwalu, ma tomata gibugibu matadi sitayahala. Coinega bodaedi nuwadi 'ihenainaida ta meIsileli 'idi Yehobaina sihehepwatuwe.

Madiu 8:9

Weyahina taugu loina yasanasanapu, ma 'agu toloinao 'idi gwae 'ana tomuliya, ma wete 'igu tolo'alehao yaloinaedi, ma 'eguma 'aigeda 'oina yagwae, ‘Cutauya’, 'itauya tuwa; ma 'eguma 'aigeda 'oina yagwae, ‘Cunaoma’, wete 'inaoma; ma 'eguma 'igu topaihowa 'aigeda yahegwae, ‘Bewa 'upaihowa', 'ipaihowa tuwa.’”

Madiu 9:33

Ma 'oinega Yesu welabana 'ipa'iya, ma loheyaina 'ibwebwe'ana ma 'ihegwaegwae. Ma boda ma'idi yaliyaya Yesu si'ahwa bwebwe'aneya, ma sigwae, “Geya 'eta taiya 'ina paihowa bewa gide ta'ita Isileli 'alona.”

Maki 1:26

Coinega hi'ahi'a loheyaina 'i'abi hededeliya. Cidededela, ma 'i'aso'asona madouna, ma muliyetega hi'ahi'a loheyaina 'alonega 'ilatuwa.

Maki 1:28

Ma Yesu wasana sihewasa dadaneya Galili tupwana mabwaiyana 'oidiya.

Maki 10:24

Ma 'ana tomuliyao nuwadi 'ihepwanopwanowa 'ina gwaeina weyahina. Coinega Yesu 'ihegwaediya, 'igwae, “Natugwao, Yehoba 'ina 'ebeloina 'ana luhu mwau hedada.

Maki 10:32

Cabwa 'edai sihanehane Yelusalema weyahina, ma Yesu 'inugenugeta ma 'ana tomuliyao simulimuliya, ta ma'idi nuwapwanopwano, ma tupwadi tomota wete ma'idi 'ateyoho 'edai simulimuliyedi. Eeta 'ana tomuliyao site tuwelowedi 'ibwau 'autehiledima ma 'ihemataluwediya to'aha 'i'iunamo ma 'ilatu 'oina,

Maki 16:5

Coinega wahiwahineyedi galiha 'alona siluhuwa, ma 'idi 'ebeulega hewali ma'ana 'ale'o wa'ewa'e'ena 'imiyamiya si'iteya, ma si'ateyohowa.

Maki 16:6

Ma hewaliina 'ihegwaediya, 'igwae, “Sahena wa'ate'ateyoho. Yesu gwama Nasaleta, tauna sigihe keloseya wa'ebe'ebese, ma geya tauna 'ebwa 'imiyamiya, weyahina tauna 'itoholo hila. Cina 'ebe'eno bewa wa'iteya galihinamo.

Maki 7:37

Tomotaedi sihesagoheya nuwadi 'ihepwanopwanowa madouna, ma sigwae, “Cina paihowa mabwaiyana bwebwe'ana ma 'ebenuwa pwanopwano, weyahina totenatui ma guguguguidi 'i'abihe bwebwe'anediya ta sowasowahina sihegwaegwae, ma sihesagoha.”

Luke 4:36

Coinega mabwaiyadi sisalutuwama, ma siboidimo sihesilalediya, sigwae, “Togidega hede bewa? Ma gwaemo 'ina waiwai 'oinega hi'ahi'a 'iloinaediya ta sihapwesa.”

Luke 9:1

Ta Yesu 'ina topaihowao site tuwelo 'ibwau 'autedima, 'adi loina ma waiwai 'i'ebwaediya, sawasawahidi hi'ahi'a tomota 'oidiyega siula latuhedi, ma wete 'adi lohalao si'abihe bwebwe'anedi.

Paihowa 17:19

Coinega Pauloina sitoeya hada 'eto'auta sanina Aliyopago 'oina ma sihegwaeya, “Cino he'ita bewa hauhauna,