Maki 1:14 - Loina Nuahuana

^14-15 Muliyetega Helodi ma'ina topaihowao Yoni deliya silaguluguheya. Yoni 'abwa deliya 'imiyamiya, ma Yesu 'ilatuwa Galili, ma wasa bwebwe'ana Yehoba 'oinega 'iguguyaeya, 'igwae, “Sauga 'ilatu pwaima Yehoba 'ihetoloina 'oida. Coinega 'imi puiyao 'oidiyega wanuwabui ma wasana bwebwe'ana wahemisae.”

Maki 1:14 ပူးပေါင်းရင်းမြစ်များ

Madiu 11:2

Tuta nage 'oina Yoni to'abihebabitaiso deliya silagu pwaiya, ma To'abihetenaina 'ina paihowa tetelina 'ihesagoheya, ma 'oinega 'ana tomuliyao 'ihesumanediya ta sitauya Yesu 'oina,

Madiu 14:2

ta 'ina topaihowao 'ihegwaediya, 'igwae, “Beno loheyaina tauna Yoni to'abihebabitaiso, 'abehega 'amasega 'itoholo hila pwaiya, ma 'oinega ma'ina waiwai 'ipaipaihowa.”

Madiu 4:12

Ma muliyetega Yesu wasa 'ihesagoheya 'abehega Yoni deliya silaguluhuweya, 'oinega 'ihila ma Galili 'oina 'itauya.

Madiu 4:17

Tuta nage 'oina Yesu 'ina lohatoto 'ihegaina ta 'igwae, “Cimi paihowa galadi 'oidiyega wanuwabui, weyahina nata ma Yehoba 'ihetoloina 'oida.”

Madiu 4:23

Yesu Galili mabwaiyana 'isakowasiyeya, ma 'idi hada tapwalolo 'oidiya 'ilohatotowa, ma tetela bwebwe'ana Yehoba 'ina loina weyahina 'ihehepwaila, ma wete tomota 'adi lohalao 'oidiyega 'i'abi hebwebwe'anediya mabwaiyadi.

Madiu 9:35

Ta Yesu 'asa madoudi ma 'i'iudi 'oidiya 'isakowasiya ma 'idi hada tapwalolowao 'oidiya 'ihe'ita ma 'iloguguya Yehoba 'ina loina tetelina weyahina, ma wete lohala baibaiwana 'oidiyega tomota 'i'abihe bwebwe'anediya.

Luke 3:20

Coinega Helodi 'igamwasowala, ta Yoni deliya 'ilagu luhuweya. Nage 'oinega Helodiina 'ina pui 'ihemadou bwaibwaina.

Luke 8:1

Ma muliyetega Yesu 'itoholowa ma 'itauya gogo madoudi ma 'i'iudi 'oidiya, Yehoba 'ina loina tetelina bwebwe'ana sabi guguyae, ma 'ana tomuliyao site tuwelowedi mahetenao.

Paihowa 20:25

“Wanuwatuhuyahi mwalo tuta baibaiwana 'oidiya 'asakosakowasi 'oimiya, ta Yehoba 'ina hetoloina tetelina weyahina yalologuguya. Ma bewa wahesagohe, 'abwa nata geya wete wa'ite'ite hilegau.

Paihowa 28:23

Ma sabwelo siupaeya, ma boda madouna si'eto'autama Paulo 'ina hada, ma gonegonega 'ana siga 'iboi 'oidiya 'iguguya, Yehoba 'ina hetoloina weyahina, ta Mosese 'ina loina 'oinega, ma palopitao 'idi gwaeyao 'oidiyega, 'ihe'itediya Yesu weyahina, ta 'itohoya ma 'abehega 'i'abihe 'asilaladi.

Loma 1:1

Taugu Paulo, Yesu Keliso weyahina yahetopaihowa. Yehoba 'ihesinuwegauwa 'abehega tetelina bwebwe'ana weyahina yahetohepwaila.

Epeso 2:17

Coinega Yesuina 'itauyawa ta daumwala 'iloguguyaeya 'omi tomiya bwagabwaga 'oimiya, ma tauma wete deina 'amiyamiya 'oima.