Madiu 9:15 - Loina Nuahuana

¹⁵ Coinega Yesu gwae hegehegedi 'i'ebwaediya, 'igwae, “Togidega, sawasawahina hai 'ana toyo'owao sinuwagala 'eguma tohai meloheyana ma'iyadiu siyaliyaliyaya? Nuwana geya, 'awa? Ma wanuwatuhuyahi 'abehega tuta 'inaonaoma ma tohaiina 'i'ebesinedi, ma hesi sinuwagala ma 'e'ahai 'oinega si'etala he'asisi.”

Madiu 9:15 ပူးပေါင်းရင်းမြစ်များ

Madiu 9:14

Ta Yoni 'ana tomuliyao sinaoma ma Yesu sihegwaeya, sigwae, “Tauma ma Palisiyao 'ima tapwalolo weyahina 'ai 'oinega 'ahudi, ma togidega ma 'oinega 'owa 'a tomuliyao geya sida hudi?”

Madiu 9:16

Ma 'aigeda wete gwae hegehegedi 'ihegwaediya, 'igwae, “Geya sawasawahina ma 'ale'o 'ehauna tupwatupwana 'ale'o miyamiyana tabwabwada, 'amuge gide taigalaina 'ilotaigalasehe.

Maki 2:19

Coinega Yesu gwae hegehegediyega 'ihegwaediya, “Togidega, 'ilobwaineya ma hai 'ana toyo'owao sinuwagala ma sihudi 'eguma tohai meloheyana ba'idadiu simiyamiya? Geya wete. Ceguma tauna ba'idanao mabwaiyadi siyaliyaya.

Maki 2:20

Ma wanuwatuhuyahi 'eguma sauga 'inaonaoma tohaiina 'i'ebesinedi ee 'abwa sihudi, ma'idi nuwagala.”

Luke 17:22

Coinega 'ana tomuliyao 'ihegwaediya, 'igwae, “Cabwa ya'ebesinegomi, ma muliyetega nuwanuwami madouna ma taugu Loheyaiguina ba'idamiu tada miyamiya sabwelo 'aigeda tuwa weyahina, ma hesi nata geya wa'ite'itegau.

Luke 5:34

Coinega Yesu 'igwaeya, “Togidega, 'ilobwaineya ma hai 'ana to'ebubuwao sihudi 'eguma tohai meloheyana mahetediu siyaliyaya? Geya, 'awa?

Luke 5:35

Ma 'iyamo tuta 'inaonaoma 'oina ma tohaiina 'i'ebesinedi, 'oinega hesi sinuwagala ma sihudi, ma sigomale.”

Yoni 16:6

“Ma ginaulaedi yagwaenediya 'oimiya weyahidi wanuwagala madouna.

Yoni 3:29

Loheyainaina tauna gidemusa haihai meloheyana ma taugu tuwa 'ana tohayahina. Tuwa gidemusa 'eguma haihai loheyana mwanena 'iloba ma 'oinega 'iyana 'aigeda haihai loheyainaina 'enana 'ihesagohe ma weyahina 'iyaliyaya. Coinega taugu wete gide Yesu wasana yahesagoheya ma weyahina yayaliyaya sinabwana.

Paihowa 14:23

Ma wete 'asa 'aigeda 'aigeda Paulo ma Banaba tohekalesiyao 'idi tohanugetao sihe'asediya, ta 'adi 'abilagata bewa gidemusa, sihudihudi ta 'idi Badaina sihemisaeya 'oina si'ahwa'ahwanoi, ma 'ane 'ida gihewaiwaiyedi 'idi paihowaina weyahina.

1 Kolinita 7:5

Ma wete geya'abwa wa'eno'eno wasiwasi mwanemiyao 'oidiyega. Beno tuwa 'eguma tohai siteluwaedi 'idi nuwatuhu mahemahetena ma sabwelo tupwadimo 'oidiya sida 'ahwa'ahwanoi Yehoba 'oina ma muliyetega wete si'enoluwa hila, ta geya'abwa wamiyamiya wasiwasi hedade tabu ta nuwatuhu dahwanaedi 'oimiya sihapwesa ma 'oidiyega Seitani 'itoho ma 'imi hai 'i'abihegaladi.

2 Kolinita 11:27

'ima paihowa madouna, ma miyamwau 'adi tuta 'oidiya, nihuwana geya yada 'enowa, ma gomale ta tani'oyahala, wete tuta tupwana baibaiwana geya 'agumo, ta geya 'igu hadamo, ma geya 'agu 'wamamo tuta gogai 'oidiya.

Heꞌitaꞌita 19:9

Ma aneloseina 'oiguwa 'igwaeya, “Gwae bewa 'ulele 'abehega, ‘Taiyawedi 'omi Yehoba 'ibwauwegomiya Lamiina 'ina hai guyaina 'oina, wayaliyaya.’” Ma wete aneloseina 'igwae hila, ta 'igwaeya, “Bewa Yehoba 'ina gwae moisa.”

Heꞌitaꞌita 21:2

Ma 'asa 'asi'asilalana ya'iteya tauna Yelusalema hauhauna galewega 'isulusuluma Yehoba 'oinega, 'ihepaseya gide tohai mewahinena 'ipasa ma mwanena ba'idana sihelobaloba.