Madiu 7:13 - Loina Nuahuana

¹³ Cahwa 'i'iuna 'oinega waluhu ma sahena 'ahwa madouna 'oinega, beno 'ebe hesilae 'ana 'eda. Cedaina madouna ma 'ana tauya meyameyahana ma tomota mabwaiyadi 'oina sitautauya.

Madiu 7:13 ပူးပေါင်းရင်းမြစ်များ

Madiu 23:13

“Ma hesi 'omi loina 'ana tohe'itao ma Palisiyao 'atemuyamuyaimi, weyahina 'imi 'abowega tomota wa'ausidiya ma 'oinega Yehoba 'ina 'ebeloina 'oina sahena siluhuluhu. Comi geya'abwa waluhuluhu, ma tomota wete taiyawedi nuwanuwadi ma siluhu wanuwahidiya.

Madiu 25:41

“Ma taudi 'igu 'adigeyageya simiyamiya yahegwaedi, ‘Comi togala wa'ebesinegau, ma watauya 'aiwe ninima hatayana 'oina, tauna Yehoba 'i'atububuya Tomudulele ma 'ina bodao weyahidi.

Madiu 25:46

Coinega taudi sitauya muya hataya 'oina, ma todumwalu hesi yawasi hataya siloba.”

Madiu 3:2

“Cimi mumuga galana 'oidiyega wanuwabui, weyahina Yehoba nata 'oida 'ihetoloina.”

Madiu 3:8

Coinega 'ilobwainegomiya ma 'imi nuwabui moisa wahe'itaedi 'imi paihowa bwebwe'adi 'oidiyega.

Madiu 7:14

Ma yawasi bwebwe'ana 'ana 'eda 'ana tauya mwauna, ta 'ana 'ahwa 'i'iuna tuwa, ma tomota hisahisadimo 'oina siluhuluhu.

Luke 14:33

Coinega Yesu 'ina hemataluwa 'ilosalohiya, ma 'oidiya 'igwae, “Bewa gide wete 'agu muliya 'ana 'eda. Ceguma taiya 'owa nuwanuwau ma 'umuliyegau, nugeta 'ino 'ebeloina mabwaiyana 'u'ebesinedi.

Luke 9:33

Nata ma siteluwaedi Yesu si'ebesine, ma Pita 'i'apulagata ma 'igwae, “Bada, bwebwe'ana 'eguma taudi siteluwaedi mahetedai 'abwa tamiyamiya, ma 'oinega 'imi yoheyohe 'etoi 'a'abidi, 'aigeda 'owa weyahiu, ma 'aigeda Mosese weyahina ma wete 'aigeda Ilaitiya weyahina.” Beno Pita tuwa 'igwaegwae bwagabwaga.

Yoni 10:9

Coinega wete 'ihegwae hilediya 'igwae, “Taugu tuwa bewa sipiyedi 'idi 'ahwa'edaina. Coinega taiyawedi 'omi 'eguma 'oiguwega waluhu, nata bwebwe'ana waloba. Weyahina sauga 'aigeda 'aigeda nata 'oidiya 'oiguwega waluhuluhu ma wete 'oiguwega walatulatu ma modumodu bwebwe'ana 'oidiya wa'ai'ai.

Yoni 14:6

Coinega Yesu Tomasi 'ihegwaeya 'igwae, “Taugu 'eda, ma gwae moisa, ma wete yawasimi huhudi. Weyahina geya 'eta taiya sowasowahina ma Tamagu 'oina 'itauya 'eguma loheyainaina geya 'oiguwega 'itauya.

Paihowa 3:19

Coinega 'ilobwainegomiya wanuwabui ma 'imi puiyao 'i'ewayahuledi, ma lotohona bwebwe'ana waloba Bada tauna 'oinega,

Loma 9:22

Ta Yehoba wete gidemusa 'ina paihowa 'iboi 'iloinae, weyahina tuta mabwaiyana togala 'oidiya 'ihe'alama'i'ita madouna 'abehega 'idi pui weyahina sahena 'ida hemahemaisedi, ma tuwa geya sida hematamataneya, ma 'inuwatuhuwa 'abehega sowasowana tuwa 'iloinaedi, 'ina gamwasowala ta 'ina waiwai matadiyega si'ita.

2 Kolinita 4:4

Taudi geya sihemisa, weyahina bale'u bewa 'ina bada 'i'abihegibu pwaidiya, ma 'oinega 'asilala sahena si'ita'ita, beno Keliso 'ina wasawasa tetelina, tauna 'ana 'ita Yehoba gidemusa.

2 Kolinita 6:17

Coinega Yehoba wete 'igwaeya, ‘Hali boda 'oidiyega walatu ma wa'ebesinedi, ma sahena ginaula bi'ibi'idi wa'abi'abitohodi, ma yatoegomi 'igu tupwa,

Galetiya 5:24

Ta wete 'eguma Yesu Keliso 'iloinegita, wahida 'ina mumuga galadi ma nuwa'ubunao 'ilohe'amasidiya 'ana kelose 'oina.

Pilipai 3:19

Taudi nata 'abwa 'ebelosaloha 'oina sihesilae, weyahina 'idi hemisa gamwa seseha weyahina, ma nuwatuhu 'ebe debamwadinao sihehepwatuwedi, weyahina nuwatuhu bale'umo nuwanuwadi.

1 Yoni 5:19

Ma wete tauda tasanapuya 'abehega Yehoba 'ihenatunegita, ma bale'u mumugaina 'ana topaihowao mabwaiyadi topuiina 'ina bodao.

Heꞌitaꞌita 12:9

Hebaiina bwehabwehalina ma madouna, tauna mwata nugenugetaina sanina Seitani, gide Tomudulele, tauna bale'u 'ana to'abo. Tauna ma'ina aneloseyao mabwaiyadi bale'uwa siula suluhediya.

Heꞌitaꞌita 13:8

Ma mebale'u mabwaiyadi 'abwa 'oina si'etuluha, beno taudi 'eguma geya sanidi simiyamiya yawasi bukiina 'alona, bukina lamiina silohe'amasiya 'ina buki. Buki bewa 'alona taudi sanidi mwalo hene 'ilele nugetediya, eema muliyetega bale'u 'ihemasaleheya.

Heꞌitaꞌita 20:15

Ma 'eguma taiyewedi geya sanidi 'ilobaloba yawasida bukina 'oina 'iuledi 'asa 'ala'alata 'oina.

Heꞌitaꞌita 20:3

Coinega aneloseina hebaiina 'i'abi haneheya ta 'iuleya gaulaina madouna 'alona, ta nobwa 'igudubodeya, ma 'igihepa'aliya, ta geya'abwa bodao 'i'abo'abowedi 'ana siga tausani bolime sigumwala, ma muliyega 'ilihasi tuta 'i'iunamo weyahina.