Madiu 6:9 - Loina Nuahuana

⁹ Coinega tuta 'ahwanoi 'oidiya bewa gide wa'ahwanoi 'esa: “Tamama galewa, saniu 'ahe'asisiye, ma 'a'ahwanoiyego ma 'owa 'uloinemai,

Madiu 6:9 ပူးပေါင်းရင်းမြစ်များ

Madiu 10:29

“Cebe'ita bewa, 'eguma dinegwa 'eluwa tagimwanedi, 'adi maisa toea 'aigeda tuwa, ma hesi Yehoba 'i'ita'itayahidi, ma 'eguma 'aigeda 'i'amasa, beno Tamamiuina 'ina nuwatuhu 'oinega.

Madiu 23:9

“Wete sahena 'aigeda taiya bale'uwa wa'ahwa'ahwa tamanae, weyahina tamamiu 'aigeda tuwamo galewa 'imiyamiya.

Madiu 26:29

Ma yahegwaegomi tuta bewa ma mulina waini bewa geya'abwa 'oinega yanumanuma hila ta 'ana siga 'omi ba'idagwao waini hauhauna tanuma Tamagu 'ina tupwa.”

Madiu 26:42

Cigumwala, 'ihanaowa wete, 'i'ahwanoiya, 'igwae, “Tamagu yo, 'eguma geya sowana muyamuya biyoina 'u'ewa, ma 'eguma 'ino nuwatuhu gidemusa, tuwa yanuma.”

Madiu 5:16

Comi wete gide, 'ilobwainegomiya ma 'imi 'asilala wa'abi he'asilala tomota 'oidiya, ma 'oinega 'imi paihowa bwebwe'ana si'ita ma Tamamiu galewa sihepwatuwe.

Madiu 5:48

Ma 'omi 'ilobwainegomiya ma mumugami 'ausalana mabwaiyana, gide Tamamiu galewa.

Madiu 6:14

Ceguma 'omi 'iyamiyao 'idi puiyao 'oimiya wanuwasamudi, Tamamiu galewa wete 'imi puiyao 'inuwasamudi.

Madiu 6:6

Ma 'owa 'eguma 'u'ahwanoi, 'uluhu nugeta 'ino hada 'alona ma 'uhadagudu ma 'u'ahwanoi dahwana Tamadaina 'oina, ma taunamo 'i'itago ma muliyetega maisa bwebwe'ana 'i'ebwaego.

Madiu 7:11

Moisa 'omi togala, ma 'imi 'ehele natumiyao 'oidiya wasanapu pwaiya, 'abehega ginaula 'ausaladimo wa'ebwa'ebwaedi. Gide wete Tamamiu galewa, 'eguma wa'ahwanoi 'oina, 'isanapuya to'aha bwebwe'ana 'ilobwainegomiya ma 'i'ebwaegomi.

Luke 15:18

Coinega yatoholo ma yatauya tamagu 'oina yagwae, “Tamagu, yagala pwaiya Yehoba 'oina, ma wete 'owa 'oiuwa.

Luke 15:21

“Eeta natunaina tamana 'ihegwaeya, 'igwae, ‘Tamagu, yagala pwaiya Yehoba 'oina ma wete 'owa 'oiuwa, 'oinega geya 'ilobwainegau ma 'u'ahwa natunegau.’

Luke 2:14

sigwaegwae, “Yehoba galewa tahepwatuwe, ma bale'uwa taudi 'ihelauwediya simiya yaliyaya.”

Yoni 20:17

Ma Yesu 'ihegwae hileya 'igwae, “Sahena 'u'abi'abi tohogau, weyahina 'abwa geya Tamagu 'oina yahane. Ma hesiyage 'utauya tasigwao 'oidiya, ma 'uhegwaedi 'abehega bewa tuwa taugu yahanehane Tamagu 'oina, tauna 'omi wete Tamamiu. Tauna taugu 'igu Yehoba ma 'omi wete 'imi Yehoba.”

Loma 1:7

Tamadai Yehoba ma 'ida Bada Yesu Keliso 'idi helauwega tuwa wamiya daumwala.

Loma 8:15

Eeta Yehoba sahena tamatamataute weyahina 'i'ahwa natunegita, ta tauda geya gide 'ina topaihowao, ma hesi gide natunao ma ma'ida 'atepatu tagwaegwae 'oina, “Tamagu!”

Galetiya 1:1

Taugu Paulo Yesu Keliso 'ana tohepwaila 'aigeda, ta 'igu hetohepwaila geya tomota 'idi hesinuwega ma hesi Yesu 'ina hesinuwega, ma Tamada Yehoba wete 'ina hesinuwa. Tauna Yesu Keliso 'amasega 'igihetoholo hileya.

Galetiya 4:6

Coinega wete Yehoba Natuna Yaluyaluwana 'ateda 'ilaguya ma Yehobaina 'i'ahwa tamaneya 'igwae, “Tamagu!”

1 Timoti 6:16

Yehoba 'iboimo miyamiya hatayana, ma geya 'eta taiya gide. Ma 'ina tupwa geya sawasawahida ma ta'ita, weyahina 'asilala hedada, ma geya sawasawahina Yehobaina ta'ita, ta 'ina wasawasa ta 'ina waiwai nata geya sigumwagumwala. Emeni.

1 Pita 1:17

Cabwa Yehoba 'ina loina 'aigeda dumwadumwaluna 'oinega tomota mabwaiyadi 'iloinaedi, gide 'ida paihowa, bwebwe'ana, bo nuwana galana. Tauna Yehobaina wahesaniyeya Tamamiu 'imi 'ahwanoi 'oidiya, sowasowana wahe'asisiyane tuta mabwaiyana bale'u bewa 'oina wamiyamiya.

Heꞌitaꞌita 4:11

“Cowa 'ima Bada ta 'ima Yehoba, 'ilobwainemaiya ma 'ahepwatuwego ma 'ahe'asisiyego, weyahina 'ino waiwaiyega ginaula mabwaiyana 'u'abi hemasalehediya. Cuboi 'ino nuwatuhuwega 'upaihowediya, ta nige mayawasidi.”

Heꞌitaꞌita 5:12

ma wete 'enadi madouna yahesagoheya sigwaegwae, sigwaeya, “Tauna lamiina silohe'amasiya, sawasawahina ma loina ma wasawasa ma sanapu ma he'asisi ma hepwatu ma 'ahwa bwebwe'ana 'ilobadi.”