Madiu 6:25 - Loina Nuahuana

²⁵ Coinega yahegwaegomi 'abehega sahena 'imi miya bale'uwa weyahina wanuwanuwatuhu madouna, 'ami 'e'ahai ta 'ami we'aha ta 'ami 'ale'o weyahidi. Weyahina yawasida ginaula madouna 'oida, ma tobwatobwaedi wahi weyahidi geya ginaula madouna.

Madiu 6:25 ပူးပေါင်းရင်းမြစ်များ

Madiu 10:19

“Ma 'eguma matadiya sihetohologomi sahena wa'ate'ateyoho togidega wagwae 'esa, weyahina tutaina 'abwa Yehoba 'imi gwae 'ida 'ebwaegomi,

Madiu 13:22

“Ma patuwedi talitali 'oidiya sibe'uwa, taudi tetela bwebwe'ana sihesagoheya, ma hesi 'idi nuwatuhu bale'u weyahina ma wete wasawasa 'ana nuwatuhuwao, ma nuwatuhuwedi tetela bwebwe'ana silohe'amasiya, ta geya sawasawahina ma sihuwa.

Madiu 6:31

Geya'abwa wanuwanuwatuhu madouna ma wagwaegwae 'abehega, “To'aha 'a'ai?” bo “To'aha 'anuma?” bo “To'aha 'a'ote?”

Madiu 6:34

Geya'abwa wanuwanuwatuhu gona weyahina. Beno namo nata tuwa weyahina wanuwanuwatuhu. Ma sabwelo sinaonaoma 'adi mwau sahena sabwelo nata 'ana mwau ba'idana talagulagu hegogone, ma hesi sabwelo 'aigeda 'aigeda taudi 'adi mwau weyahidi tanuwanuwatuhu 'adi sabwelowedi 'oidiya.

Maki 13:11

“Ma 'eguma toloinao matadiya sihetohologomi yatala weyahina, sahena wa'ate'ateyoho togidega wagwae 'esa. Ma hesi ma'imi 'atepatu tuwa wagwae, weyahina geya 'abehega 'omi 'imi gwae wahehepwaile, ma hesi Yaluyaluwa Tabuna nata gwae 'i'ebwaegomi, ma wahepwaila latuhe.

Maki 4:19

ma hesi 'idi nuwatuhu bale'u ma wasawasa weyahidi, 'oidiyega Yehoba 'ina gwae silohe'amasiya, ma geya sowasowahina huwaidi silagu.

Luke 12:11

“Ma 'eguma tomota sitoegomi hada tapwalolo 'oidiya sabi heyatalaegomi babadao ta toloinao matadiya, sahena wa'ate'ateyoho bo nuwana wanuwanuwatuhu togidega 'idi hesilalaina wahemaisa 'ese,

Luke 8:14

Ma patuwedi talitali 'oidiya sibe'uwa, tomotaedi taudi gwaeina sihesagoheya, ma hesi 'idi nuwatuhu mabwaiyana 'itautauya wasawasao ta bale'u yaliyayaina ta wete ginaula baibaiwana 'oidiya, ma 'oinega Yehoba 'ina gwae 'oidiya geya huwaina 'ida latuwa.

Loma 8:32

Weyahina Yehoba natuna moisa geya 'ida nuwahiya, ma hesiyage 'itagwaleya weyahida, 'abwa ginaula mabwaiyadi wete 'i'ebwaegita.

1 Kolinita 7:32

Nuwanuwagu ma gesowana ginaula bale'u weyahidi wanuwanuwatuhu hedade, ma hesi mumugami gide taudi geya sihai. Weyahina taudi geya sihai Yehoba 'ina paihowamo weyahina sinuwanuwatuhu madouna, ma nuwanuwadi Badaina si'abihe yaliyaya.

Pilipai 4:6

Geya'abwa 'aigeda to'aha weyahina wanuwanuwa, ma hesi ma'imi loyauwedo ginaula mabwaiyadi weyahidi, Yehoba 'oina wa'etuluha, ta 'imi nuwatuhuwao weyahidi wa'ahwanoi,

2 Timoti 2:4

Cunuwatuhuyahi 'eguma tolo'aleha tauna nuwanuwana ma 'ina toloina 'ina nuwatuhumo 'ipaipaihowa, nata geya 'ina 'asa 'ana paihowa weyahidi 'inuwanuwatuhu.

1 Pita 5:7

Ceguma wanuwagala, beno 'ami mwauyao mabwaiyadi Yehoba 'oina wa'ebwae ma 'i'ewayahuledi, weyahina Yehobaina 'i'atemuyamuyaegomiya.