Madiu 6:2 - Loina Nuahuana

² Ma tutaina wahehelau towewelohe 'oidiya, sahena yoguli wamu'amu'a, gide taudi to'e'abo'abo hada tapwalolo nuwana 'asa 'oidiya yoguli simu'amu'adi ma 'abehega tomota 'idi helau si'itadi ma sihepwatuwedi. Hede 'adi maisa tuta bewamo 'oina silobaloba ma hesi tuta 'inaonaoma geya maisadimo.

Madiu 6:2 ပူးပေါင်းရင်းမြစ်များ

Madiu 15:7

“Bewa 'imi 'abo. Mwalo hene Aiseya palopita weyahimi 'ihepwaila nugeta, tutaina Yehoba 'ina gwae 'ihepwaileya, 'igwae,

Madiu 16:3

Ma 'eguma gonagona galewa belabelalana ma dubadubana wa'itadi, beno wasanapuya 'abehega duba 'inaonaoma. Ta beno 'ila'ilalaedi yaloyaloha 'oidiya 'adi sanapu wasanapu pwaidiya, ma hesi 'ila'ilala bewa tutaedi weyahidi geya wasanapudi.

Madiu 22:18

Ma Yesu 'idi nuwatuhu galana 'isanapuya, 'oinega 'igwae, “Comi to'abo! To'aha weyahina watohotohogau?

Madiu 23:5

“Cidi paihowao mabwaiyana sipaipaihowadi ma 'abehega tomota si'itadi ma sihepwatuwedi, beno gwaeyao Buki He'asisi 'oinega leleleledi manidiya ma nimadiya si'abihe pa'inediya, ta 'adi 'ale'owao duduledi sisohasohadi,

Madiu 23:6

ta guyai 'adi tuta nuwanuwadi ma wagahata simiyatoi, ma wete hada tapwalolo 'oidiya 'ebemiya 'ausaladi nuwanuwadi,

Madiu 24:51

nata hadega 'ipa'i ma maisa galana 'i'ebwae to'abowao 'idi tupwa, nage 'oina sidou ma sihesala'i'ita, muya 'oinega”.

Madiu 5:18

Ma yahegwaegomi 'abehega loinaedi silatu ma geya'abwa 'aigeda to'aha muhemuhena 'oidiyega 'isawala ma 'ana siga galewa ma bale'u sisawala.

Madiu 6:16

Wete 'eguma tutaina 'oina tapwalolo weyahina wahudi, beno geya sowana wa'ai, sahena manimi 'ilolonohunohu gide tuwa tonuwagala. Ma to'abo 'idi paihowa gide, weyahina taudi 'adi 'ita si'abihegaledi ma 'abehega 'idi hudi tomota sisanapu. Taudi 'adi hepwatu tuta bewamo silobaloba, ma 'abwa geya.

Madiu 6:3

Ma 'omi tutaina wahehelau tuwa wa'ebwaya dahwana,

Madiu 6:5

Cimi 'ahwanoi wete gide, 'eguma wa'ahwanoi Yehoba 'oina, sahena to'e'abo'abo gide wa'ahwa'ahwanoi, weyahina taudi nuwanuwadi ma tomota matadiya tapwalolo 'alona nuwana 'asai sitoholo ma si'ahwa'ahwanoi. Moisa 'adi hepwatu tuta bewa tuwa silobaloba, ma tuta 'inaonaoma geya.

Madiu 7:5

Cowa hede 'aigeda to'abo, 'awa? Ma hesi 'etupwa matauwega 'u'ewayahule nugete, ma 'oinega 'u'ebubuna bwaibwaina ma muliyetega tasiu matanega 'aiwe tupwatupwana 'u'ewayahule.

Maki 12:39

Ma wete nuwanuwadi 'ebemiya bwebwe'ana hada tapwalolo 'oidiya, ma wete guyai 'adi tuta nuwanuwadi ma wagahata simiyatoi.

Maki 7:6

Ma Yesu 'ihegwaediya 'igwae, “Comi to'e'abo'abo. Mwalona Aiseya palopita weyahimi 'igwae nugeta bwaibwaina, Yehoba 'ina gwae ta sileleya bewa gide: Tomotaedi 'ahwadiyega sihe'asisiyanegau, ma hesi 'atediyega geya.

Luke 11:41

Ma 'ilobwainegomiya ma 'atemi 'ehe'ehele 'oinega wa'abihe 'asilaladi, ma 'oinega wa'asilala bwaibwaina.

Luke 11:43

“Comi Palisiyao 'atemuyamuyaimi, weyahina hada tapwalolo 'oidiya nuwanuwami ma 'abehega 'ebemiya bwebwe'ana 'oidiya wamiyatoi, ma wete nuwanuwami ma 'abehega tutaina 'eguma watautau 'asai tomota mabwaiyadi sihe'asisiyegomi.

Luke 12:33

“Coinega 'imi tobwatobwao wahegimwaneyedi ma maneyedi waheguyaiyedi towewelohe 'oidiya, ma 'oinega galewa 'imi wasawasa 'imiya hataya. Wasawasaina galewa 'imiyamiya geya wete 'ina 'ebegumwalamo, weyahina geya 'aigeda wete toyagaha tupwaina 'oina, ma wete geya sohusohu.

Luke 12:56

Moisa 'omi bale'u 'adi 'ila'ilalao wasanapu pwaidiya, ma hesi Yehoba 'ina 'ila'ilalao geya wasanapudi tuta hauhauna nage weyahina. Beno 'imi 'abo.

Luke 13:15

Ma Yesu 'ihesagoha pwaiya, ta mabwaiyadi 'oidiya 'igwaeya, “Cabo'aboimiu, weyahina 'omi mumugami Sabati 'aigeda 'aigeda 'oidiya 'imi hebaiyao mabwaiyadi 'adi 'ali 'oidiyega walihasidi, ma silatulatu 'atamana we'aha sabi numa.

Luke 20:46

“Tasigwao, sahena loina 'ana tohe'itao 'idi mumuga wamulimuliye. Weyahina taudi mumugadi tuwa gide tuta baibaiwana nuwanuwadi ma 'adi 'ale'owao duduledi si'otedi ma tomota gamwagamwanidiya sisakosakowasi ma 'abehega sihe'asisiyedi. Ta wete nuwanuwadi 'idi 'ebemiya bwebwe'adi Hada Tapwalolo 'oidiya, ta wete guyai 'adi tuta nuwanuwadi ma wagahata simiyatoi.

Luke 6:24

Ma 'eguma hesi 'omi wahewasawasa nuwa'ole'oleimi, weyahina 'imi wasawasa waloba pwaiya, ma 'abwa geya.

Luke 6:42

Coinega sahena haletau 'uhehegwae ma 'ugwae, ‘Haletagu, 'ilobwainegau ma 'aiwe tupwatupwana matauwega ya'ewayahule,’ weyahina 'owa wete 'etupwa madouna matauwa 'imiyamiya geya 'u'ita. Moisa 'owa 'aigeda to'abo, 'awa? Ma hesi 'etupwa matauwa 'u'ewayahule nugeta, ma 'oinega 'u'ebubuna bwaibwaina, ma muliyetega haletau matanega 'aiwe tupwatupwana 'u'ewayahule.

Yoni 13:29

Yudasaina tauna 'idi mane 'ana to'itayahina, 'oinega 'idi nuwatuhu 'abehega Yesu Yudasa 'ihegwaeya ma 'itauya guyaina weyahina ginaula 'igimwane, bo nuwana 'itautauya wewelohe 'oidiya ma 'idi mane 'i'ebwaedi.

Yoni 5:41

“Ma hesi wada sanapu 'abehega taugu geya tomota 'idi hepwatu weyahidi yada nuwatuhuwa.

Yoni 5:44

Ta moisa tuwa, 'omi nuwanuwami ma 'ami hepwatu waboi 'oimiyega wahesagohedi. Ma hesi geya watohona ma 'ane Yehoba 'iboimo 'oinega 'ami hepwatu walobadi. Beno 'oinega geya sowasowahimi ma wahemisaegau.

Yoni 7:18

Ma hesi wanuwatuhuyahi 'eguma taiya 'iboimo 'ina nuwatuhu 'ihehe'ita, 'iboimo sanina weyahina 'ipaipaihowa. Ma hesi taugu nuwanuwagu ma tauna 'ihesumanegauma sanina ya'abi hemadou. Weyahina taugu 'igu gwaeyao moisa, ma wete geya 'igu puimo.

Paihowa 10:2

ma tauna loheya bwebwe'ana, ta ma'ina susuwao Yehoba sihe'asisiyeya, ma tuta baibaiwana wewelohedi 'ilemelemedi, ma 'i'ahwa'ahwanoi Yehoba 'oina.

Paihowa 10:31

Ma 'ihegwaegau, 'igwaeya, 'Konilio, Yehoba 'ino 'ahwanoi 'ihesagoha pwaiya ma wete 'ino lema wewelohe 'oidiya 'inuwatuhu yahiya.

Paihowa 10:4

Ma Konilio aneloseina 'i'ebubuya, ta ma'ina matauta, ma 'igwae, “Bada to'aha?” Ma anelose 'igwaeya, “Yehoba 'ino 'ahwanoiyao ma 'ino 'abihetenao taudi wewelohedi 'oidiya 'isanapudiya, ma weyahidi 'inuwatuhugowa.

Paihowa 11:29

Ta tutaina Yesu 'ana tomuliyao Agabu 'ina hepwailaina sihesagoheya taudimo siloina ma 'abehega 'aigeda 'aigeda sitoho ma si'ehele ma lema mane sihewasae 'iyadiyaowedi tupwa Yudiya 'oina simiyamiya.

Paihowa 24:17

“Ta bolime baibaiwana sigumwala pwaiya 'oinega yahila Yelusalema, ma helau ya'eweyama 'igu boda 'oidiya, ma wete sabi pwaoli Yehoba weyahina.

Paihowa 9:36

Ma 'asa Yopa 'oina, Yesu 'ana tomuliya 'aigeda wahine 'imiyamiya, sanina Tabita, ta 'ana bui Dokasa, 'ana bui hebai sanina diya, ma wahineina 'abihetena ta helau huhuna.

Loma 12:8

Eema 'eguma taiya tuta baibaiwana 'iyanao 'i'abi'abi hewaiwaiyedi, ee 'ipaihowa gidemusa. Ma taiya wete tuta baibaiwana 'i'ehe'ehele, beno ma'ina 'atetagwala 'i'ehele. Ma 'eguma taiya 'ihetohanugeta, 'ida paihowa bwaibwaina. Ma 'eguma taiya ma'ina 'atemuyamuya, ee 'iyanao 'i'abi'abihetedi ma'ina yaliyaya.

1 Kolinita 13:3

Ta 'eguma 'igu tobwatobwa mabwaiyana yaheguyaiye tomota 'oidiya ma wahigu wete yatagwale ma sigabu 'idi pwaoli weyahina, ta 'eguma geya helau 'ateguwa 'imiyamiya, 'igu paihowaedi huwaidi geya'abwa yalobaloba.

Galetiya 2:10

Ta 'aigeda nuwatuhu weyahina sihenuwatuhu yahimaiya, beno wewelohe 'adi lema, ma to'aha 'oinega sito'uto'upa 'a'ebwaedi. Nuwatuhu bewa 'ibwebwe'ana hedadeya eeta tuta mabwaiyana yahetahetapewa waiwai weyahina.

Epeso 4:28

Toyagaha 'ilobwainediya ma silolagu, ma hesi paihowa bwebwe'ana nimadiyega sida paihowadi ma paihowaina 'ana maisa 'oinega lema sida 'ebwa'ebwaya towewelohe 'oidiya.

1 Tesalonaika 2:6

Ma wete ginaulaedi 'apaipaihowadi matamiya ma hali tomota matadiya geya tauma 'ama hepwatu weyahina, ma hesi 'omi 'ami lema weyahina.

1 Timoti 6:18

Ma wete wasawasaedi 'uhemataluwedi ma paihowa bwebwe'adi ta helau ta 'ebwaya 'oidiyega sihewasawasa moisa.

Pilimoni 1:7

Tasigu, 'ino helauwega tohekalesiyao 'u'abihetediya ma 'adi lotohona 'i'abihe bwebwe'aneya, ma 'ino helau ta wasau bwebwe'ana yahesagoheya, ta yayaliyaya madouna.

Ibeliu 13:16

Caigeda pwaoli wete Yehoba nuwanuwana madouna, beno helau tomota weyahidi ma'ida 'atemuyamuya.

1 Pita 4:11

Ceguma taiyawedi 'omi wahetohepwaila, wahetohepwaila tuwa gidemusa Yehoba 'ina gwae wahepwaileya, ma 'eguma taiyawedi 'omi walemalema, walema tuwa 'imi waiwai mabwaiyanega, gidemusa waiwaiina 'i'ebwaegomiya, ma 'oinega paihowa mabwaiyadi 'oidiyega tomota Yesu Keliso sisanapu ma Yehoba sihepwatuwe, weyahina tauna wasawasa moisa ma tohewaiwai moisa, tuta mabwaiyana 'oidiya. Emeni.