Madiu 5:9 - Loina Nuahuana

⁹ Comi to'abi henuwadaumwala wayaliyaya, weyahina Yehoba 'i'ahwa natunegomi.

Madiu 5:9 ပူးပေါင်းရင်းမြစ်များ

Madiu 5:45

Bewa 'oinega Tamadai galewa 'i'ahwa natunegomi, weyahina tauna helau huhuna, ma tauna wete 'ina sinala 'ihalahala togalagala ma tobwebwe'ana 'oidiya, ma wete 'ina dohi 'itagwatagwale tobwebwe'ana ma taudi geya tobwebwe'ana 'oidiya.

Madiu 5:48

Ma 'omi 'ilobwainegomiya ma mumugami 'ausalana mabwaiyana, gide Tamamiu galewa.

Luke 20:36

Weyahina nata taudi gide aneloseyao, ta geya'abwa wete si'ama'amasa hila, ma hesi Yehoba 'i'ahwa natunedi weyahina 'amasega sitoholo hila.

Luke 6:35

Ma 'omi hesi 'ami 'alehao wahamwadi, ma wahelauwedi, ta wa'ebwaya 'oidiya, ma sahena hemaisa weyahina wayamwayamwa. Ma 'abwa 'ami maisa madouna waloba, ma 'oinega 'omi Tomiya tabwana hedada natunao. Weyahina tauna tohopa'alao ma togalao 'ihehelauwedi.

Paihowa 7:26

“Ma hali sabwelo ta Mosese tasinao 'eluwa 'ilobediya sihehe'upwa, ma nuwanuwana ma 'i'eto'ausidi ma silolagu ma 'igwae, 'Ciyagwao, 'omi susu 'aigeda, ma togidega ma 'imi miya wagihegala?”

Loma 12:18

Eema wete watoho waiwai ma mumuga bwebwe'ana 'oinega tomota mabwaiyadi mahetemiyao wamiya daumwala.

Loma 8:14

Ma 'eguma Yehoba Yaluyaluwana tamuliye, beno nata 'i'ahwa natunegita.

Loma 8:16

Ma weteyage Yaluyaluwanaina 'oinega sanapu 'i'ebwaya yaluyaluwada 'oida, ma 'abehega tasanapu tauda Yehoba natunao.

Loma 8:19

weyahina ginaula mabwaiyana Yehoba 'ipaihowediya siyamwayamwana, ma nuwanuwadi madouna 'abehega tauda natunaowedi 'i'abihe latuhegita ma si'itegita.

1 Kolinita 6:6

Comi 'imi paihowa geya bwebwe'ana, weyahina taudi geya Keliso 'ana tohemisao matadiya wayatayatala.

2 Kolinita 13:11

Ciyagwao kaiyoni. Cigu lohatoto wada hesagohe ma wanuwabui. Wete 'imi nuwatuhu 'aigeda 'oinega wada miya siwaloha, ma Yehoba tauna helau ma nuwadaumwala huhudi ba'idamiu wada miya yaliyaya.

2 Kolinita 5:20

Tauma Keliso 'ana tohepwailao ta Yehoba 'oimega 'ilolohatoto 'oimiya, ma Keliso weyahina 'a'ahwanoiyegomi ma Yehoba 'oina wahe'iya'iyagu hila.

Galetiya 5:22

Ma 'iyamo Yaluyaluwa Tabuna huwaina bwebwe'ana 'ateda bewa: helau, yaliyaya, miya daumwala, toholo pa'ala, lema, mumuga dumwaluna, hemisa,

Epeso 4:1

Coinega ya'ahwanoi 'oimiya ma mumugami wa'itayahi, bewa tuwa taugu deliya silagugauwa Badaina 'ina paihowa weyahina, ma 'omi Badaina 'ibwauwegomiya tauna 'ina paihowa weyahina, 'oinega 'ilobwainegomiya ma to'aha 'ina paihowaina 'ana lobwaina wamuliye,

Pilipai 4:2

Comi wahiwahine sanimi Yu'odiya ma Sinitiki ya'ahwa'ahwanoi 'oimiya ma wada 'ahwa 'iya'iyagu hila, 'ida Badaina nuwanuwana gidemusa.

Kolose 3:13

Ma wahe'abi 'abihetegomi 'aigeda 'aigeda 'oimiya, ta sahena 'iyamiyao wa'ahwa'ahwa yaliyedi, ma hesi 'idi pui wanuwasamudi. Weyahina 'ida Bada tauna wete 'imi pui mabwaiyadi 'inuwasamudiya.

Ibeliu 12:14

Watoho waiwai ma wamiya daumwala tomota ba'idamiyao, ta wete watoho ma 'imi mumuga 'ibwebwe'ana mabwaiyana, weyahina 'eguma taiya geya 'ina mumuga bwebwe'ana geya'abwa Bada 'i'ita'ita.