Madiu 5:3 - Loina Nuahuana

³ Comi ma'imi nuwadobi wayaliyaya, weyahina Yehoba nimana wamiyamiya.

Madiu 5:3 ပူးပေါင်းရင်းမြစ်များ

Madiu 11:25

Tuta nage 'oina Yesu 'igwaeya, “Yauwedo Tamagu, 'owa galewa ma bale'u 'adi toloina, sanapu bewa 'udahweya tosonogao ma tonuwasabwalenao 'oidiyega, ma hesi gwagwama 'i'iudi 'oidiya 'uhe'itaeya.

Madiu 11:6

Coinega watauya ma Yoni wahegwae ma sahena weyahigu 'ihehenuwanaluwa, weyahina 'eguma taiya 'ina hemisa weyahigu geya 'iwe'a, tauna 'iyaliyaya.”

Madiu 13:16

“Ma 'omi ma'imi yaliyaya, weyahina matamiyega wa'ita'ita ma tenamiyega wahehesagoha.

Madiu 19:14

Ta Yesu 'igwaeya, “Sahena gwagwama wa'eto'etobodedi, ma hesi watagwaledi ma 'oiguwa sinaoma, weyahina gwagwamaedi gide Yehoba 'ina 'ebeloina 'ilobwainediya moisa.”

Madiu 24:46

'abwa 'eguma badaina 'ihilama ma 'ina topaihowaina 'iloba 'ipaipaihowa dumwalu, nata weyahina 'iyaliyaya ma 'oina 'igwae,

Madiu 25:34

Ma 'oinega toloina taugu taudi 'igu 'ebeula 'oina yahegwaedi ma yagwae, ‘Comi Tamagu 'ina helauwega wayaliyaya, wanaoma ma 'imi 'ebeloinaina wa'ewa, beno bale'u 'ana hemasalaha hohau 'oinega 'i'atububuya weyahimi.

Madiu 3:2

“Cimi mumuga galana 'oidiyega wanuwabui, weyahina Yehoba nata 'oida 'ihetoloina.”

Madiu 8:11

ma yahepwaila 'oimiya 'abehega baibaiwa hedade 'abwa tupwa mabwaiyana 'oidiyega sisawalama ma 'ane Ebalahamo ma Aisake ma Yakobo ma'iyadiyao si'ai hegogona Yehoba 'ina 'ebeloina 'alona,

Maki 10:14

Ma Yesu 'ana tomuliyao 'i'itediya ma 'iheliyediya, 'igwae, “Sahena gwagwama wa'au'ausidi, ma hesi watagwaledi ma 'oiguwa sinaoma, weyahina gwagwama bewa gide Yehoba 'ina 'ebeloina 'ilobwainediya.

Luke 11:28

Ma Yesu wete 'igwaeya, “Taudi hesi 'eguma Yehoba 'ina gwae sihesagohe ma 'ina gwae sihematamatane, taudi toyaliyaya moisa.”

Luke 18:14

Ta Yesu wete 'oidiya 'igwaeya, “Moisa, loheyaina bewa 'ina 'ahwanoiina weyahina 'ana 'ahwabwebwe'ana 'ilobeya Yehoba 'oinega, ma hesi Palisiina geya. Weyahina 'eguma taiya tauna 'i'abilagasi nata silagusuluhe, ma 'eguma taiya tauna 'ilagusuluhe si'abilagasi.”

Luke 22:29

Coinega to'aha gide Tamagu 'igu 'ebeloina 'i'ebwaegauwa 'omi wete gide ya'ebwae 'esegomi,

Luke 22:30

ma 'oinega 'omi 'igu 'ebeloina 'oina ba'idagwao 'abwa ta'ai ma tanuma, ta wete wagahata wasawasa 'oidiya wamiyatoi ma meIsileli 'idi susuwao tuwelo waloinaedi.”

Luke 4:18

“Bada Yaluyaluwana 'oiguwa 'imiyamiya. Tauna 'ihesinuwegauwa ma towewelohe 'oidiya tetela bwebwe'ana yaguguyae. Ma paipaidi wete 'oidiya 'ihesumanegauwa ma 'adi lihasa weyahina yahepwaila. Ma tomata gibugibu wete matadi 'idi 'asilala hila weyahina yahepwaila. Ma wete 'ihesumanegauwa ma tomiya mwau 'adi 'alehao nimadiyega ya'etolihasidi.

Yoni 20:29

Ma Yesu 'igwaeya, “Tomasi, 'abwa hesi 'u'itegauwa ma 'uhemisaegauwa, 'awa? Ma hesiyage taiyawedi taudi 'eguma geya si'itegau ma sihemisaegau, nata moisa siyaliyaya.”

Yemesa 1:10

Ma wete tohekalesiyao tohewasawasao 'ilobwainediya ma siyaliyaya 'eguma Yehoba 'ilagu suluhedi, weyahina tohewasawasao 'abwa sigumwala gide pwatula dididiyao.

Yemesa 1:12

Ceguma taiya 'owa 'ebetohonao 'oidiyega 'utoholo pa'ala, 'uyaliyaya, weyahina 'a maisa bwebwe'ana Yehoba 'oinega 'abwa 'uloba, beno yawasi hataya. Bewa Yehoba 'ina gwaehemisa mabwaiyada 'oida, 'eguma tahelauwe.

Yemesa 2:5

Tasigwao, 'igu gwae bewa wahesagohe, 'abehega Yehoba towewelohe bale'uwa 'ihesinuwediya ma hemisa 'oinega sihewasawasa. Weyahina Yehoba 'ina 'ebeloina 'igwae hemisaeya ma 'oina silatu, 'eguma tauna sihelauweya.

Heꞌitaꞌita 19:9

Ma aneloseina 'oiguwa 'igwaeya, “Gwae bewa 'ulele 'abehega, ‘Taiyawedi 'omi Yehoba 'ibwauwegomiya Lamiina 'ina hai guyaina 'oina, wayaliyaya.’” Ma wete aneloseina 'igwae hila, ta 'igwaeya, “Bewa Yehoba 'ina gwae moisa.”

Heꞌitaꞌita 22:14

Ta wayaliyaya 'eguma taiyawedi 'omi 'ami 'ale'o wadeulidiya, weyahina 'aiweina huwaina yawasida weyahina wa'ai, ta wete 'asaina 'ana 'ahwa'edao 'oidiyega waluhu.

Heꞌitaꞌita 3:17

“Ma 'omi wagwae, ‘Taugu tohewasawasa ta ginaula mabwaiyadi sawasawahigu,’ ma geya wasanapu 'abehega 'omi tuwa towewelohe, ma hesi nuwagalagalaimi, ma wete matagibugibuimi ma bugebugewami.