Madiu 5:11 - Loina Nuahuana

¹¹ Ma 'eguma weyahigu tomota siloloheliwegomi, si'ale'alehegomi, ma 'idi 'abowega si'ahwa galegalegomi, wayaliyaya tuwa.

Madiu 5:11 ပူးပေါင်းရင်းမြစ်များ

Madiu 10:18

ma sitoegomi ma sitauyegomi toloinao ma kiniyao matadiya ma sihe'ewegomi, weyahina 'omi 'abehega 'igu bodao, ma wasagu 'oidiya wahepwaile, ma wete tupwa 'atamana tomotaedi 'imi hepwaila sihesagohe.

Madiu 10:22

Ma tomota mabwaiyadi silo'alehegomi weyahina 'omi 'abehega 'agu tohemisao. Ma 'eguma taiyawedi si'alama'i'ita ma sitoholo pa'ala ma 'ana siga tuta 'ana 'ebelosaloha 'oina, 'abwa yaliyaya hataya siloba.

Madiu 10:25

Ma hesi 'ausala 'eguma 'abehega 'omi 'agu tomuliyao, ma 'omi ma taugu tahemahemahetena. Weyahina taugu hada toniwagagu, ma 'eguma sihesaniyegau Tomudulele, 'omi 'igu bodao 'abwa si'ahwa galagalaegomi madouna.

Madiu 10:39

Ma 'eguma taiya tauna yawasina weyahina 'ipaipaihowa, 'abwa 'i'wadalele; ma 'eguma taiya yawasina 'i'wadalele weyahigu, 'abwa yawasi 'ausalana 'iloba hila.

Madiu 19:29

“Ma 'eguma taiyawedi 'omi 'imi hadao, bo tasimiyao, bo sinamiyao, bo nuhumiyao, bo tamamiyao, bo natumiyao, bo 'imi tanohao wa'ebesinedi, 'abwa ginauledi wa'ebesinediya 'adi miyalaena ma 'adi loheposeyana handeledi walobadi, yawasimi hataya ba'idana.

Madiu 24:9

“Comi nata tomota si'abiyahigomi ma si'abihe muyemuyegomi nuwana silohe'amasigomi, ma tupwa mabwaiyadi tomotainao silo'alehegomi weyahina 'abehega 'omi 'agu tohemisao,

Madiu 27:39

Ma tomota tupwadi 'edai Yesu 'ana kelose 'oina silolotuyana ma sihehenama,

Maki 13:13

Ta tomota mabwaiyadi 'abwa silo'alehegomi weyahina 'omi 'abehega 'agu tohemisao. Ma hesi taiyawedi 'omi weyahigu wa'atepatu ee 'ana siga tuta 'ana 'ebelosaloha 'oina, nata 'ebe yaliyaya waloba.

Maki 13:9

“Ta 'omi hesi wa'itayahigomi, weyahina tomota 'abwa si'abiyahigomi ma sitauyegomi yatala weyahina, ta Hada Tapwalolo 'oidiya sisapigomi, ta wete 'abwa toloinao ma kiniyao matadiya sitoegomi ma watoholo ma siheyatalaegomi, beno weyahina 'omi 'abehega taugu 'igu bodao, ta saugaina 'oina teteligu wahepwaile 'oidiya.

Maki 4:17

ma hesi geya walowalodi pa'alidi 'ilagudi, 'oinega sauga 'i'iuna tuwa simiyamiya, ma 'abwa to sauga 'oina Yehoba 'ina gwae 'ana hemisa weyahina mwau nuwana 'aleha siloba, beno 'oina sibe'u mwayamwayau.

Maki 8:35

Ma hesiyage 'eguma taiya yawasina 'inuwahi, 'abwa yawasinaina 'ihe'wadalele. Ma 'eguma taiya weyahigu ma wasana bwebwe'ana weyahina yawasina 'itagwale ma 'i'amasa, tauna 'abwa yawasi moisa 'iloba.

Luke 21:12

“Ma hesi nugeta 'ami 'alehao si'abiyahigomi ma si'abihe muyemuyegomi, ma wete hada tapwalolo 'oidiya siheyatalaegomi ma deliya silagugomi. Ma wete kiniyao ta toloinao matadiya sitoegomi ma siheyatalaegomi weyahina 'omi 'abehega 'igu bodao.

Luke 21:17

ta tomota mabwaiyadi silo'alehegomi weyahina 'omi 'abehega 'agu tohemisao.

Luke 6:22

Taugu Loheyaiguina, ma sowasowana wayaliyaya 'eguma weyahigu tomota silolo'alehegomi, nuwana siguipailegomi, nuwana si'ahwa yaliyegomi, nuwana si'ahwa galegalegomi.

Luke 9:24

Ma 'eguma taiya yawasina 'inuwahi 'abwa yawasina 'ihe'waihi. Ma 'eguma taiya yawasina weyahigu 'itagwale ma 'i'amasa, tauna 'abwa yawasina 'ausalana 'iloba.

Yoni 15:21

Ginaulaedi galadi bewa nata 'oimiya sipaihowadi weyahina 'omi 'igu bodao, ma wete tauna 'ihesumanegauma geya sisanapu.

Yoni 9:28

Ma hesi taudi siheliyeya sigwae, “Cowa tuwa 'ana tomuliyaina, taiya hedeyage. Ma tauma Mosese 'ana tomuliyao,

Paihowa 9:16

Ma 'abwa taugu yahe'itae muyao madoudi nata 'ilobadi 'agu hepwaila weyahina.”

Loma 8:36

Mwauwedi weyahina Yehoba 'ina Bukiya 'aigeda gwae gide 'igwaeya, “Sauga mabwaiyana 'ebe 'amasa 'oina 'amiyamiya, gide guyai bawedi sabi lohe'amasimai, beno 'ino paihowa weyahina.”

1 Kolinita 4:10

Ta 'ama 'ita gidemusa yauyauleima Keliso weyahina, ma hesi 'ami 'ita gidemusa taudi Keliso 'ana tosanapuwao, weyahina tauma we'awe'aima ma 'omi waiwaimi, ta ma'ami he'asisi, ma tauma hesi ma'ima debamwadina.

2 Kolinita 4:11

Moisa, mayawasima tuta bewa bale'uwa, ma Yesu weyahina tuta mabwaiyana 'oidiya 'ama 'alehao silolohe 'amasimai ma hesi Yesu yawasina 'wapima we'awe'adi 'alodi 'ihehetapewa.

Pilipai 1:29

Weyahina Yehoba 'itagwala pwaiya 'oimiya ma Keliso 'oina wahemihemisa, ma tauna wete weyahina wa'emuyamuya,

1 Pita 2:23

Ma tutaina si'ahwa galagalaeya geya wete 'oidiya 'ihe'isa, ma wete si'ehemuyeya, geya wete 'igamwasowaledi, ma hesi Yehoba 'ihemiseya moisa, weyahina tauna Toloina dumwadumwaluna.

1 Pita 4:14

Ma 'eguma tomota si'ahwa galagalaegomi 'imi hemisa Keliso 'oina weyahina, wayaliyaya tuwa, weyahina Yehoba yaluyaluwana 'asi'asilalaina 'oimiya 'imiyamiya.

Heꞌitaꞌita 2:3

Ma wete 'alama'i'ita sanigu weyahina wasanapuya, eeta paihowa mwaudi ta madoudi 'oidiyega geya wada we'a.