Madiu 3:6 - Loina Nuahuana

⁶ ma 'idi mumuga galana sihepwailediya, ma 'oinega 'i'abihe babitaisowedi we'aha Yolidani 'alona.

Madiu 3:6 ပူးပေါင်းရင်းမြစ်များ

Madiu 3:11

“Ceguma wanuwabui, taugu we'ahega ya'abihe babitaisowegomi, ma hesi 'abwa 'aigeda loheya muliguwega 'inaonaoma, tauna 'imadou sinegauwa, ta geya 'ilobwainegau ma weyahina 'ana butu yalihasi. Ma loheyaina 'itauyama, ma Yaluyaluwa Tabuna, gide 'aiwe ninima, 'oinega nata 'i'abihe babitaiso.

Maki 1:5

Ma tomota mabwaiyadi tupwa Yudiya mabwaiyana 'oidiyega ma meYelusalema wete mabwaiyadi sisawalama, Yoni 'ina guguya sabi hesagohe. Sihesagoheya ma mumugadi galadi sihehepwaile, ma 'i'abihe babitaisodiya we'aha Yolidani 'oina.

Luke 1:16

Ma 'oinega tauna meIsileli baibaiwadi 'itoe hiledima 'idi Bada Yehoba 'oina.

Luke 3:16

Coinega Yoni 'igwae latuwa 'oidiya, 'igwaeya, “Taugu we'ahega tuwa ya'abihe babitaisogemi, ma hesi 'aigeda loheya muliguwega 'inaonaoma ma Yaluyaluwa Tabuna 'oinega, gide 'aiwe ninininimaina, 'oinega 'i'abihe babitaisogemi. Tauna 'ihemadou sinegauwa, 'oinega geya 'ilobwainegau ma 'ana butu yalihasi.

Paihowa 1:5

Wanuwatuhuyahi 'abehega Yoni we'ahega 'i'abi'abihe babitaisowegomi ma sabwelo geya baibaiwana simiyamiya ma 'omi 'imi babitaiso Yaluyaluwa Tabuna 'oinega waloba.”

Paihowa 11:16

“Ma Bada mwalo 'ina gwae yanuwatuhu yahiya 'igwaeya, 'Yoni tomota we'ahega 'i'abihe babitaisowediya ma 'omi 'abwa Yaluyaluwa Tabuna 'oinega wababitaiso.’

Paihowa 19:18

Ma tohemisa hauhaudi baibaiwadi sitauyama ta boda matadiya 'idi mumuga guguyou sihepwailediya, 'abehega taudi wete si'oba'oba.

Paihowa 22:16

Ta to'aha hede 'uyamwayamwa, 'utoholo ma saninega 'ubwauwe ma 'ubabitaiso ma 'abehega 'ino puiyao 'ibuyodi.’

1 Kolinita 10:2

Ma yaloha ta hola 'oidiyega 'idi babitaiso silobeya 'abehega Mosese 'ana tomuliyao.

Kolose 2:12

Coinega Keliso ba'idamiu babitaiso wa'eweya gide 'amasa, ta wete Keliso ba'idamiu 'imi babitaisowega watoholo hila. Weyahina Yehoba 'ina waiwai wahemisaeya 'abehega Keliso 'amasega 'i'abihetoholo hileya.

Ibeliu 6:2

babitaiso 'ana he'ita, ta wete 'ada tohanugetao nimadi 'adi lagu debada, ma to'amasa 'idi toholo hila, ma gala 'ana maisa hesilae hataya. He'itaedi wasanapu pwaidiya.

Ibeliu 9:10

'eguma loinaowedi tomota simulimuliyedi 'e'ahai ma 'adi we'aha ma hali buyo ma hali buyo weyahidi. Weyahina mwalo loinaina miyamiyaina Yehoba 'ilaguya ta 'imiyamiya 'ana siga Keliso 'ilatuma ta loina 'ibuiya.

Yemesa 5:16

Coinega 'aigeda 'aigeda 'oimiya 'imi galaowedi wahepwailedi, ma weyahina wa'ahwanoi, ma 'oinega 'imi bwebwe'ana waloba. Moisa, tobwebwe'adi 'idi 'ahwanoi waiwai hedade.

1 Pita 3:21

Bwasiina 'ihe'ita moisa 'oida 'abehega bewa tuwa bwasi 'ebe babitaiso 'i'abihetegita. Ma babitaisoina geya 'abehega wahida 'ana deulamo, ma hesi 'ida 'ahwanoiyega Yehoba 'ateda 'igihe 'ehaudi, Yesu Keliso 'ina toholo hila 'oinega,

1 Yoni 1:9

Ma hesi 'eguma tahepwaila moisa ma tagwae “Yapui pwaiya.” beno Yehoba 'ida pui 'inuwasamudi ma 'igihe 'ehau hilegita, weyahina Yehoba mumugana dumwaluna ma ma'ana hemisa.