Madiu 28:6 - Loina Nuahuana

⁶ Tauna geya 'ebwa, weyahina 'amasega 'itoholo pwaiya, gide mwalo 'ihegwaegomiya. Wanaoma ma 'ina 'ebe'eno wa'ita gaugaulinamo,

Madiu 28:6 ပူးပေါင်းရင်းမြစ်များ

Madiu 12:40

Weyahina tauna Yonaina sabwelo 'etoi ma nihuwana 'etoi 'oidiya silahana madouna gamwana 'imiyamiya, 'abwa taugu Loheyaiguina wete gide sabwelo 'etoi ma nihuwana 'etoi 'oidiya bale'u 'alona yamiyamiya.

Madiu 16:21

Tuta nage 'oina Yesu 'ihegaina ma 'ana tomuliyao 'ihe'itediya, 'igwae, “Cilobwaineya ma yatauya Yelusalema, ma nobwa muyamuya baibaiwadi yalobadi, babadao ta topwaoli madoudi ma loina 'ana tohe'itao 'oidiyega, ma nage 'oina silohe'amasigau, ma sabwelo hetoina 'oina Yehoba 'i'abihetoholo hilegau.”

Madiu 17:23

ma silohe'amasigau, ma sabwelo hetoina 'oina Yehoba 'i'abihetoholo hilegau.” Yesu 'ina hepwaila bewa weyahina sinuwagala moisa.

Madiu 17:9

Yesu ba'idanao 'oyega sidobidobima, ma Yesu 'ihegwaediya, 'igwae, “Ginauledi nige wa'itediya sahena tomota 'oidiya wahehepwaila 'ana siga taugu Loheyaiguina 'amasega yatoholo hilama.”

Madiu 20:19

ma muliyetega si'ebwayegau taudi geya meYudiya 'oidiya, ma silotuyanegau, ma balaeyega sisapigau, ma kelose 'oina situtu hepatugau, ma sabwelo hetoina 'oina Yehoba 'i'abihe toholo hilegau.”

Madiu 27:63

ma sigwaeya, “Bada, to'aboina mwalo mayawasina 'imiyamiya 'ina gwae 'anuwatuhuya 'igwae, ‘Sabwelo 'etoi ma 'amasega yatoholo hila.’

Maki 16:6

Ma hewaliina 'ihegwaediya, 'igwae, “Sahena wa'ate'ateyoho. Yesu gwama Nasaleta, tauna sigihe keloseya wa'ebe'ebese, ma geya tauna 'ebwa 'imiyamiya, weyahina tauna 'itoholo hila. Cina 'ebe'eno bewa wa'iteya galihinamo.

Maki 8:31

Ma Yesu 'ihe'ale 'ihe'ita 'oidiya to'aha 'abwa 'oina 'ilatu, ma 'igwaeya, “Taugu Loheyaiguina 'abwa muya madouna yaloba. Weyahina babada ta topwaoli madoudi ta loina 'ana tohe'itao 'abwa silogwahategau ma silohe'amasigau, ma sabwelo 'etoi mulina 'abwa yatoholo hila.”

Luke 24:12

Ma hesi Pita 'itoholowa, 'ipili gogoina 'oina, 'i'italuhuwa 'ale'omo, 'oinega 'ihila ma'ina nuwapwanopwano to'aha 'ilatuwa.

Luke 24:23

ta Yesuina wahina geya si'itatoho, ma sihilama, ta to'aha gide anelose 'idi he'ita 'oidiya beno 'oima sihepwaila 'abehega 'itoholo hila pwaiya.

Luke 24:44

Ma 'ihegwaediya, 'igwaeya, “Gwaeyedi yatetela pwaidiya 'oimiya tutaina taugu ba'idamiu, mabwaiyana weyahigu sileleya Mosese 'ina Buki 'oina ta palopitao 'idi buki 'oidiya ma wete buki wali Same 'oidiya, ma 'oinega 'igu hepwailaina 'ana sanapu moisa 'ida latu.”

Yoni 10:17

Tamaguina tauna 'ihelauwegauwa madouna, weyahina yawasigu yatagwaleya ma ya'amasa 'abwa muliyetega yawasigu ya'ewahila.

Yoni 2:19

Coinega Yesu 'enadi 'ihemaiseya 'igwae, “Hada bewa 'eguma waligehi, nata sawasawahigu sabwelo 'etoi 'oidiya yahetoholo hila.”

Paihowa 2:24

Ma Yehoba 'amasa 'ina tupwa mwauna 'oinega 'i'abiheteya ta 'i'abihetoholo hileya, weyahina geya sowasowahina ma 'amasa 'ina tupwa 'imiyamiya hataya.