Madiu 28:2 - Loina Nuahuana

² Ma mwani'ini'i madouna 'ipiliya, beno Bada 'ina anelose 'aigeda galewega 'isuluma, ta dimwa galiha 'ahwanega 'ibuiwasiyeya, ma 'oina 'imiyatoiya.

Madiu 28:2 ပူးပေါင်းရင်းမြစ်များ

Madiu 27:60

Ma Yosepaina 'ana galiha hauhauna 'oina silaguya, ma galihina sipidiya gide duluha 'alona. Ma da'ule madouna ma pwa'upwa'uwana 'oinega galihina 'ahwana silagu bodeya, ma muliyetega Yosepa 'itauya.

Madiu 27:66

Coinega sitauya ma galiha 'ahwana 'ana loboda dimwaina wete sibwadeya, ma nobwa to'itayahinaedi sihalagudiya.

Yoni 20:1

Wiki 'ana sabwelo nugenugetaina gona 'ada'adale 'oina Meli Magidala 'itauya galiha 'i'iteya, 'ana 'ahusu'wana sibui wasiyeya.

Paihowa 16:26

ma mwani'ini'i madouna 'ipiliya ta sisalutuwama, ma hada deli 'ana wahuwahu 'inihuwa, ta deliina 'ana 'ahwa'edao si'eso'ediya, ma 'oinega toluhuwedi 'ahedi 'adi paiyao si'elihasidiya siboidimo.

Paihowa 5:19

Ma nihuwanega Bada 'ina anelose 'aigeda deli 'ana gudu 'iso'eya, ma 'itoe hapwesediya,

1 Timoti 3:16

Moisa tuwa, 'ida tapwalolo 'ana sanapu dahwadahwaina, ma hesi madouna, beno Keliso weyahina: Tauna 'ihetomotai masiha, ma Yaluyaluwana 'oinega 'ihewaiwaiya, ma aneloseyao si'iteya, ma wasana tupwa mabwaiyadi sihesagoheya, ma gogo gabulena tomiyanao sihemiseya, ma 'ihaneya tupwa wasawasa 'oina.

1 Pita 1:12

Ma Yehoba palopitaowedi 'ihe'itediya 'abehega gwae hemisaedi sihepwaila nugetediya geya taudi siboi weyahidi ma 'omi hesi weyahimi, ma nuwatuhuwedi mwalo weyahidi sigwae pwaiya bewa wahesagohediya wasa bwebwe'ana 'ana tohepwailao 'oidiyega, beno Yaluyaluwa Tabuna galewega 'ina waiwaiyega. Ma nuwatuhuwedi sihegwaegomiya, aneloseyao galewa nuwanuwadi ma taudi wete sida sanapu, ma hesi geya si'ita.

Heꞌitaꞌita 11:19

Eeta Yehoba 'ina Hada He'asisi galewa 'iso'eya, ta ya'iteya dedewaga he'asisi, Hada He'asisi 'alona, ma dedewagaina 'alona 'ina gwaehemisa 'ana buki 'imiyamiya. Coinega namala, ma 'enanao, ma gugula 'ina dagugu, ma mwani'ini'i, ma dohi gide 'aisi patupatudi ta pa'alidi silatuma.